ارجوكم ريحوا بالي .. تعبت مع خطيبي

نصيحه يا اختي..نصييييييييييييييييحه

انتي تنازلتي عن اشياء كثيره لاجل عيونه ولا قدر وصدقيني اللي مايقدر بهالايام الحلوه ماراح يقدر وانتي ببيته


نصيحه ياختي...بكره وربي لتعاني وبقوووووووووووووووووووه

لما يحرمك من كل المتع ... وش فايدة الزواج

وين الحب

وين الاحترام

وين التقدير

وين المعامله على ان هذي زوجتي انسانه لها كيانها ولها شخصيتها ...

الزواج شركه ياسسها اثنين ويندمجون سوا ...مو واحد يهدم واحد ويكسره ويحطمه

نصيحه لا تتوهقي لين تححدي خطواتك صح

اللي حرمك من كل هذا بالملكه بكره بيسوي اكثر


بعضهم بالملكه عسل وسوي اللي تبين وادرسي واتوظفي وانا احترم المراه مو مثل باقي الرجال وانا وانا وبعد الزواج بم شهر يبدا يهدها ويحطمها يوم بعد يوم

لين تصير اسيرة الوحده والهم

وبعد هذا كله يشوف انه هو مظلوم وهو المغلوط عليه وانتي اللي فاشله وانتي وانتي

وانتي ماجبرتيه على شي

وشلون يبيك تسعديه وهو مايسعدك

وشلون مايبيك تنكدي عليه وهو بدا


مابي اخرب حياتك وادري اختيارك صعب

بس انتي بوقت من صالحك الافتراق

لو تزوجتي مابيكون من صالحك


وصدقيني بكره مابتتحملي

بس بتضيعي عمرك على الفاضي...


صعب تغيري رايه وتغيري تفكيره بكره بيعيشك بسجن...







اذا الرجال ماعامل زوجته على انها كيان وشخصيه مستقله وليست قطعه تملكها ببالمهر اللي دفعها

فهذا لاسف يجهل معنى الزواج


واللي يعصب عليك من الحين الخوف بكره وانتي عنده يمد يده...



الحياه نعيشها مره وحده فقط...اذا ماعشناها صح وش الفايده ليه نعيشها بهم وغم ونكد دموع علشان ايش طيب...

ربي يختار لك اللي فيه الطيب ويسهل لك امورك

ونقطه اخيره

ياختي اللي مافيه خير لاهله عمره مابيكون فيه خير لبنت الناس


اللي مايبر بابوه وامه ويحترمهم على قد ماقدموا له وسووا له وفضلهم عليه عمره مابيقدرك ولا يحترمك وهو ماعرفك الا من كم يوم او كم شهر

الله يعوضني خير يا رب ويقوي ايماني وصبري قولي امين

اختي اذا هو مو راضي يروح يتعالج وشايف ان هو مو مريض وان هو الصح وانا المريضةشلون اقدر اساعده.. والله ودي اساعده وما ابي احس بالذنب اني تركته وما وقفت معاه ... امرين احلاهما مر

امين ياربي ... دعواتكم