السلام عليكم ورحمة من المولى وبركاته
كيفكن صبايا.. منيحين؟<< كانت عندنا دكتورة سورية كلامها عسل نتحرى محاضراتها علشان لهجتها.. الله يمسيها بالخير..
تراي متابعة بس مو بصمت..قاعدة أشتغل على الصامت<<وش الفرق.
والله ماودي أبعد عنكم علشان ماتنسوني خخخخخخخخخ.. وكمان علشان اظل متابعة اليوميات المحمسة والجميلة والتعذيبية..أشوف هالأسبوع همة ونشاط وصور ومنافسات وحركتات.. كأن التفتيش شغال..الله يقويني ويقويكم..
الساعة الآن تدق 2 وعليها بعد منتصف الليل وطبعاً أبو الشباب الصغير مو راضي ينام الله يصلحه.. بالله دلوني على حل.. أتعبني بالسهر.. أصحيه الظهر وأقول خلاص ماأبغاه ينام إلا في الليل معانا .. يقاوم إلى العشاء بعد العشاء ويذووووووب في النوم.. يحزني والله يوم ينام أحيانا وهو جالس..
وإذا نيمته العصر ساعة ساعة ونص.. ماشاء الله عليه يجلس بنشاطه إلى هالحزة.. وإذا دخلته ينام تطلع كل المواهب ويجلس ينادي في اللي قابلهم الأيام الماضية.. واللي في ذاكرته.. لين يزعج ابوه وأضطر أخرجه من الغرفة.. ومستحيل ينام براااا..هذرت كثير بس والله متعبني الله يصلحه بالسهر.. حتى كنت قبل أقدر أروح لأمي مع زوجي الصباااح بس ألحين لا ياحسرة.. يوم يصبح الصبح وراسي داااااايخ من السهر..وأبغى أنام..هيا عطوني حل من تجاربكم فديتكم..
ثانياً.. بالنسبة للشغل الغسيل من أمس قاعدة أغسله على دفعات علشان المناشر بس 2 اللي عندي فلازم على دفعات وكمان إن شاء الله علشان طويل العمر الكـــــــــوي يمشي..
والمطبخ والله محتاج شوي شغلات بس مو رايقة له هالأيام يمكن ربي ييسر لي يوم أصلحها في يوم واحد.. أو أطلب تحطوووووه بعد اسبوع أو أسبوعيييين<< ياويلك من جروحه.. ماكأنها حذرت..
بس عندي شوي شغلات ودي آخذ رايكم فيها.. عندي الصالة طال عمركم في طاعته.. هي مكان جلستنا وفيها التلفزيون وأكلنا دايم فيها وفي المناسبات طبعا أكيد التقليط فيها ، ودي أغير شوي فيها.. ودي أغير الأرضية من موكيت إلى سراميك أو فينيل.. وش الأفضل؟خاصة وقت البرررررررد وعندي صغير.. وش أفضل المحلات اللي تصلحه عندنا هون بالمنطقة.. همتكم يابنات مدينتي.. ..كمان ودي أغير الكنب إلى جلسة مريحة زي كنب بسمات أو باطرمة شيء يكون مريييح.. فوش الأفضل؟؟
كثرت عليكم أكتفي بالشغلة ذي هالمرة.. والمرة الثانية أشوف رايكم في غيرها.. تكفون لا تخيبون ظني فيكم.. ترى العشم فيكم وفي أذواقكم كبيييييير..
حبيباتي والله ودي أرد على كل وحدة براسها بس والله أحيان الوقت مايساعد..والردود كثييير.. بس في قلبي كلام يقرقع لبعضكم..
دودي الحمدلله على سلامتك.. وعودتك..
بسمات الله يحميك.. أنت والكوي ناس تفتح النفس.. الملاعق الخشب اللي بالمطبخ حقك زي حقتي بالضبط.. وآخذتها من عندكم من جدة.. وأتوقع من سااااااكو.. يانحبه أنا وزوجي هالساكو بشكل.. قبل فترة أخذت طاولة محمول منه مرييييييييحة ولها مقاسات ولونها جذاااااب..
شيماء.. الله يسلم يدينك والله اشتهيتها.. مضبوطة ماشاء الله.. ممكن الطريقة لوماعليك كلافة..
وتحياتي وأشواقي للي معاي الليلة في العسس..
حـمـلـة تـنظيـف للـبـيـت ◄الجزء الـثالـث ►
متابعة النقاش، صفحة 195