ارجوكم دخلوا وريحوني من صار له مثل ماصار لي وحملت على ولدها الرضيع

لا أعتراض على حكم الله هذا اول شي ثاني شي الحمد لله رب العالمين اليوم الصبح رحت حللت و طلعت حامل يادوب ماكملت الشهر الأول فرحت و زعلت حييييييييييييييييييييل ووزوجي كان ينتظر عند باب الحمام الله يعزكم ينتظر النتيجه طلعت من الحمام واقوله انا حامل وألمه واصيح وارتجف ماعرف شنو صادني انصدمت ساعاتها وكاني بحلم وزوجي يبوس فيني ويقول مبرووك مبروووك ويتربى بعزج:06: كان سبب زعلي هو على أبني البكري توه صغير عمره توه من يومين دخل 11 شهر بس و حملت عليه يعني حينظلم في حملي لأن الطفل في السنه الأولى بيحتاج حنان و رعاية و اهتمام بزيادة لين يعتمد على نفسه و لما بولد المولود الجديد بيكون عمر ابني الأول سنه وسبع شهور تقريباو يعني الدنيا منسكه بويهي مو عارفة ايش اسوي بعدين بعيالي طول اليوم وانا افكر وشوي ابكي من حرقتي على ولدي و على روحي لأني حتى وزني مانزلته وزني لي زاد بشكل رهيب بعد الولادة و خايفة ازيد اكثر و هذا اكيد استغفر الله يعني حملي لخبط عليا و حوسني و ضيعني حاسه روحي مشتته و ضايعة و مضايقة مو عارفه انسق و افكر و ارتب نظام معين بعد ولادتي كيف و اثناء حملي و تعبي يارب اطلب مساعدتك اولا و مساعدتكم ياخواتي تانيا لي صار معاها مثل ماصار معاي تقولي ايش عملت و ايش الحل ؟؟؟ الله يبارك فيكم و يرزقكم الذرية الصالحه
ونسيت اقول لكم انا عايشه مع زوجي بغرفة وحده وفيها حمام الله يعزكم في بيت اهله يعني انا وزوجي وابني ننام مع بعض بالغرفه يعني ماعرف كيف بنام وزوجي وراه شغل الصبح وفي طفل جديد يعني كيف بنظمن روحنا بالغرفه سبحان الله وربي ماعترض على شي لكن ارجوكم افهموني مابغي احد يلومني او يقول لي انتي وانتي انا ماتذمرت صحيح زعلت لكن رضيت بهالشي لان الله كاتبه لي وام زوجي كل فتره تقول لي حاسبي لاتحملين على ولدج توه صغير يعني اظن لو تدري بتنصدم
الحين اللي مضايقني ان وزني كثييير كيف مع حملي وبعد ولادتي كيف بصير
يابنات كيف نظمتوا حياتكم للي صار لها مثلي وكيف خلت زوجها يتاقلم مع الوضع

وشكرا لكم خواتي على كل شي

31 تعليق 3,153 مشاهدة

شاركي في النقاش

سجلي الدخول لإضافة تعليق.

التعليقات

30
  1. @maya2007_1

    لاتتضايقين ولا شي بالعكس احسن شي انك تجيبين طفلين ورا بعض لان طفلك الاول محتاج طفل يلعب معاه ويونسه لو مهما سويتيله ماراح يريحك الا اذا كان معاه اخ او اخت لانه بيتذمر ويطفش ويبيك على طول رايقه وفاضيه له بس اذا كان معاه اخ بتفتكين منهم ثنينتهم بيلتهون مع بع بعض صحيح تتعبين بالشهور الاولى من ولادته وبعدين ترتاحين انا اتكلم من تجرتي تحسفت اني تاخرت على ولدي لانه دايم يطالع الناس يبي اخوان اذا رحت لاحد مايبي يطلع من عندهم واذا احد طلع من عندنا كلن يسمع صياحه احمدي ربك واعتبريها خيره *****الله
  2. @nsmh_alzhor

    [ياحبيبتي احمدي ربك ترى ربي له في كل شي حكمه لو اطلعت انتي على القدر لأخترتي لنفسلك هذا القدر ترى ربي لطيف بعباده
    وكمان الحمدلله مو عمر ولدك شهرين ياكثر الي حملت زي كذا ترى احنا في نعم كثيره ..وكثير الي تحمل وهي ماتبغاه ويطلع
    ابر وا حد في عيالها...والله يسهل عليك]
  3. @sdym_58

    احمدي ربك على نعمه العيال ،، غيرك ماذاقو واحد

    انا حملت على بنتي وهي توها يمكن شهرين

    انا الحين صارلي 11 اسبوع يعني في الثالث وبنتي عمره 4 شهور ونص بس ومره فرحانه والحمدلله لاني ابغى اجيب اول اثنين ورا بعض وبعدين اوقف

    الله يرزقني اياه معافى يارب ويخلي لي بنتي

    وبالنسبه للوزن معليه جيبي هاذا وبعدين افضي لنفسك واهتمي فيها

تابعي تجارب أخرى من هذا القسم.