داخله على الله ثم عليكم الحقوني وساعدوني جعلكم ماتجربون اللي حنا فيه"

:icon33:السلام عليكم ورحمه الله :icon33:


كيفكم يابنات انا من جد متضااااااااايقه حيل حيل حيل ومحتاره انا وخواتي ومانعرف وش نسوي عندنا مشكله وابي حلها منكم سريع سريع الله يوفقكم وجعلكم ماتمرون باللي مرينا فيه اجمعين

انا اختي توها متملكه من شهروزوجها طبعا متزوج من حرمه ثانيه وعنده عيال منها اكبرهم بنت باول ثانوي بس وتكلم خطيبها بالجوال وامس صار شي غريب جتها رساله بالجوال غريبه وحده تقول لها "انا وحده ادرس معك بالمدرسه وغيرت رقم جوالي لاني احبك وابي انصحك واقولك ان اخوي يعرف واحد من نفس الديرة اللي منها زوجك ويقول ان زوجك يتكلم ويقول اني ماتزوجتها الا علشان فلوسها وعشان تصرف على البيت وانا والله ماقلتلك هالكلام الا لاني ابي احذرك منه ولاني مابيك تتطلقين للمرة الثانيه بسببه لانك لو ماعطيتيه فلوسك راح يطلقك"

طبعا احنا قلنا لها طنشي ولاكانه شي صار جى اليوم ورجعت تجيها رساله بنفس التوقيت رساله امس وتقول فيها"انه يقول ان حرمتي الثالثه بتكون احلى واجمل من حرمتي الثانيه واصغر لان حرمتي الثانيه اكبر من حرمتي الاولى وصدقيني هو مايعرف الحب وشخص طماع ومايصلي لدرجه ان الهيئه ماسكينه يقولون له ليش ماتصلى الا يوم الجمعه"
واختي نفسيتها دمار من امس بس تبكي ومتضايقه وهو مايعرفنا ولا من جماعتنا بس صديق اخوي واخوي مدح فيه كثير وقال انه طيب وحبوب وعسل وابوي سأل عنه في ديرته والكل مدحه بس قالوا انه بس مايصلي الفجر بالمسجد اما باقي الاوقات يصليها واختي اكتشفت انه شكله بخيل من كلامه ؟؟؟

تكفوون يابنات الاجاويد شوروا علينا وش نسوي هي للحين ماقالت له اي شي واحنا مادقينا عالرقم ولا ارسلنا اي رساله ومو عافين وش نسوي وربي اننا بحاله مايعلم فيها الا الله
:(:(:(:(

39 تعليق 2,264 مشاهدة

شاركي في النقاش

سجلي الدخول لإضافة تعليق.

التعليقات

39
  1. @dbl_ash

    شوري عليكم ارجعووا ودققوا بالسؤال ..

    والرسائل ماتعني الاكيد يعني يمكن هذا شخص بيخرب بينهم .. والله اعلم فأنتم ترووا بالموضوع ..
  2. @brgonh

    هلا اختي اولاً تاكدوا من الرقم الي مرسل ؟؟؟؟؟ لازم تتاكدون زين وبعدين اختك متملكه يعني الموضوع لازم يكون فيه رويه وهدوء

    الواحد ماستعجل بالحكم على هذي المواضيع

    ارجعوااا دقووو بالسؤال عنه مره ومرتين وثلاث ,,,


    حالوااا تسألون احد يعرفه بالمره او قريبر منه ..


    عندي سؤال هل هو طلق قبل كذا اولا انا انتظر ردك ؟؟؟
  3. @asyrh_alaabrat

    صاحبة الموضوع
    "نسيت اقول لكم طبعا اختي هي الزوجه الثانيه له واختي اصغر من زوجته الاولى "وهذا تعليق عالرساله اللي ارسلها الجوال الغريب يعني حسينا من هالكلام انها واحد او وحده قاعده تتبلى عليه وتكذب واكبر دليل انها ماتعرف ان اختي اصغر من زوجته الاولى
  4. @hly_dmoaak_yaaayony

    دامها تقول شكله بخيل معناته هي بخاطرها شي ومارتاااحت

    تستخير ولاتاخذ الاواحد مقتدر ماديا اذا متزوج

    اما متزوج وماعنده زود ماده وش ذا الحياة زود على الهم ............. !!

تابعي تجارب أخرى من هذا القسم.