أمي تغيرت أحوالها واحنا شاكين انه سحر

فجأة يا خواتي
صارت امي تعبانه وبس ترتعش كأن فيها حمى وهي ما فيها حراره
افحصوها كذا مرة
وكل مرة يقولون التهاب بالكلى
وهذا فجأة جاها
ولا تقدر تشوف زين بعيونها
عالجوها وخذت دوا وصارت احسن
بس بعد فترة وفترة ترجع تتعب علينا
وعندها شغاله اندونيسية اللهم يا كافي
جدية وما تبش بوجه احد الا احيانا
ونحس منها ان وراها شي
هي كانت مشتغلة بالسعودية يجي 10 سنوات
وجابتها امي وكملت سنتين وسافرت وارجعت لهم والحين في السنه الرابعة لها
بس غامضة جدا
حاولنا مرة في غيابها نفتح دولابها واكتشفنا انه مقفول
ولما لاحظناها اكتشفنا انها رسميا تشيل المفتاح في ستيانها دايما
وملابسها تغسلها دايركت بعد ما تاخذ دوش ما ترميها لوقت ثاني
عليها حركات غريبة
حتى والله مرة من المرات حلمت حلم اللهم اجعله خير
انها قاعدة في المطبخ لوحدها وتلف محشي ملفوف وتتلفت كأنها مسويه حاجه
وخفت من ذاك اليوم
كلنا حاسين ان هي سحرت امي بس مش متيقنين
والمشكلة ان امي تتمنى انها تقول بروح خلاص ما تبيها
بس لما هي تقول برجع لكم مرة ثانيه امي توافق
تقول كيف اقول ما ابيها وهي شايله البيت
تراها شغولة جدا وحركتها سريعة وطباخة ماهرة ولبقة في التعامل معانا
بس شاكين فيها
ساعدوني
كيف اسوي

13 تعليق 1,826 مشاهدة

شاركي في النقاش

سجلي الدخول لإضافة تعليق.

التعليقات

13
  1. @am_ltooof

    شغلوا في البيت سورة البقرة واقرأوهاايضاارقووها برقية السحر المعروفة سبحوها بالسدرالذي قرافيه القفل هذامايسويه الاالسراقات سمعت فيه ناس يهددوها باخذشي من شعرهااذافكرت تسوي لهم شي طبعا هذاتهديد والاالحمدلله كلنا نعرف ان السحر شرك ومن السبع الموبقات تداركوا والدتكم لانها تاج رووسكم وعمودالبيت الله يشفيها ويردكيدكل ساحر وساحرة
  2. @am_alghaly_6

    السلام عليكم ورحمة الله وبركاته

    أختي الفاضلة الله يشفي أمك ويعافيها ويخليها لكم

    وجعله تخفيف ذنوب ورحمة وأجر وعافية

    أختي انتي تقولين ان شغلتها طبية شكو السحر بالسالفة

    صح السحر مذكور بالقرآن بس مو شرط أي شي يصيب الإنسان

    حط فيها سحر وعمل وما أدري شنو

    اتكلوا على الله الواحد الأحد ماغيره أحد

    وتعوذي من الشيطان ووسواسه

    واعرضوها على أكثر من طبيب وودوها للمطاوعه اللي ثقة ويقرأون القرآن

    ولا تتحملون إثم الشغالة الا إذا تأكدتوا

    الله يشافي أمك ويعافيها ويخليها لكم
  3. @laak_aasl

    شغلو البقرة في بيتكم دائما وجيبوا وحده تفتش شغالتكم من راسها لساسها
    والله يكفيكم شرها يارب

تابعي تجارب أخرى من هذا القسم.