الجزء السادس لديوانيه قمرا واخواتها في عالم البناء والعمار والتاثيث

هيبه موجوده وتحت الطلب...ههههههههه شخبارك ياجوجو تدرين الحال من بعضه قسمن بالله حتى يوم رحت بيت اهلي جلست احقق مع امي كم مسااحة مقلطكم ومجلسكم وصالتكم وجبت متر وخليت اخوي يمتر لي بس هم كبير زياده ع اللزوم..بس لاحظت شي اول تسمعين مثلا 4 في 6 تقولين ش ذا الصغر بس ع الطبيعه كبيره مش بطاله وحتى 4في7 احسه بيطلع مستطيل طالع شرح وحلو انا مثلك كنت ابي بيتي غير ولا ابيه ستاندر وعادي لفيت ودرت بفلل وبيوت ودبلوكسات ولاحظت انه اغلبها مشتركه بالتصميم..انا بيتي اليوم بستلم خريطته انا ركني ع شارعين مدخل الرجال مجلس كبير مفتوح وقباله دورة مياه مغاسل وجنبه المقلط وجنب المقلط المطبخ...مطبخي كبير شوي قسمت خليت 4 ونص في 4 ديرتي كتشن وفيه غرفتين صغار وحد ستور والثانيه غسيل وافكر اخليها للشغاله والغسيل برا.. ومطبخ 5 في 3,80 مفتوح بيكون فخم وغالي مفتووح بقوووس كبير مافيه جدار وكوانتر الجزيره خليتهم يبنون لي نص جدار..

مدخل الحريم اذا دخلتي ع يمنيك بزوايه البيت مجلس الحريم واليسار مغااسل وحمامات وراهم الصاله جايه الصاله بوجه البيت مع مجلس الرجال وسداسيه الشكل...وسلامتك..تحت ابي فقط للاستقبال..

مرحبا بالعجرميه الففلت حلو وراقي مايختلف عليه اثنين بس انا ناويه ما احطه فبيتي لاني من النوع المللول بخليه سااده.. واذا اضطريت احطه خليه ع السكري الفااااتح مع ذهبي بس المطفي اتوقع بيطلع حلو او سكري فااتح مع غاامق...والموووف انا مانصحك فيه حطي بامدخل لوون فاتح علشان يطيك اتسااع او خليه نصين اذا انتي مشتهيه الموف تحت موف ساده فااتح او رمااااادي جدا جدا فااتح وفوقه الففلت الموف شفت بمجلس حريم وحد من البنات جدار واحد طالع رووعه ..

جود احنا دبلكسات ومعنا شقق للايجار فلازم نرضخ لارض الواقع ان المسااحه ماتشيل...بالذات ااذا كانت المساحه مو من ال650م وطالع...او مسطح البناء من 400م وفووق...انا اشوف لاتضيقين ع عمرك..تحت خليه مفتح بطريقه حلوه وشرح فوق يكون للحوسه انا بتكون جلستنا اليومي بالصاله اللي فوق عندي غرف كثيره للنوم احنا عائله صغيره يعني بخلي غرفة العاب عيالي فووق ...

فلونه بيت حماي ملبس الدرابزين زجاج مثلج بالتجويفات وهو حديد مشغول ...ومخلي الفوق تقريبا متر ونص بس مدخل بالتجويفات كلها هالزجاج او بلاستيك ع شكل زجاج مثلج مو متاكده بس شكله كاااان رووووعه والله ...علشان محد يقدر يدعس رجله بالتجويفات وينط<<<هههههههههههههههه الله يحفظهم الا صح حبووبه كيف طريقه الدور الثانيه عندك كم غرفة نوم؟؟

بنات بسالكم انا المطبخ المفتوح بيكون بالنص بين مجلس الحريم والديريتي يعني مجلس الحريم بزوايه البيت والديريتي بعد وهو بالنص وقدامه الدرج ابيه يكون مفتوح كاامل بقووس كبير وابي فيه طاولة كونتر او جزيره سي ماتسمونها بالوجه بحط طابوق بنص الجدار برفعه من برى بلبسه حجر ودي اسال كم متر ارفعه متر ونص او كم بالضبط وعندي سؤال ثاني انا مدخل البيت حق الرجال ماتدخلين البيت الا عن طريق المقلط لان بيت اهلي حاطين باااب كبير اصواتنا كلها عندكم...ودي بدل مايكون باااب يكون انتريه استقبال واالا وش رايكم الباب ضروري؟؟