كل الرجال كذا والا بس زوجي

مسسسسسسسسسسساء الخير

ابا ادخل بمشكلتي على طول زوجي رجل كمعظم الرجال جاف بس بزياده بس حنون وخدوم اذا صار راضي بس اما اذا ماهو راضي يبط الكبد

وهو انه يزعل زعل بصمت زعل يطفشني يعني ما يكلمني الا اذا كلمته ويرد باقتضاب وكانه مغصوب ولا يناظرني بعيونه ابدا
ومستحيل يقعد بالبيت اذا زعل ما يرجع الا بالليل متاخر ويحط راسه وينام
ويطول بالزعل وما يخلي لي مجال اراضيه
يعني وهذا دايم يصير انها تكون مشكله تافه او بسيطه مثل ليه ما تودينا اليوم نطلع انخنقنا من البيت وخاصه اننا نادرا ما نطلع
واعصب انا بس تعصيب مو ذاك حده وهو عااااااد ما يحتاج يعصب ويشيل الدنيا على راسه
وياخذ ثوبه على طول ويصبخ بالباب ويطلع ولا يجي الا نص الليل
مع انها مشكله تافهه بامكانه يقولي كلمتين وعاااد انا على الريحه ارضى واسكت على طول ما اصدق ان احد يقولي خلاص ياعمري المره الثانيه نطلع اخق على طول
الله يهديه يطول بالزعل شهر شهرين ما عنده مشكله هو يموت بالزعل سبحان الله ما ادري كل الرجال كذا والا بس هو
المهم ان ياسوي حركات واتجمل واتقرب احيانا بالفراش بس يصدني وهذا الي يؤلمني ويتعبني احس بمنتهى الاحتقار ليه كذا خلاص تقربت لك بالفراش ليه الجمود والحقران
ومستحيل يسوي شيء طول مدة الزعل كرهت تصرفاته
اللحين ما بقي الاايام ونتم شهر وحنا ما نكلم بعض الا بالضروريات واغلبها بالجوال
انا قهرني لما تزينت بالفراش وصدني حسيت بالاهانه وصممت اني اتركه والا اكلمه اللين يتعب ويكلمني
بس المشكله ان باله طويل يعني لو يقعد سنه بدون كلام ولا فراش عااادي يضغط على نفسه عشان عناده
بس بصراحه مليت واخاف الله يعاقبني
ارسلت له رساله قبل امس وقلت له يوم الخميس نبي نكمل شهر وانت زعلان جهز الكيكه عشان نتحتفل
قلت يمكن اذا دخل يتكلم باي شيء او حتى يسالني عن اي شيء او يحاول يحتك باي طريه بس ما فيه امل
والبارح قلت له فيك نوم قال ايه ونام على طول قهرني ما يبي يعبرني
صبرت شوي بعدين قلت له دورلي وقت عشان اتكلم معاك والله مطنشني كل اليوم
ابي اعرف كيف اتعامل معه بدون ما انزل راسي واجرح كرامتي لان هو عنده مبدا تاديب المراه
هل كل الرجال كذا والا بس الي عندي
كيف اراضيه يا عالم خاصه انه ما يحب النقاش ولا الحاور وش هي الطريقه

51 تعليق 51,640 مشاهدة

شاركي في النقاش

سجلي الدخول لإضافة تعليق.

التعليقات

47
  1. @shms89

    الله ايعينك يا خيه 00مثل زوجك كثير لا ترفعين ظغطك اعرف وحده يجلس شهور لكن ياحبيبتي 000لاتفقدين الامل دامه حنون فهو وده يرضي لكن رجولته ما نعته انتي خليك علي التزين وتعطري ولا كن شي صار واذا جلستو علي قهوتكم قولي له انا مقدر على زعلك والبيت مظلم من دون حسك ومن ها الكلام الحلو مره ومرتين واكثر الله ايعين الحريم وشكلك امعودته انك انتي الي تبدين با الصلح سواء غلطانه او لا وباالتوفيق0000
  2. شمس89
    الله ايعينك يا خيه 00مثل زوجك كثير لا ترفعين ظغطك اعرف وحده يجلس شهور لكن ياحبيبتي 000لاتفقدين الامل دامه حنون فهو وده يرضي لكن رجولته ما نعته انتي خليك علي التزين وتعطري ولا كن شي صار واذا جلستو علي قهوتكم قولي له انا مقدر على زعلك والبيت…
    تقول واحده جريئه مره انه صار مره زعلان ابو الشباب عاد ا نا رحت تلبست وتعطرت وشعللت جنوني
    وجلست لين ما دخل الفراش الا اروح له اقوله احنا زعلانين من بعض بس شدنب هدولي تقول مسكت يده وانا كمان مسكت المهم انحل الواجب ورجع الميه الى المجرى من له حيله فليحتال رجالنا هيك بدهم والسلام
  3. شمس89
    الله ايعينك يا خيه 00مثل زوجك كثير لا ترفعين ظغطك اعرف وحده يجلس شهور لكن ياحبيبتي 000لاتفقدين الامل دامه حنون فهو وده يرضي لكن رجولته ما نعته انتي خليك علي التزين وتعطري ولا كن شي صار واذا جلستو علي قهوتكم قولي له انا مقدر على زعلك والبيت…
    هلا عزيزتي
    لاتفكري ان زوجك راح يعتذر كل التماسيح كذا
    مايعتذرون الا بحالات نادرة
    مشكلة زوجك صعب انه يرضى
    عشان كذا حاولي ترضيه عشان تبري ذمتك وتريحي ضميرك
    يعني كل يومين قوليله اسفه عشان زعلتك وبس
    وفلييها ارقصي العبي مع عيالك ادخلي النت يعني
    لاتظهري انك متنكدة قدامه ياشين طبع الرجااااال
  4. @asooooom_2

    اغلب الرجال كذا حطي في بالك النوعيه ذي من الرجال لازم تتنازلين عن اشياء كثير في سبيل ارضائه واتقاء شر زعله حتى لو كانت اشياء تافهه وربي بيعوضك خير باذن الله بس خلي نيتك صافيه ولا تشيلي في قلبك لانك انتي الي راح تتعبي وهو صدقيني بيجي اليوم الي يحس انه كان غلطان حتى لو ماوضحلك بس خلي عندك صبر
  5. @ohyd_amy_2

    يزعل زعل بصمت زعل يطفشني يعني ما يكلمني الا اذا كلمته ويرد باقتضاب وكانه مغصوب ولا يناظرني بعيونه ابدا
    ومستحيل يقعد بالبيت اذا زعل ما يرجع الا بالليل متاخر ويحط راسه وينام

    ويطول بالزعل وما يخلي لي مجال اراضيه
    يعني وهذا دايم يصير انها تكون مشكله تافه او بسيطه
    واعصب انا بس تعصيب مو ذاك حده وهو عااااااد ما يحتاج يعصب ويشيل الدنيا على راسه
    وياخذ ثوبه على طول ويصبخ بالباب ويطلع ولا يجي الا نص الليل
    مع انها مشكله تافهه بامكانه يقولي كلمتين وعاااد انا على الريحه ارضى واسكت على طول ما اصدق ان احد يقولي خلاص ياعمري
    المهم ان ياسوي حركات واتجمل واتقرب احيانا بالفراش بس يصدني وهذا الي يؤلمني ويتعبني احس بمنتهى الاحتقار ليه كذا خلاص تقربت لك بالفراش ليه الجمود والحقران
    ومستحيل يسوي شيء طول مدة الزعل كرهت تصرفاته


    كانك تتكلمين عن زوجي مع اني اتنازل واراضيه حتى لو كنت مو غلطانه الا يطلعني غصب غلطانه ومخطيه ولا يبين بعيني بس الحين عرفت له وصرت مااكبر المواضيع اكثر من اللازم واخليه على راحته بس لازم اتنازل عشان بناتي واريح ضميري وعشان ماينهدم بيتي باسباب تافهه نار زوجي ولاجنة اهلي غصب نرضى تحملي واصبري ولك اجر نبي الجنه

تابعي تجارب أخرى من هذا القسم.