الحقوووووووووووووووووني بنات زوجي بيتزوج علي !!!!

السلام عليكم
مشكورين جدا يابنات لاخلا ولاعدم
والله اعلم بمعاناتي عشان اجي واستلم الجهاز واقرا ردودكن الله يجزاكن خير
لااله الا الله
الي حصل يابنات
اني شكلي ظلمت سلفتي
لاحول ولاقوة الابالله
زوجي بعد ماجاء من مكه اليوم
قالي خليك جاهزه نطلع نتعشى برى ابيك بموضوع ضروري ولحالنا
انا طاح قلبي ببطني
قلت بس تزوجهاااااااااااا
ومسكت بطني وعجزت اتحررررررك
قال وش فييييييك
قلت لايكون تزوجت
ضحك وقال الي ياخذك يتوحش من العرس مره ثانيه
وهو يكركر
قلت احلف انك مااعرست
وحلف لي انه مااعرس الا علي
ودوم يارب
المهم
طلعنا
وتعشينا وبعدها قال اسمعين يافلانه
انا مارحت مكه عشان استخير اعرس عليها او لا
رحت عشان استخير بامر ثاني
قال اسمعين ولاتقاطعينن
الصحيح
ان امي وابوي من موت اخوي الله يغفرله ويرحمه
وهم يلحووووووووون علي انا او واحد من العيال نتزوج مرة اخونا طبعا عشان احفادهم وهم بعد حابين ان فلانه تظل معنا لطيب اخلاقها ودينها
المهم وكل مازرتهم ع هالحال ومو بس انا كل اخواني مثلي
والله يهديهم امي وابوي غلطوا علينا بالكلام كثير مثل ماانتم رجال خايفين من حريمكم ولاهمكم عيال اخوكم ومرته ومن هالكلام حتى وصلت للصياح شفت دموع ابوي الي ماشفتها بموت اخوي يترجاني اتزوج مرة اخوي عشان بناته الصغار
وامي اشد واشد وانا من اربع سنين وانا مخفي عنك هالامر حتى ماتكرهين الروحه لاهلي او يصير مشاكل وعداوات
ولا يجي في بالك يافلانه ان اهلي مايحبونك الا والله يحبونك بس تعرفين الكبارين يعتقدون ان كذا افضل واحفظ لاحفادهم والحافظ لنا ولهم الله
قبل شهر دقت علي مرة اخوي ام فلان
يقصد سلفتي
وهي تبكي وتترجاني اني مااوافق ع الزواج منها لانها ماتبي العرس خير شر
قلت من قالك هالكلام
قالت خالي يقول ابو فلان مكلمني عنك وبيخطبك هاليومين
قلت خير ان شاء الله
قالت شف ياابن الحلال انا ماابي العرس لامنك ولامن غيرك واي زوجي بالجنه
قلت مايصير الا الي يرضيك
رحت لابوي وقلت وش هالكلام انا بزر عندك الله يهديك تتكلم باسمي
بكى ابوي وحلف اني ماني ولده ولايعرفني ان ماتزوجت فلانه وجبتهم عنده بالبيت الكبير
وامي معه ازود وازود
كلمتها وقلت ابوي وامي حلفوا وتعرفين رضا الله من رضا الوالدين
وانا يافلانه باذن الله ماراح اقصر معك
قلت مستحيييييييل ماابي العرس
وجلسوا اهلي واخوانها كم شهر يقنعون فيها ترضى تتزوج عشان عيالها
اتصلت بيوم من الايام علي
وقالت موافقه بشرطين
رضا فلانه زوجتك
وزواجي يكون ع الورق بس لاني مااقدر اكون لغير ابو فلان تقصد زوجها وبكت لما قطعت قلبي
قالت انا متناازله ماابي منك شئ الا تنتبه لعيالي وتراعيهم بعيونك
ومنها افتك من عيون الناس لي وخطبتهم المستمره
قالت هالشرطين ماتنازل عنهم ابد
روحتي لمكه عشان استخير بشرطها الاخير بالذات وحلاله من حرامه
وطلبت ربي الخيره
وسالت مشايخ ودعاة هناك
وكلهم قالوا هذا مو زواج وواضح انها مجبوره عليك ولاترضاها ع نفسك ابد
بعد مارجعت اتصلت عليها
وقلت يافلانه انا ابيك زوجة ع سنة الله ورسوله لك ولزوجتي ام عيالي العدل كما شرع الله
لانك ماترضين اجي وشقي مائل يوم القيامه
وانا مستعد بلي تبين المهم اعدل بينك وبين بيتي الاول
وزوجتي باذن الله ربي بيفتح ع قلبها ويشرحه لك
قالت ابدا مستحييييييييييييل اوافق
شرطي لك ماابي منك شئ الا مراعاة عيالي ولكنك تبي مني ماتبيه من الزوجه لزوجها مااقددددددددددددر ابد لا لك ولالغيرك
قلت فكري واستخيري
قالت ابد قراري النهائي ماابي العرس خير شر
قبل يجي للبيت مر امه وابوه يسلم عليهم وعلمهم وش صار وزعل خالي وقال يابيي مانقدر نجبرها حرام انا طلبت اتزوجها واعدل معها وهي رفضت وش اسوي فيها اغصبها
قال الشكوى لله
انا طبعااااااااااااااااا لاتسالوني عن فرررررررررررررررررررحتي ان هالهم انزززززاح عن صدري وهالكابوووووووووس صحيت منه
شوي ولاارقص بالمطعم والله
والى الان من فرررررررررحتي ماجاني نوم اخذت الجهاز من هبه وجلست اكتبلكم حتى تفرحون لي وتدعون لي ولزوجي ولسلفتي بعد
بقى شئ واحد حبيت اقوله لكم

قبل شوي جتني رساله
من سلفتي
كتبت فيها
سامحيني
ليس ذنبي
ولا ذنبك
ولكن الله اختبرنا ولعلنا نجحنا في الاختبار
وحرام علي زوجك فلتقري عينا فانا اعلم معزة الزوج كيف تكون !

جزاكم الله خيرا لدعواتكم وردودكم التي اثلجت صدري
والحمدلله رب العالمين حمدا كثيرا طيبا مباركا فيه