ما شاء الله عليك أخت سمو الروح .. والله كنت عارف انو كثير من أفكار التلوين عندك .. جد بتينيلي عن جد انو عندك خبرة رائعة ..
وبالنبة للخط مع التشكيل .. طبعا احلى واحلى
أحكيلك فكرة جلدة حكي لكن ما صورتها وبلكن صورتها .. لكن لاهتمامك وخبرتك انت والاخوات الكريمات أكيد حتفهميها علي من الشرح
لو جبنا أي رسمة الها بروز . مثلا آيات أو وردة أو اي شي .. وعملنا منها قالب .. القالب لو كان من أي مادة قاسية مو مشكلة المهم ايكون القالب داخلي .. يعني الحروف داخلة لجوا مو طالعة ... وبعدين جيبي سيليكون بارد ... واضغطي عليه ودخلي جوا القالب .. وطبعا ما تحطي كتير من اول مرة لانو ما بينشف ابدا .. حطي أول وجه وبس ينشف حطي وجه تاني
وبس ينشف ازيلي .. شو رح يطلع .. رح تطلع ايات او صورة بارزة من السيليكون البارد
خدي هاي القطعة ولصقيها على جلدة بالسايكوت .. لكن قبل ما تلصقيها طبعي الجلدة كلها بالسايكوت حتى يظهر بروز قوي للسايكوت على الجلدة
ايش رح يطلع؟ حيطلع منظر سيليكون بارد ملصق على سايكوت مطبع ..
واصبري لينشف .. وادهني بالاسود .. وعتقي .. شوفي شو رح يطلع معك؟؟ صدقيني هاي فكرة عجيبة .. وما كانت تستنى عنا بفضل الله القطعة
بسالنا الزبون : كيف كتبتوا الآية بهاي الدقة على الجلدة .. وهو مو عارف انها قالب
وشو التجديد الي فيها؟ بالعادة القوالب جامدة لكن هاي قالب لين بنثني
وافكار كتيييييييييير كتير
..
والامر التاني صدمتوني بس طلعتولي الخطأ في الكتابة .. لاني اهديت هاي الجلدة لصاحب الي .. هلا بدي اقلوا رجعلي اياها ههههههههه
لكن ما علينا .. سهل جدا التصليح .. بتكتبوا الكلمة .. وبس تنشف .. براس الريشة بتمسحو السايكوت من درجة اللون الي على السايكوت حولين الكلمة الي سقطت.. وبس تنشف برضو بتحفوها باسفنجة الزجاج وبتصير أصلية
ولو زادت كلمة سهل برضو .. بتجيبوا مشرط وبطرفوا بتقبعو السايكوت شوي شوي لتنمزع الجلدة .. بصير اثر السايكوت محلها لكن مهو حوليها تطبيع فما ببين بطبعو باقرب درجة للون .. وبتمدوا بالتطبيع حولين الكلمة حتى يصير مقبول للعين ... وممكن عشان يزول الخلل تماما .. بتجيبوا لون استيل شفاف وبترشوا على اللوحة كلها .. بوحد اللوحة بلون واحد لكن لانو شفاف ببين برضو كل التطبيع
برواز جلدة قديمة معتقة .. بالخطوات.. وفي تفصيلات جديدة
متابعة النقاش، صفحة 6