ليه ياقلبي ياغلو؟؟
وانتِ ياطفله؟؟
استودعوهم الله وهو سبحانه بيتكفل بحفظهم
أنا جتني هالحاله بعد مافقدت جدي الله يرحمه ويغفر له
هو صح كان كبير
بس سبحان الله مات قدام عيني وبكامل صحته وعافيته!!
وحسيت وش معنى تفقد أحد غالي وتحبه ومابيدك شي..
وبدأت في دوامة الوساوس والترقب للأخبار السيئه
لو أحد يزكم ماأنام الليل
وصارت حياتي هم بهم
بس فجأه صحيت لنفسي
حسيت إني زودتها
وإنه أمور كثيره كانت أوووهاااام
وأشياء ثانيه أعطيتها أكبر من حجمها
ومرت أيامي بين الهم والقلق حتى أثر هذا الشي على كل اللي حوليه!!
والصدق
استحيت من ربي
والله استحيت
يحفظنا من أشيااااااء كثيره مادرينا عنها ولا حسينا فيه
وتجي الأقدار بالخير المكتوب لنا وحنا ماندري
واللي ربي كاتبه بيصير قلقنا ولا نسينا..
خلوها على ربي واستودعوهم الله
وكل ماجات الوسواس قفلوا في وجهها الأبواب ولاتسترسلوا معها
وعشان اللي يحبونكم
لاتخلونهم يشوفون القلق والخوف في عيونكم
ترى لو مااتكلموا حسوا فيكم..
خربشات غلا وصديقاتها
متابعة النقاش، صفحة 42