ابي اطور نفسي

السلام عليكم ورحمه الله وبركاته

مابي اطول عليكم وراح اعرض لكم مشكلتي على طول


انا متزوجه صارلي الحين سنه تقريبا وعندي ولد وانا للحين في النفاس توني والده من ايام (الحمدلله على سلامتي )كح كح

مشكلتي اني احب زوجي بس مابين له

كل استحي خاطري اضمه خاطري ابوسه بس ماقدر الحيا ذابحني ادري المفروض ماستحي لان هاي ريلي وابو ولدي بس ماعرف

حتى لما اقعد معاه ماعرف شلون اتكلم ولا شلون افتح موضوع

ولا اعرف شلون استقبله لما يجي من الدوام

مع ان طبعي مب جذي بس معاه هو والله كاسر خاطري<<< شكلي تنسيت عليه

هو دايم يقولي انتي مب مهتمه فيني ولا تحسسيني انج تحبيني مع اني والله احبه

حتى كلام حلو مايسمع مني

انا الحين ابي ارجع له بعد النفاس وانا غير ابي اكون انسانه ثانيه

وابي مساعدتكم

شلون استقبله وشلون اكون رومانسيه معاه وشلون افتح موضوع ووش اتكلم عنه ابي اكون معاه مرحه ابيه يحس بالفرق بين قبل والحين وابيه يحس اني اموت فيه

اللي عندها تجارب وافكار لاتبخل علي ولا على البنات خلونا نستفيد من بعض

4 تعليق 1,274 مشاهدة

شاركي في النقاش

سجلي الدخول لإضافة تعليق.

التعليقات

4
  1. @dafdyl

    ما شاء الله المنتدى ملياااان من الافكارلكن تطبيقها يحتاج جراءتكجربي كل يوم حركه جديده وعلى جرعات وبعدها تتعودينوذكري نفسك انه زوجك وانه يستاهل وانك مبسوطه معه وقبل هذا تذكري انك ماجورهواذا ما نفع فيك ذكري نفسك ان الرجال لصبره حدووود وممكن يدور اللي يبغى بمكان ثاني بالحلاااال او لا قدر الله بالحراام وتكونين مشتركه معاه بالاثم وترى الاشياء هذي عادة تجي بالتدريج حتى تصبح عادة لكالله يسعدكم
  2. @ahmr_shfah

    الله يخلي لج زوجج ،، وولدج

    بس اعتقد ما عقد العيال حياء بين الزوج وزوجته ،،

    يعني فكري شوي تحسين انج قاعدة تضيعيين احلى ايام حياتج
    هذا زوجج يعني حلالج ،، سوي الي انت تبيين معاه صدقيني راح يقدر هذا الشي

    لا تقول استحي لا عادي ساعات الرجال يبي زوجته تبدأ علشان يشوف تحبينه ولا لا

    والله يبارك لج فيه

تابعي تجارب أخرى من هذا القسم.