السلام عليكم ورحمه الله وبركاته ،،
الأخوات الكريمـات ،،
ترددت كثيراً قبل ما أكتب الموضوعـ ..
مدري من وين أبدأ ومدري كيف أنتهـيـ ..
وبعد أذنكم .. أتمنى أن تقرأوا القصه كامله ( عشان تعرفوا مدى التعقيد فيها ) ..
وعشـان تقولوا لي لو اللي عملته صح ولا غلط .. !!
أدري إن القصه طويله شوي لكن لعل الله يجعل من حلولكم بذره لحل المشكله ..
ويجزيكم رب العالمين خير لأنكم بتكونوا همزه وصل و دليل أسترشد به للوصول ( للحلال ) بعد رب العالمين ..
بسم الله نبدأ ..
ما تخيلت نفسي أفكر في الزواج في الفتره الحاليهـ
والسبب هو إنشغالي بدراستي الجامعيه .. والأمل على أن أحصل على ( إمتياز ) .. !
علماً بإني لو كنت أريد أن أبدأ علاقه مع بنت ( بالحرام ) .. كان الموضوع سهل جداً .. !
أكثر من مره تعرضت لضغوط .. لكن تجاوزتها رغم كل ( زلاتي ) .. !!
الحمدلله رب العالمين مو نـاقصني شيء ولو طلب شيء مهما كان .. يوصلنـي ( بفضل رب العالمين ) ..
ولو كنت أبي أتزوج كنت تزوجت من زمان .. لكن الدراسه هي اللبنه لمستقبل ناجح ..
بعدها تأتي المرأه الصالحه عشـان تحتويني و ترشد كل اللي تعملته عشان الذٌريه الصالحه ..
المهم في هذا العام إنتقلت لنـا بنت مستواها الدراسي أكثر من ( ممتاز ) ..
ما قدرت أتحمل من أول يوم شفتها فيه حسيت إنها هي اللي بتكون من نصيبي ( بإذن الله ) ..
قررت إني ما أستعجل .. سألت على أخلاقها عند جيرنها .. وسألت كل اللي يعرفوا البنت فقالوا لي توكل على الله !
بعد ما تأكدت .. كلمت بنت من زميلاتنـا في الدفعه تكلمها إني ناوي أخطبها .. !
البنت تفاجئت .. وما ردت لي خبر بخصوص الموضوع .. إسبوع كامل كنت منتظر منها رد وللأسف ما وصلني ..
بعدها بفتره وصل الرد بإنها ما تفكر في الزواج إلا بعد ما تكمل دراستها الجامعيه .. !
فقررت إني أكتب لها رساله لها أكتب فيها كل مشاعري كتبت فيها أسباب إختياري لها هي بالذات ..
ويشهد الله أن الرساله ما كان فيها كلمه ( غزل ) واحده .. !
كل الكلام كان يتكلم عن : إني بعاونها وبصبر عليها وإني أتمنى لها الخير وأتمنى أن رب العالمين يوفقني
بها ولو ما وفقني بتمنى لها السعاده وهذا هو الأهم ( إني أشوفها سعيده ) ..
كلمت زميلتي توصل لها الرساله .. والبنت ما قبلت أنها تأخذها .. صحيح أن موقفها زعلني ..
لكن في نفس الوقت كبرت البنت في نظري .. وصممت عليها أكثر !
هل انا غلطت لما كتبت الرساله .. ؟ ولو كانت بحسن نيه ؟
المهم بعد ما صار .. ما صرت أكلمها أبداً .. وما صرت أسوي لها أي إعتبار داخل الصف ( ولا كأنها موجوده ) !
اسمر الوضع شهر كامل ..
والأن بدأت ترجع العلاقه بس بشكل بطيء جداً .. !
اللي عرفته أن الأم هي السبب في عدم قبول البنت تتزواج لأنها حالفه ما تزوج بنتها إلا بعد ما
تكمل الدراسه .. !
انا كلمت الوالد والوالده والجميع موافق عليها بعد ما سألوا ..
لكن المشكله هي في البنت لأني ما ادري عن إحساسها .. !!
ما أبي أتقدم .. إلا بعد ما أتأكد من مشاعر البنت ..
والمشكله أنه معروف عني إني خجوووول جداً جداً جداً .. ! وما أكلم أحد .. !
أكلمها وأواجهها ؟
أنسى الموضوع ( قبل ما يبتدي ) ؟
أكلم أمها مباشرهً عن طريق الوالده ؟
أكلم أحد من أهلها ( يتوسط ) ؟
البعض قال لي :
أن البنت ما تستاهل التعب ( مهما كان إسمها أو جمالها أو نسبها ) .. ولو كانت تبيك كانت قالت لك من البدايه .. !
ولازم أعرف أبن من أنـا ولا أنزل نفسي أكثر من كذا .. !
والبعض الأخر قال :
أن العسل ما يجي إلا بعد ( لسعه النحل ) .. أحاول مره ومرتين وثلاث .. !!
والقلب مع الأيام بيحن .. والصعوبات اللي مرت بنتذكرها بعد سنوات ونضحك عليها ( بعد سنوات ) .. !
علماً بإن البنت تقدموا لها رجال ما أحد يقدر يقول عنهم شيء .. !
حسب ونسب و ( رجال ) بكل ما تعنيه الكلمه من معنى ولهم قدر كبير .. لكن الأم رفضتهم كلهم .. !!!
بحجه ( دراسه البنت ) علماً بإنها رافضه حتى ( الخطوبه ) .. !!!
أخواتي الكريمات .. انا ما كتبت الموضوع إلا بعد ما إستخرت رب العالمين ..
من باب ( الإستشاره بعد الإستخاره ) .. !
حاولت والأن أهل البنت و اهلي كلهم عارفين بالموضوع .. ما عدا أبوها وأمها .. وش أسوي أكثر .. !
والله أبي أسعدها .. !!
هذي قصتي بإختصار شديد ( مع عدم ذكر الكثير من المواقف ) .. !!
فبما أنكم بنـات .. يعني تعرفون إحساسها الأن أكثر مني ..
اتمنى إنكم تنصحوني .. وش أسوي ؟؟؟
علماً إني أقدر أتزوج اليوم قبل بكره لو لقيت ( بنت الناس ) ..
قفله :
لو ما كتب لي الله هذي البنت ..
هل تنصحوني آخذ واحده حافظه كتاب الله ( مع أني كنت أتمنى هذا الشيء من زمان ) ..
أو أخذ واحده ملتزمه بصلواتها وطاعاتها بدون النظر في الأمور الدقيقه .. !
( أتمنى إنكم فاهمين قصدي في هذي المسأله ) ..
أدري إني طولت .. لكن ما بيدي إلا أني أقول :
الله يرزق اللي ترد الزوج والذريه الصالحه والرزق من أوسع الأبواب ..
والأهم .. أسأل الله من كل قلبي أن يدخلها جنه عرضها السماوات والأرض ..
حســاسـ
الموضوع مغلق