حسبي الله عليهم.. يافرحه ماتمت جدول الاحتياج للوظائف التعليميه

الله يرزقني بالوظيفه

الله يرزقنا من واسع فضله اميييين

اي قهوة وسوالف وكم درس باليوم...؟؟؟لكن معذورة ماجربت التدريس ...والله المعلمات يستاهلون اعلى راتب..يكفي مقابل ناس مايعرفون معنى الاحترام والذوق..تعب نفسي وصوتها يروح من هالهمج اللي عندها..اي وناسة الله يعافيك...وبعدين اذا تقهوت وسولفت وين المشكلة ..اصلا المعلمة لو تدرس ساعتين بس باليوم يكفي لانها تقبل بربر و همج طول الوقت مب اوادم؟؟؟...وبعدين الجازات المرضية يعني كم يومين مثلا بالشهر؟؟؟تأثر؟؟؟

الفوضى راكبه وزارة التحطيم والظلم
فصل فيه فوق 50 طالبة وعدد الفصول تقريبا 11 فصل وتدرسهم معلمه وحده بالله شلون رتبوا لها الجدول مو معنى هذا أنو فيه حصص محذوفه والحصه الوحده تشرح فيها درسين او اكثر عشان يغطون على النقص والعجز بالرغم ما فيه نقص بس ماودهم يوظفون في كل مدرسه يكتفون بمدرسه وحده تعطي رياضيات وان كثروا مدرستين
فيه الف حل وحل
وهم قادرين على انهم يوظفون كل الخريجات ولا بعد راح يصير فيه نقص
ام مسالة ان عدد السكان يزيد والوظايف تقل ما تدخل العقل المفروض الوظايف تزيد اكثر واكثر لان زيادة عدد الخرجين والخريجات يتبعه زيادة الطلاب والطالبات والناس تزداد وتزداد معهم حاجتهم لبعض
بالله الناس اللي ساكنه الرياض شفوا كل حي بطوله وعرضه ما فيه غير مدرسه وحده للابتدائيه او المتوسطه او الثانويه وان كثرت المدارس حطو مدرستين او ثلاث لحي كاااااااامل وحشروا خلق الله فيه المدرسه تكتم الانفاس والاكسجين اللي فيها يخلص من الزحمه
ومن غير الامراض النفسيه اللي يعانيه الطالب والمعلم
والمعلمات والمعلمين يشتكون من الضغط الهايل عليهم ويفرحون لا جاهم معلم جديد يساعدهم ويخفف عليهم الحمل
الحل بسيط لابعد الحدود لكن وزارة التحطيم تتعذر بنقص الامكانيات الماديه والفلوس تضيع هنا وهناك وبعد تنسرق
حسبي الله عليهم وعلى تخطيطهم الظالم
بناتهم يدخلون الجامعات وهن داجات ويتخرجن ويتوظفن قريب من بيوتهم
ام بنات الناس المساكين يعينونهم آخر الدنيا وكل يوم حوادث معلمات ومأسي وهم ولا على بالهم مرتاحين بناتهم حولهم هذا اهم شي عندهم
ام بنات الناس بطقاق يموتون يجعون بستين داهيه
اللهم أنت حسبي ونعم الوكيل