قبل لا أقول لكم على مشكلتي أتمنى اني الاقي منكم الاهتمام وأبغاكم تدوني أراء وحلول للمشكلة..
أنا فتاة عمري 23سنة , صراحة محتارة من وين ابدأ الموضوع ..
مشكلتي تكمن في إني كاتمة بصدري سر لمدة 8 سنين تقريبا..أنا من النوعية اللي ما اشكي لأحد مهما كان اللي فيني..
الكل ممكن يظن إنها مشكلة تافهة وبسيطة لكنها أثرت علي نفسيا واجتماعيا لدرجة كبيرة..
باختصار.. حبيت قريـبي لأبي من كنت 15سنة , وكنت احتقر نفسي وأحاول أكرهه لكن مافيه فايدة..
قلت إن شاء الله إني أنساه مع الأيام وإذا كبرت , وبالصدفة قالت لي أخته انه يقول لو معاه اللي يتزوج به كان تقدم لي وخطبني,بصراحة ما أدري هو قالها صادق وإلا يمزح مع أهله.. المهم انه تعلق قلبي فيه أكثر وكل ما أكبر يكبر حبه ويسطر على تفكري وكل مشاعري وبالذات إن أخلاقه عالية وطيب وحتى هذا الوقت وأنا لسى أحبه..
أشتاق له بكل وقت وإذا كلم تتعب نفسيتي لدرجة ماتتخيلون..بدأ الخطاب تقريبا من أربع سنين ومنهم من أقاربي وأرفض ولا حتى أفكر في الموضوع نهائيا لكني السنتين الأخيرة صرت أفكر بجدية هذي حياتي ومستقبلي لازم اشوف حالي , المشكلة إني لما أفكر في أي خاطب تتعب نفسيتي وأرفض..
كل ما أحاول أكرهه وما أتعلق فيه زيادة ما قدرت وكل ما أحاول انساه فشلت كل محاولاتي... الفترة الأخيرة جاني واحد يخطبني وفي فترة وجوده عندنا اتصل قريبي هذا على البيت وطلب الوالد وهذي أول مرة يدق فيها عالبيت وكل مرة يدق على جوال الوالد واللي حصل اني رديت عليه وانا من 3سنوات تقريبا ما سمعت صوته.... المهم ان هذي الحركة تكررت مرتين بعد هالمرة ويكون عندنا خاطب مع ان موضوع الخطاب يكون سري ما يعرفه أحد الا أنا والوالد والوالدة وانا مجرد ما أسمع صوته اشيل فكرة الزواج من راسي وانا اللي مستغربة منه صدفة اتصاله كل ما كان عندنا خاطب والله اني في حيرة ما أدري ايش اسوي...
وللمعلومية أخته تعتبر بالنسبة لي الأخت والصديقة وأقول هي بعد توأم روحي من كنا صغار (عشر سنوات ) ورغم علاقتي الحميمة بها الا أنها لا تعلم من هذا الموضوع شيئا مع اني أثق بها ولكن هذا الموضوع بقى سر في حياتي ولأول مرة أطلعه لكم لأني محتاجة لردودكم...
هذي مشكلتي وارجوا منكم مساعدتي فانا في حيرة من امري ولكم مني جزيل الشكر....
عشمي فيكم وان شاْء الله ما تقصرون معاي....:33: :33: :33:
أختكم الحـــائرة....دمعة وفــــاء
:30: :30: :30: :30:
الموضوع مغلق