شاركي في النقاش

سجلي الدخول لإضافة تعليق.

التعليقات

39

  1. @shhyd_albhr

    الغااااااااااااااالية..دلع الحبابيب..

    ماشاء الله عليك أفكارك ذوووووووووووووق..

    كملي حنا معك..




    :26: :26:

  2. @shms1569

    نستنا البقية ياعسل........ :26:
    انا فرح اخوي سويت حرفه وحرف عروسته بالفلين كل حرف لوحده وجبت اعواد الاسنان (مناقيش) وثبت فيها شوكولاته وكان شكلها بالمره حلو( فكوره مني عالماشي ).سسسسسسسسسسسلام:26:

  4. @dlaa_alhbayb

    صاحبة الموضوع
    هلا ومليووووووووون غلا بزوارنا :23:
    قلت لكم باقي اثر ترحيب الزواج فيها:23:

    ابشرو من عنوني اكمل :27:

  5. @dlaa_alhbayb

    صاحبة الموضوع


    بسم الله نرجع نكمل :41:

    المهم زفة العصير بقولكم كل شي
    اول شي لبست اربع بنات طبعاً كبار مهب بزران

    أخذت قماش تل اسود وفصلته ماسك عليهم والبطانه من قدام مغطيه ومن وراء نازله شوي للظهر والاكمام بدون بطانه ماسكه عليهم لحد الكوع وبعدها يتوسع الكم (مثل ثياب الريجيل اللي بالجنادريه ) بس مهي طويله بالحيل مثلهم يمكن نازله قد شبر ونص



    وحطيت على الاكمام قروش ( الجنيهات) اللي بالثياب المصريه
    والثياب طويله مكسيه والتل مفتوح على الجنب للفخذ( وتحته البطانه مفتوحه لنص الساق) وعليه قروش فهمتو




    واخذت لكل وحده ربطة شعر فيها قروش وربطه وسط فيها قروش 0مثل المصريات


    0 والربطات وسط مهو دور واحد لا ثلاثة ادوار بس شكلها يهبل وخليتهم يلبسونها على اخصارهم (مثل الرقاصات )


    واخذت لكل وحده لون ( برتقالي، وموف غامق ، فيروزي ، احمر)



    واخذت جرتيبن صغار باكوابها وبخيتها بالون البني وعلقت فيها برتقاله بلاستك




    واخذت صحن (تبسي_ طوفريه) بجميع اللهجات بلاستك من عند ابوريلين واخذت كريشه حموار وغلفت الصحن وخليت له اطراف صغيره لبرا واخذت ورد مجفف احمر وبرتقالي وثبتها كان كل وحده طايحه على الثانيه بشكل مرتب >>> والله ياحرقني الغراء المسدس بسببها

    واخذت ثلاث شمعات(صغيره دائريه) صفيتها بالوسط بس بعيده عن بعض بحيث يجي بينها كاسة عصير

    واخذت كاسات العصير صغيره وثبت عليها كرستال (احمر وازرق واخضر )




    واخذت عصيرات شفافه (تفاح وكوكتيل وفراوله ) عشان تعكس الالوان بين الشموع

    نبدا في طريقة التوزيع

    طفيت الانوار >>>> وينك ياغلايه تن تنبسطين على تطفيت النور خخخخخخ

    وخليت ثنتين يطلعون بالجرار اللي معلق بها برتقاله طبعا بتسالون وش في الجره انا اقولكم بها موية زمزم بارده لان العصير مايجي بالجره فهمتو
    المهم ماسكين الجرار مثل مسكت اهل مكه (السقا) فهمتوا يعني ماسكينها بيدينهم على جنوبهم ومايله عشان يصبون في الاكواب>>> والله شكلكم مافهمتو بس اللي مافهمت اشرحلها نهاية الحصه >>> ايه هين صدقت عمرها خخخخخ

    ووراهم ثنتين بالصحون اللي بها الكاسات والشموع مولعه بس بعدهم بمسافه
    وبعدهم عاد الصبابات


    وخليتها تدق دقة سامري ترحيبيه بس مدري وشي لاني كانت اعصابي مشدوده والله مادري وش تقول
    طلعو البنات بالجرار ويمشون على اقل من مهلهم والطقاقه تمول
    وبعدهم طلعو اللي بالعصير لما بدت تدق سامري (مو بعيدين عن بعض بالمره لا مسافة اربع خطوات بينهم )
    وبعدهم الصبابات
    واللي بالجرار مشو لحد ماطلعو على الكوشه وحده لفت جهة الطقاقة والثانية جهت الحريم الكبار
    وصبت ذي كوب والثانيه كوب وكنت حاطه قاعدات حديد للجرار يحطونها مايله بحيث البرتقال تنزل جوا الكوب
    واللي معهم صحون العصير لفت كل وحده لجهه بالطاولات الاولى ووزعوا
    وبدو الصبابات يوزعون على الناس بشكل منظم

    بعدها طفيت الشموع واتشغلت الانوار
    وطقت الطقاقه أغنية( اهل مكه حمام والطايف اهله قمار) مشو حالكم منايب حافظتها:o

    ورقصو البنات

    وسلامتكم :27:


    تبون فكرة العشاء

    إذا تبون قولولي وأنا انزلها لكم >>>> ما أطول معها الذرابه لازم نذالة بسيطة
    خخخخخخخخخخخخخخ

تابعي تجارب أخرى من هذا القسم.