كل ام سنعة تدخل للاهممية .. البنات و شغل البيت / تعديل

تلمين ياصاحبة الموضوع ويسلمون الاخوات الي شاركو بجد موضوع مهمانا دايم اسمع ان البنت عكس الام من ناحيه الضفاره وشغل البيت والشيل والحط بس مو صحيح

انا بنتي توها صغيره ياحياتي سنتين ونص
بس مايمنع اني اعودها واربيها زي ماربتني امي الله يخليها ياربي
بالنسبه لي انا يوم كنت بعمر المراهقه او قبل حتى كنا عادي متعودين على شغل البيت مع انه عندنا شغاله
مثلا غرفنا كل واحده مسئوله عن غرفتها تنظفها وترتبها ترتيب خفيف وممكن مره بالشهر تجي الشغاله وانا وياها ننظفها تنظيف عميق
الملابس الداخليه اول ماتبلغ البنت تكون هي مسئوله عن ملابسها الداخليه وممنوع تشوفها الشغاله او تلمسها حتى ولازم تفهمين البنت انه هذا شي عيب وغلط انه يشوف ملابسك الداخليه حتى لو هي نظيفه وبالدولاب
الطبخ الله يجزا امي واوبوي بالجنه ياما كنت احوس بهالمطبخ ياعمري ياكلون ويمدحون وهو مطاريس تكرم النعمه بس فعلا المدح يرفع المعنويات وله مفعول السحر و
ونقطه مهمه اذا جت البنت تطبخ راح تسوي فوضى كبيره بالمطبخ ..معليش تحمليها ولاتكثرين الكلام عشان ماتمل وتقول خلاص ما ابي اطبخ
ايضا وقت المناسبات والعزايم كنا نشيل ونحط ونقدم ونباشر وحنا في الابتدائي وكانت امي ياعمري بس تمدح فينا وتقول الحريم يحسدوني على بناتي هالسنعات وانا وخواتي ياعمري نتشقق من الوناسه
ايضا كنا نساهم في تجهيز السفره وغسل الصحون مع الشغاله لان امي كانت دايم تقول ارحموها وساعدوها يرحمكم ربي هي واحده حرام تشيل كل هالشغل هذا لحالها
خلاصة الكلام
الكلمه الحلوه والمدح وتطووووووووووويل البال شي مهم في تعليم البنات المسئوليه وايضا لايمنع وجود بعض الحزم والمحاسبه في حالة امتناع البنت عن تحمل ولو جزء من المسئوليه خصوصا فيما يتعلق باغراضها الشخصيه
لانه لاسمح الله ممكن الواحده تضطر تغيب يوم عن بيتها على الاقل يكونون بناتها يعرفون يدبرون عمرهم ولو بشي بسيط ...
ويمكن اكثر شي خلانا انا وخواتي نتحمل المسئوليه ان امي الله يطول بعمرها كانت دايم تتنوم بالمستشفى مع اختي الصغيره لانها تعبانه الله يرفع عنها ..

الله يعطيكم العافية صراحة استفدت منكم جزاكم الله خييييييييييييير

مشكوره جا في وقته
الله يصلح بناتنا ويعينا عالتربيه
في هذا الزمن

تبون الحل طفو الدي اس ال وشيلو الاجهزه الجوالات والايبادات حتى لو بناتك كباااار بالجامعه لمدة ثلاث ساعات يوميا وشوفو البيت كيف يلمع واذا خلصو شغل رجعي كل شي لوضعه