كل ام سنعة تدخل للاهممية .. البنات و شغل البيت / تعديل

والله البنات ماتغيروا بس الامهات اللي تغيروا والله كانت امي معلمتنا علمه زينه والله يخليها لنا من جد انجبت وعلمت مو الحين ينجبن ويخربن والاحرى يدلعن والله نطبخ ونغسل ونكنس ونرفع كل البيت على انا واختي امي بس مشرفه مو كبيرة في السن والله بس بتعلمنا وحنا بالمتوسط معتمده علينا بيتنا من انظف البيوت وعندنا همه بالنظافه ونحب يكون بيتنا قمه ونخاف يشوفن علينا الحريم شي ينقدن علينا بسببه اما البنات اللي بسنا من جد امعات ااااااااااااااااخر دلع تسوي الشغل والبنت تاركتها للمسلسل وتكلم زميلتها بالتلفون طول اليوم والنتيجه عدم نجاح في المدرسه من جد اقول والله نشتغل كل الشغل وحنا في ايام الامتحانات والله مسهلها علينا ويوم جيت ثالث ثانوي اختي قالت علي الغسيل ايام اختباراتك ويوم هي جت في نفس السنه كنت بالكليه وتعاونا الحمد لله معليش صاحبة الموضوع طولت يالغلا بس من جد انقد على الام المتساهله والله اشوف ان البلا من الام مو من البنت

الله يسعد صاحبة الموضوع الاكتر من رائع

انا مو مسويه جدول لشغل البيت انا اللي مسويته جدول نقاط و كاتبه في الجدول عدد الايام وكاتبه اسمائهم واللي يعمل شغله مزبوط اكتب

عشره نقاط وكل واحد نقاطه حسب شغله واللي ماعمل اكتب في خانت اسمه علامة اكس وفي نهاية الشهر اديهم مكافئه وتعالي شوفي

التنافس بينهم

عمرها ثلاث طعش...هاتي الحل مشكورة

انا اسوي مع بناتي كل الكلام المقتبس فوق



بحكم عملي فالشغاله اتوقع والله العالم انها ماراح تفارق بيتي فبصراحه خفت على بناتي من العجز والكسل والاتكالية فقررت العام الماضي عدة اشياء وفرضتها على بناتي فرض اجباري لان معكم علم البيت اذا فيه شغاله صراحه بناته يصيرن اتكاليات فخلاص قررت بدل ما افل سفرة الغداء انا واجهز الاطباق قلت من اليوم ورايح كل يوم على وحدة تفل السفرة وتحظر الغداء وتجيبه لنا في الصاله طبعا ابو الشباب ما عجبته الفكرة ابد يقول حرام عليك البنات صغار وتكرفينهن كذا

ايضا قبل اي شي ابيه انادي الشغاله هالحين لا اي شي ابيه انادي اللي عليها الدور الا في حالة الاختبارات لا ارحمهم فاذا خلصت من القهوة ناديتهم ياخذونها للمطبخ اذا الصاله تبي تنظيف والشغاله مشغوله او حتى نايمه اقوم اللي عليها الدورترتبها وتكنسها

برمضان قلت قهوة رمضان كل اسبوع على وحدة وتجهيز اواني السحور من قهوة وشاهي وحليب يحطونه بمكان جلستنا والشغاله تسوي الكبسه لقامت لان زوجي لازم كبسة السحور وعاد غسل الاواني عليها وبناتي يصلن الفجر وينامن

ايضا برمضان يقطعن السلطة ويجهزن بيتزاء سريعه ويلمن اواني السفرة ويفرشن السفرة ويظفنها اذا خلصنا

ايضا اذا شفت العيال محتاسين ويبون تسنيع قلت يالله على الحمام وحدة تروش والثانية تطلعملابسهم وتلبسهم

ايضا بالزواجات قبل كنت اشيل هم هم لاني اتعب معهم هالحين الحمدلله عيالي كبروا شوي اقول للبنات اذا اذن المغرب مافية واحد جاهز ترى محد رايح فهن من الصبح يهتمن بانفسهن ويستشورن ويكون ثيابهن والشغاله تجهز ثياب العيال وتكويهن اذا احتاج الامر وبعدين يا اخوات لازم تعودين بناتك يحضرن الزواجات اللي من الجماعه

لاني الاحظ امهات عندنا للاسف البنت ما تحضر الا زواج عمها او خالها او خالتها وطيب الباقين مالهم حق كثر في جماعتنا عدم صلة الرحم ما يجي الا اللحريم الكبار بحجة ان الزواج ماهو لنا قريب طيب وش المشكله اذا البنت احضرت ادري مصاريف وغثاء ماينتهي بس مو لازم كل عرسس الا احضر بفستان كشخه انا خلاص كل مابدت السنه الدراسيه احاول ادور لبناتي على فساتين حلوة واخيطها لهم طبعا كل وحدة فستانيين وطبعا يكونوا حلوين موشرط فخميين واخليهم يكرفون الفستان كرف صح وعلمتهم يستشورون شعورهن وارتحت من حوسة المشاغل اللي تاخذ الاولي والتالي

اما بالنسبة للضيافه اخليهم يشاركون ولا اخلي الشغاله تطلع ابد للضيوف وحدة من بناتي تفتح لهم الباب وتستقبلهم وانا اكمل الباقي ويجيبون لنا القهوة والفناجيل اذا تبييي غسل اناديهم يجون يغسلونها وطبعا كل مرة على وحدة ازين علشان ماتقول انا كرفت وفلانه بس جالسة ويجيبون الشاهي والفطاير ويضفون السفرة اذا خلصنا وتنتهي الضيافة وانا كلي فخر ببناتي الله يخليهم لي وايضا اذا سيرة على اهلي اخليهم يجهزون شنطنا وملابسنا ويجهزون حلى طبعا اعلمهم من الليل اقولهم ترى بكرة نبي نروح لجدانكم اذا حابينا تسوون شي الله يعطيكم العافيه وطبعا ما انسى اذا جاني احد اقول هذا شغل فلانه وهذا سوته فلانه وعند اهلي نفس الشي واحيانا اذا رحت للسوق اشري لهم اشياء حلوة واقول لهم تستاهلن دايم رافعات راسي

واذا طلعت للسوق لازم وحدة او كلهم حسب ظروف البيت يروحون معي يدفعن ويحاسبن والحمدلله نسيت اقولكم وحدة بسادس ووحدة بالمتوسط

يتعودون من هم صغاار على الشغل ولو بشكل بسيط