شاركي في النقاش

سجلي الدخول لإضافة تعليق.

التعليقات

104
  1. أولاً الله يرزقك العيال عاجل غير آجل ويفرجك فيهم
    ثانياً أختي ليه موتره حالك لها الدرجه ؟
    ليه متعبه نفسك
    يعني لو ماجبتي عيال في حياتك لاسمح الله
    بتعترضين على أمر ربنا ؟؟
    قولي الحمدلله على نعمه جميعها
    وعلى إنه ربنا سخر لك زوجك
    أكثري من الدعاء والإستغفار
    وبالنسبه لأحاسيس الغيره إلي تجيك هذي طبيعيه
    بس إنتي لا تطاوعي إحساسك وتمشي وراه
    ممكن يكبر ويوصل لدرجه أكبر من كذا

    لاتطاوعي الشيطان
    لأنه فرحته لم يخرب بين وحده وزوجها

    الله يسعدك ويفرج همك ويرزقك الذريه الصالحه إلي تتمنيها
    وتملي البيت بـ 10 أولاد و 10 بنات يارب
  2. @sooolaf

    توك ما صار لك الا 4 سنين متزوجة اتمتعي بحياتك ليه ما تفكرين الا بالحمل الحمد لله زوجك يحبك
    وعندة عيال ليييييييييييييييييية مستعجله سافري استمتعي اطلعي واتمشي سافري زوري اهلك بكرة اذا
    جاك عيال بتتقيدين انسي الحمل واحسني الظن بالله ....
  3. @ghlaalroh

    انا اشوف انك حساسة بزياده ياه وعلبالك اذا ما جبتي له عيال بيتخلى عنك ...

    اول شئ انتي نفسيتك تعبانه من التفكير بالحمل ... + الغربة والوحدة ..

    اول نقطة لازم تسوينها انك تتقربي من ربك اكثر واكثر بهدف اصلاح دينك واصلاح علاقتك مع ربك .. حاولي تبتعدي عن المحرمات والمنكرات قد ما تقدرين يعني اللبس والحجاب حافظي عليهم و الصلاة اهم حاجه و الصوم وقيام الليل وقراءة القران والاستغفار .. والاذكار والادعية ..

    ثاني نقطة .. انتي عندك فرصة يكون عندك عيال وهم عيال زوجك ..... لا تحولي مشاعرك للسلبية اتجاههم .. بالعكس حاولي تحبينهم و تخلينهم يحبونك ... انتي لانك مو متقبلتهم بحياتك من اول عشان جذي مو قادرة تتقربين منهم ... كل ما جو عندك بالبيت عوضي بحنان الامومة عندهم وعامليهم كأنهم عيالك .. ولا تترجين منهم يعاملونك مثل امهم لان الام غير مهما كان بس انا متأكدة لما تعاملينهم مثل عيالك هم بالاخير بيتغيرون وبيحبونك مثل امهم .. العبي معهم اطلعي معهم السوق المجمعات .. حاولى تسألينهم عن حياتهم واصدقائهم .. تشاركي معهم بالافكار وبالاهتمامات .. لاتخلينهم يكونون السبب في تنغيص حياتك بل بالعكس انتي حاولي تخلينهم بصفك ولما يروحون لامهم وتترس رأسهم بالكلام ما بيتقبلون منها لانهم يلقون العكس من المعاملة .. واكسبي فيهم اجر وثواب مهما كان

    والله يرزقك الذرية الصالحه وكله قسمة ونصيب

تابعي تجارب أخرى من هذا القسم.