ارضية المطبخ

يابنات ارضية المطبخ عندي فينيل ومن النوع الغالي الممتاز ومره عاجبني لكن ماني عارفه كيف انظفو ما احسو ينظف امسحو بخرقه مبلوله بدام المطهر وبس احسو مسود وماقدر اغسلو لانو ما عندي اصلا بلاعه الله يكرمكم ايش الحل عشان ينظف والله يابنات حبيت اشكركم كمان لاني كنت فاشله وبيتي معفففففن ولا اعرف انظف واتعلمت من هنا اشياء وسيرت سيت بيت وزوجي مره مبسوط مني الحمدلله ومطبخي محد يصدق ماما مستغربه من النظافه اللي سار فيها بعد ما كان يفشل دحين افتخر بيه وهوا يبرق ويلمع ونظييييييييييييييف والطبخ كمان سيرت طباخه ماهره واتفنن كلو بفضل الله ثم منتدانا الغالي

4 تعليق 943 مشاهدة

شاركي في النقاش

سجلي الدخول لإضافة تعليق.

التعليقات

4
  1. @aadoh_aaalm_hoaaa

    يستاهل عالم حواء المدح
    ***** الله البنات يساعدونك
    ونفس مشكلتي بلاعتي الله يكرمك
    ركبوا لي المطبخ وقفلوا عليها وغير امسح بمنشفة
    والله معاناه المشكلة مااغطيتها يعني فاتحة جو العمال
    ومادريت انهم بيركبونة وانصدمت لما ركبوة قبل اقفلها
  2. @am_bybrs

    عادي انا غرفة اولادي فينيل وطريقة تنظيفي اخلط ماء وصابون واخذ اسفنجه وافرك حتى تنظف ثم آخذ منشفه
    وامسح الارضيه وانظفها من آثار الصابون وآخر شيء امسحها بمنشفه مبلوله بماء وديتول وخلاص
    نظافه وتعقيم
    واهم حاجه ماتقرب المويه على اطراف الفينيل عشان ماتدخل بين الفينيل والارضيه وينعدم
  3. جربي انك تخلطين صابون تايد وكلوركس وموية بس لاتكثرين بعدين كبيها علي الفرشة وتدعكين الارضية وبعد كذا تسحبين الموية بمنشفة وتعصرينها في صحن صغير حتى تحسي الارضية نشفت وتجيبي ديتول وتمسحي مرة ثانية
    صحيح فيها تعب بس مو دايم تسويها ضريبة عدم وجود صفاية
    ارجو اني افدتك
  4. ميـيـيـو
    جربي انك تخلطين صابون تايد وكلوركس وموية بس لاتكثرين بعدين كبيها علي الفرشة وتدعكين الارضية وبعد كذا تسحبين الموية بمنشفة وتعصرينها في صحن صغير حتى تحسي الارضية نشفت وتجيبي ديتول وتمسحي مرة ثانية صحيح فيها تعب بس مو دايم تسويها ضريبة …
    اغسليه بلكروانة ولمنشفة

تابعي تجارب أخرى من هذا القسم.