ديوانية قمرا واخواتها في عالم البناء والعمار

ام عليوي مبروك الله يتمم على خير انا ابي اسكن قبل رمضان وانتي قبل العيد وانا شكلي على العيد لان الابواب قال لنا بيخلصها بعد 35 يوم والله شغله يعني مافي امل والكهرب مايجي الا بعد تركيب الابواب الله يهديهم على القوانين المفروض خلاص حنا دفعنا للكهرب مفروض يعطونا خاصه خلصنا قسم المؤجرين بس باقي تركب المطبخ الاسبوع الجاي والله يعين لان باقي لنا ابواب داخليه واكيد بعد يبيلها فتره على ماتخلص اما الصبغ احسه اسهل شي لاني ماابي حركات كثيره اغلبه ساده ورق جدران وشمواه بس ماابي حوسه بالصبغ لان بيتي صغير واذا سويته اشكال بيطلع كنه محل اصباغ والله يعين وخلصنا من صبغ الشقق وبصورها لكم اذا ركبو المطبخ ونظفنا افضل تشوفونها كامله

فلونه..
الله يبارك لي ولك.. يارب,,
يعني انتي الحين خلصتوا على المطبخ.. كان كاسر خاطرك.. الحمدلله ارتحتي الحين..

انا مثلك اغلب بيتي ورق جدران واذا صبغ سادي.. بس المشكله في الدرجات لانه في الكاتلوج يطلع غيير التطبيق ..

والله يسهل عليك وان شاء الله تسكنين في رمضاان.. واعمال ليالي القدر كلها تسوينها في بيتك.. الله اعلم..
يالله على الكهرب صحيح واجد نعرفهم خلصوا كل شي بس ينتظرون الكهرب يجي ويتااخر وااجد..
انا ودي اسبوع العيد على شان مانجدد عقد الاجار قهر نجدد العقد وشهرين ثلاث واحنا طالعين.. شي يقهر والله بالاخص احنا الحين محتاجين لكل ريال مافي شي زايد
والمطبخ خلصتي مع اي محل؟؟

بالنسبه لورق الجدران خذتي الالماني ولا نوعيه ثانيه؟

فلونه استقبلى الصوره

بصراحه اول مره انزل صوره من جهازى وطلعت مررررررررررره كبيره

عطينى رايك اوكى وصغريها على كيفك :hahaha:

يابنات عطوني البرنامج اللي تصممون فيه الغرف
قصدي تكون صورة الغرفة من تصويري والبرنامج يغير الوان الاثاث والبويه
تكفون والله نسيت اسم العضوة اللي نزلت تصاميم غرفة بناته والا كان طلبت منه

لاتطنشووووني

شجرة الزيزفون..

ماعرفت البرنامج..

..

سجى ورقوووي والبناات المخضرمات زمااان ماطلوا هنا؟؟ فييين مختفين..