لا حول ولا قوة إلا بالله .. فجأة .. يقوم صاحب مدارس الجيل الأهلية وخلال يومي الخميس والجمعة الماضي بإخلاء مبنى الروضة ونقلهم لقسم الإبتدائي - بنات .. بدون أي مقدمات أو مبررات .. وللأسف .. 4 غرف ويقول لهم هذا هو مبنى الروضة ؟!!! طيب وين دورات المياه الخاصة بالأطفال ..؟؟ وين غرفة الأركان ؟؟ وين الورشة؟؟ وين أهم شي عند الأطفال ألا وهو ( الملعب) ؟؟ لا مراجيح ولا زحاليق ولا حتى ساحة كبيرة للعب ؟؟
ماصبر حسبي الله عليه حتى ينتهي هالتيرم ؟؟
تخيلوا .. الأطفال داوموا يوم السبت وهم مصدومين .. كل واحد متمسك بأمه .. خايفين من هالجحر اللي عطاهم إياه ويبغاهم يصدقون إنها مدرسة لهم .. بنتي اليوم رجعت تصيح وتقول خلاص ما أبي أروح .. رجعوني مدرستي القديمة ... هذا غير طالبات الإبتدائي اللي كل شوي طالين عليهم ..
والله بنتي اليوم نفسيتها زفت .. وما أدري وش الحل ؟؟ كلمنا صاحب المدرسة وما أهتم بالمررررة .. كان يرد علينا من طرف خشمه ..
شاركي في النقاش
سجلي الدخول لإضافة تعليق.
التعليقات
10- اذا كنتي تقصدين الجيل اللي في البديعة
بنت اختي في اول ابتدائي وتمدح في المدرسه انهم زينين ومتعاونين ومدري ايش ...
تصرفهم هذا ما لامه داعي ..اصبر يا خي
ما باقي الا شهر ونص ويخلصون ..وسو اللي تبي ..اما تحشر هالبزران في مكان ضيق كذا ..ما يصلح ..لازم اولياء الامور ما يسكتون على هالتصرف ...الكل يطالب والا ما فيه دفع ولا هللله ........
ما يجون الا بالعين الحمراء ... - ايه عزيزتي .. مدارس الجيل اللي بحي البديعة ..
الروضة كويسه .. وممتااازة بعد .. ومديرتها تجنن وبنتي كانت مبسوطة فيها .. بس تغير المبنى وخافت ...
ما أدري وش الحل معهم ؟ مو راضي يرجعهم المبنى القديم .. وما أقدر أطلع بنتي فجأة من الروضة ؟ وين أوديها ؟ - انا شفت مبنى بانينة جديد في السويدي غربي بنقلون لة لاني ودي ادرس ولدي فيها تمهيدي وش رايكم
- انا في مدارس الجييل وصحيح نقلووا الاطفاال بقسم الابتدائي بس سمعت لانهم بيصلحوون المبنى
بس المعلمات معاهم ماخلووووهم - طيب الله يسعدكم كم رواتبهم وكيف الأداره كويسه مع المعلمات وهل الروضه بنفس المبنى وهل عندهم احتياج معلمة اقتصاد وفنيه
مواضيع مشابهة
تابعي تجارب أخرى من هذا القسم.