شاركي في النقاش

سجلي الدخول لإضافة تعليق.

التعليقات

1,961
  1. رونى ...صباح الفل يا قمر
    ولاء ...تسلم ايديك ..ايه الحاجات المدلعة دى....
    يا جماعة البشمهندس ابنى مجننى على الاخر ....دلوقتى ماشى سرحان على طول ومش بيتكلم الا للضرورة ...هو مش زعلان ومش خايف بس مش بيتكلم بيلعب مع نفسه ويضحك مع نفسه....واما بقوله مش بترد على ليه يقولى اصلى مش سامع ومرة اصلى مش عايز اتكلم علشان تعبان وكل ما يكلمنى يقعد يوششوش ...ونفسه يرجع المدرسة تانى....ماعدش غلس ولا بيتشقى ويشبط ....لما بقوله على حاجة مش بيتناقش معايا ويناطح زى الاول...بحس انه لا بيفرح ولا بيزعل حالة غريبة من عدم التركيز...هى كانت عنده زمان وراحت بس دلوقتى رجعت اكتر من الاول
    عملتله شيتات علشان يحلها فى الاجازة...علشان ماينساش ...لقيته مش مركز خالص وبيقولى مش عارف علمينى...زعقتله ...بحسبه بيتدلع لقيته بيعيط ...صالحته وبقيت اجيبله هداي واستيكرز ..بقى مبسوط وبقى يحب يحل فيهم علشان بيفكروه بالمدرسة
    انا مش عارفة بيدلع على ولا ايه ....حتى ولاد خالته ييجو يلعبو معاه مش بيعبرهم زما عادش بيشبط فيهم ولا يسال عليهم زى الاول
    عايز يعيش مع نفسه ....ولما باباه جه يلعب معاه بقى كل لعبه ...اتنين بيتخانقو ويشتمو بعض .....حتى لعبو مع الدباديب بتاعته كله خناقات ....مش عارفة اعمل ايه
  2. @lmya2008

    enn
    رونى ...صباح الفل يا قمر ولاء ...تسلم ايديك ..ايه الحاجات المدلعة دى.... يا جماعة البشمهندس ابنى مجننى على الاخر ....دلوقتى ماشى سرحان على طول ومش بيتكلم الا للضرورة ...هو مش زعلان ومش خايف بس مش بيتكلم بيلعب مع نفسه ويضحك مع نفسه....واما …
    كل العيال كده
    بنتى بتمسك اى شىء حتى لو شوز وتعملوا موبايل وتكلم روحها وتقفل الباب عليها كانى مش عايزنى اسمع بتكلم مين
    زى ما تشوف اقاربنا الخطاب وتتخانق مع خطيبها
  3. @3aroos_elneel

    ايناس ممكن حالة ابنك دى بسبب الحمل حاسس بالغيره
    لكن مش عارف يعبر هو عايز سياسه حاصه
    عايز وقته يكون مشغول تماما
    بلاش تخليه يدرس لانها اجازه
    هو عايز نادى لازم يخرج الطاقه ال عنده
    وطالما ان لعبه عنيف وخناق
    خليه يدرب كاراتيه فى نادى وسنه مناسب
    هو محتاج منك انك تهيأيه لاستقبال ضيف جديد
    لان بعد الولاده ممكن يتعبك اكتر لانك غصب عنك
    لازم حا تنشغلى عنه شويه هو محتاج برنامج
    يكون يومه كله مشغول
    هاتى له شيخ يحفظه قرآن او لو فى دورات فى المسجد
    مع تدريب الكاراتيه مع قصص تلوين
    وقللى جدا الكرتون لان الاطباء بتحذر من كثرته
    لانه ممكن تسبب احباط للطفل انه مش عارف يحقق
    ال بيشوفه وخصوا سوبر مان والحاجات الخارقه دى
    فقلليها تماما
    وحاولى اعرضيه على استشارى نفسى
    مش لانه مريض دايما الناس بتخاف من الموضوع ده
    وتخاف من كلام الناس على ابنها انه بتعالج نفسيا
    هو الدكتور ممكن ينظم لك طريقة تعاملك معاه
    فلازم تاخدى خطوات قبل الولاده لان بعد الولاده وقتك مش حا يساعدك
    انك تهتمى بكل التفاصيل
    واكثرى من الدعاء وكثرة الاستغفار والصدقه
    وممكن فى تصور تانى انك بتخافى عليه ومهتمه
    بكل تفاصيله بدقه تامه فخوفك المبالغ فيه خلاه
    دايما عايز يلفت نظرك له فكل يوم يفاجأك بفعل جديد
    ولما بيشوف ردة فعلك انتى ووالده يشعر بالانتصار
    ويستمر ويلفت نظركو اكتر
    فو الامر كده يبقى الحل فى ايدك ابعدى عينك عنه شويه
    وبلاش الخوف المبالغ فيه
  4. @toth_albtoth_1

    السلام عليكم ورحمة الله وبركاته

    صباح الخير على عيونكم يا قمرات .......... طبعا وحشتونى جدا ونفسى اكتب كل يوم بس مليش اى نفس الاواخر بقه والنفسيه مش تمام والحمد لله

    بصبح على كل المتواجدات والغائبات

    انوج يا حبيبتى كلنا هذا الرجل والله وانا مع كلام ايناس اوى لان الطريقه دى فى العقاب مختلفه وهتفاجأهم واكيد هتجيب نتيجه وانتى عارفه انى هقدر اضيف لان ايمان عامله الواجب معايا بزياده واذا كان على حماتك لو مكنش يوسف هيطلع الف سبب يخليها تتكلم عنك وتنتقدك فكبرى يا عسوله وروقى كده

    رشا الف سلامه عليكى ولو انها نتاخره وطمنينا على خالد ربنا يشفيه يا رب

    باقى البنات كلكم واحده واحده بسلم عليكم

    ............................................................................

    كنت عايزه كم نصيحه كده لفترة النفاس لان مهما كان اكيد فيه حاجات بعضنا ميعرفهاش وبركز على نقطة المشروبات المفيده للتنظيف

    وعندى سؤال غريب شويه كده ......... مفيش حاجه تخلى فترة النفاس تبقى اقل يعنى تنشف بسرعه لان زى ما انتو عارفين هى الفتره بتكون حوالى اسبوعين وبعد كده كله بيبقى نقط بس مفيش حاجه بقه تنشف النقط دى بسرعه ؟؟؟؟؟؟؟؟؟؟

    فى انتظار الرد ويا ريت كل واحده تكتب تجربتها فى النفاس لان الواحد زهق من العادات والتقاليد المسيطره على الوضع دى

    بحبكم اوى فى الله

    ومتزعلوش انى مش متواصله معاكم بجد غصب عنى وادعولى ربنا يكمل حملى على خير واولد بقه اصلى زهقت ههههههههههههه
  5. @toth_albtoth_1

    عروس صباح الخير يا قمر انا وانتى بنكتب فى نفس الوقت

    يا ريت تشوفى مشاركتى ولو قدرتى تساعدينى هنتظر ردك يا جميل

تابعي تجارب أخرى من هذا القسم.