سبحان الله نفس زوجي انا يوم زواجي اعطيته صندوق عطورات الكلام هذا له اربع سنوات بالضبط اخذ منه واحد وحطه في سيارته وقبل شهرين شميت ريحه فيه مررررره حلوه كأنها ريحة العود فظنيته رايح لأحد ومبخره فسألته قال ايه رايح لناس ويوم رحت معه في السياره وقال تذكرين عطرك هاذا هو والله العظيم ما نقص إلا ربعه قلت له حرام عليك يا شيخ العطر بيحزر في السياره وسعره حول الألف استعمله يا اخي كل يوم حط منه قال لا هو جلس اربع سنين وما نقص الا ربعه بيجلس بعد 8 سنين :35:
وباقي العطورات جلست سنتين في مكانها وفي الاخير اعطيتها ابوي واخواني وهم والله اللي قدورها والى يومك ما سأل عنها
قلت اغير واشتريت اقلام وكبكات وجزم هي مره وحده وتختفي واذا سألته يقول والله مدري ماعاد لقيتها والجزمه اقول ليه ما تلبسها ؟ يقول لالا مخليها للمناسبات وطبعا لها سنتين مالبسها الا مره وحده بس
فقررت بعد حكاية الجزمه ماعاد اشتري له شي واريح قلبي حتى الفوط شريت عشرين نوع ما يبغى الا فوطته القديمه
فقررت ماعاد اشتري له اي شي ووفرت فلوسي وهو الخسران
اعملي كذا واتركيه احنا الرومانسيه ذبحتنا وهما ولا هنا
اهدي له ولا يعبرني
متابعة النقاش، صفحة 3