بدخل في الموضوع على الطول
الموضوع يا طويلات العمر ان في ليلة كنت فيها تعبانة وكنت اجهز حالي علشان زوجي ياخدني للمستشفى واني كنت ألملم حاجياتي ما اشوف زوجي الله يحفظه الا عنده كم شغلة قاعدة يسويها ، كناس مقدمة البيت ، فاتح المجلس كأن عنده
ضيوف
رحت سألته ويش صاير
قال لي ان اخوووي فلان عنده ضيف ويبي يجلس في المجلس
قلت ليه بس اني تعبانة
قال لي لا تديري بال ، انا بجهز ليه المكان وباخدج على المستشفى
اني بعد من باب الواجب والذوق قلت ليه ما تبي اجهز لهم ضيافة لو اي شي
قال لي انتي اهم شي ترتاحي بس هم بعد رحت اخدت المبخر ولعت فحم وفوحت البخور
احتراما للضيف اللي جاي ، خبركم السنع واجب والضيف ما يعرفني ولا يعرف ظرف صحتي التعبانة
زين
واحنا طالعين ، مر على اخوه وعطاه المفاتيح ، هذا للبيت وهذا للمجلس
اني قلبي كان موشوشني ، ما شفت روحي الا اسأل
من يكون ضيف اخوك
علما باني ما اعرف اي من اصدقاءه بس القلب دليل
فقال لي زوجي خبرك فلان ناوي يخطب والظاهر ان البنت اللي يبي يخطبها يبي يجلس معاها يتفاهم معاها
على الزواج وترتيب امورهم الحياتية
اني بصراحة انصقعت ، والصعقة اللي صرت فيها مو لاني ما اتوقع من اخو زوجي او حماي ان ما يكون على علاقة
مع البنت اني عارفة زين انه عنده اتصالات بالهبل بس الصدمة اللي صرت فيها اشلون اني تركت البيت لهم لوحدهم
والبلوة والكبرى ان زوجي موافق على هالشي
بقول لكم شغلة ، في مجتمعنا جلسة الطرفين مسموح فيها اذا كان الهدف منها وضع اساسيات الزواج بس تحت عيون الاهل مو ينترك الحابل بالنابل لهم
زين
احنا طلعنا واخدني زوجي للمستشفى وما ندري ويش صار في بيتنا
ولاني كنت بحاجة لرعاية طبية فتأخرت في المستشفى وما رجعنا الا حوالي الساعة 11 بالليل
من برا البيت واني اشوف الانارة مالت المجلس البيضاء مضلمة ، توقعت انهم راحوا
بس لمن قربنا البيت لاحظت ان الانارة الصفراء اهي اللي مشغلة
ما حبيت اقدم روحي واني داخلة البيت علشان لا يفتكر زوجي اني ميته على معرفة من تكون صاحبة الظل الطويل اللي
جت البيت مع اخوه
تركته يدخل البيت لحاله والاطفال تابعينه واني جالسة بالسيارة متعدرة بمرضي ووهن جسمي لان زوجي كان لازم
يساعدني على المشي
واني داخلة البيت شفت حماي ينادي اطفالي ، فراحوا المجلس وسلموا عليهم وجتني بنتي الصغيرة اللي ما كملت 5 سنوات تركض وتقول لي عمي فلان وياه بنت في المجلس
يعني حتى الطفل مو مستعقل الموضوع ؟؟
اني رمزت لزوجي ان يغلق الباب ما ابيهم يشوفوني ، وسرت على غرفتي ابدل
واني بالغرفة اخو زوجي طلع لزوجي يتكلم وياه ان البنت تبي تشوفني
فسألني زوجي اذا اقدر اروح اسلم عليها
بصراحة اني ما رضيت كون ان الموضوع مو عاجبني من اساس وتعللت له بأني مريضة و مو حلوة ان البنت تشوفني
اول مرة بهالحالة المزرية اللي انا فيها هذه كانت اجابتي لهم بس اسبابي الحقيقة كانت شي ثاني هو ان الموضوع ماكان
عاجبني من اساس وما حبيت اكون فيه ضلع والشي الثاني ان كنت خايفة لا يوم من الايام تصير مصيبة والولد يتدرع فيها بأخوه وفيني ان احنا كنا عارفين الموضوع و ندري فيه غير ان حماي وانا اعرف طبعه راح يسوي لي السالفة عبادة اليوم تعرفي عليها ، بكرة عزميها واللي بعدها يبونج تزوريهم واني هالسوالف ما تدور عندي لان سبق وان حطوني في مشاكل كنت غنية عنها وتعلمت منها ان مالي شغل الا بزوجي واللي يبي شي يعرف يوصل ليه بس مو على حسابي
طبعا قربنا ندخل على غرفنا نبي ننام والظاهر ان الجماعة القعدة كانت عاجبتنهم مو راضين يفلون
فراح زوجي عطاه نغزه اذا بتمشي اعمل لي رنة بالهاتف لان انا بدخل انام وخبرك زوجتي تعبانة وبحاجة لرعاية
زين فهموا وطلعوا من البيت على الساعة 11.45
ومن ذاك اليوم واني هالموضوع من يجي في بالي احس بضيقة صدر
بالاول اقول مالي دخل فيهم وهذا البيت بيت اخوه ومدام اخوه رجال البيت هو ادرى باللي يسويه
بالتالي ما ابي البيت يصير لي صرمحة للداخل والخارج اني اشدراني ويش قاعد يصير وهما جالسين لوحدهم
ومن يطرا على الموضوع في بالي اقول لا حول ولا قوة الا بالله اني ناقصة تكدر وهم واسكت ولا كأن شي صاير
فهل تصرفي كان سليما ؟؟
اريد رأيكم وبكل صراحة
شاركي في النقاش
سجلي الدخول لإضافة تعليق.
التعليقات
7- حبيبتى نبهى زوجك لايكون بيتك للحرام كيف يجلس مع وحدة مومحرم اله حتى لو عادى عندكم وين شرع الله وبعدين لو يغلط اخو زوجك وتحمل البنت ويتفركش الموضوع كل المصائب راح تكون على راسك انتى وزوجك
وبعدين وين اهل البنت عنها كيف تجلس لوقت متاخر برا البيت هذة الى حصلناه من الحضارة الاجنبيه وبعدين ترى البنت احسها مش متربيه الله لايبلانا كيف تطلب تشوفك من زين فعايلها
انتى لازم تنبهين زوجك وتحذرينه باللين - المفروض يكون سؤالك هل تصرف زوجي صح ولا غلط؟
وهل لأني سكت بكون آثمه؟
ذيك الساعه بنقول لك تصرفه موغلط بس إلا حرام
والمفروض إنك ماتخلي زوجك يدخلهم بمجلسك لو إيش ماصار
عندها بنقول لك تصرفك صحيح ميه بالميه وجزاك الله خير شجرة*الدر حبيبتى نبهى زوجك لايكون بيتك للحرام كيف يجلس مع وحدة مومحرم اله حتى لو عادى عندكم وين شرع الله وبعدين لو يغلط اخو زوجك وتحمل البنت ويتفركش الموضوع كل المصائب راح تكون على راسك انتى وزوجك وبعدين وين اهل البنت عنها كيف تجلس لوقت متاخر برا ا…
مشكورة يا مي على الرد
موقف زوجي من اخوانه حساس للغاية
زوجي مب الاخو الكبيرلأخوانه بس يرعى اخوانه مثل ابوهم كونهم تربوا ايتام
واني عارفة ان حب يوصل مسج لاخوه ان البيت ما يغلى عليك بس مو على حسابنا بالاكيد
اني ليومي هذا ما تكلمت مع زوجي في الموضوع ولا فتحته ليه لاني ما بيه يعتقد مني اني ابي اسبب مشاكل بينه وبين اخوانه بس خاطري اوصل ليه رسالة اني هالشي ما ابيه يتكرر مرة ثانية لهالسبب اني متكدرة على حالي
شلون اوصل ليه الرسالة واني ما ابي افتح ليه الموضوع لا يتضايق ؟؟~ موحده بالله ~ المفروض يكون سؤالك هل تصرف زوجي صح ولا غلط؟ وهل لأني سكت بكون آثمه؟ ذيك الساعه بنقول لك تصرفه موغلط بس إلا حرام والمفروض إنك ماتخلي زوجك يدخلهم بمجلسك لو إيش ماصار عندها بنقول لك تصرفك صحيح ميه بالميه وجزاك الله خير
عيوني
في كثير من الاحيان احنا يالحريم لو نشوف الغلط قدام عيونا نسكت لاننا نبي نعيش وبلا مشاكل
يعني انا مو ياهل علشان ما اعرف الحرام او اني ما اميزه
يعني تصرفي بسكوتي ليومي هذا مو لاني راضية باللي صار ولا لأني ما ابي اقول لزوجي انت غلطان بتصرفك وخصوصا انه رجال ويقدر حجم تصرفاته بس لاني ما ابي اجيب لروحي مشاكل داخل البيت و اتسبب لروحي بالاذية
ويطلع احماي من السالفة مثل الشعرة بالعجين ولا كأن شي صاير عنده وكل الهم والمشاكل تركبني بسبب
اتصور ان السالفة يبي لها دبلوماسية في التصرف- بسمـ الله ..
أنا أرى .. أن زوجك أخطأ ..
عندما ترك الفتاه مع الشاب لوحدهما ..
فما فعلـه يرفضـه ديننا الأسلامي ..
وهذهـ تعتبر خلوهـ غير شرعيـه ..
عموماً حدث ماحدث .. ولا جدوى .. في الحديث عن الماضي ..
أما بالنسبـه لموقفك كان صحيح عندما رفضتي مقابلتها ..
ومعك حق في عدم تقبلك .. لما حدث ..
وأذا تريديـن رأي ..
حاولي أن لايتكرر ذلك الموضوع مرة أخرى ..
حتى وأن كان أخوهـ هوهـ الضيف ..
يأتي لمنزلك بأحترامــه ..ويذهب بأحترامـه ..
تقديراً لك على الأقل ... فالبيت ليس ملك لزوجك وحدهـ ..
بل ملكك أنتِ وزجك ..
هذا قولي .. وخط يدي .. فأن أصبنا فالفضل .. من ربي .. ومن ثم نفسي .. وأن أخطأنا .. فمني وأستغفر ربي ..
أخيراً ..
أسأل الله لك التوفيق ..
همسـه من همساتي ..
كوني .. قنديــل .. أذا كنتِ بوسط عتمــــه ..
مواضيع مشابهة
تابعي تجارب أخرى من هذا القسم.