شوفي بما إنك ضره فأبتعدي عن ضرتك أفضل لك وأفضل لها ريحي نفسك وكمان ريحيها , وخلي كل وحده منكم تعيش مع زوجها وكأنها هي الوحيده إللي بحياته إنسي إنها موجوده وكمان خليها تنسى إنك موجوده في حياتها لأنه بصراحة مهما كان وجود ضرة ينكد الحياة فأنتِ ليش تبغي تتقربي لها وتنكدي حياتها وحياتك كمان ؟ طبيعي إنه فيه وحده منكم أغلى من الثانية عند الزوج فالله سبحانه وتعالى ذكر في كتابه العزيز :" مَا جَعَلَ اللَّهُ لِرَجُلٍ مِنْ قَلْبَيْنِ فِي جَوْفِهِ" لكن ممكن تكونو ثنتينكم مثل العينين في الرأس يعني كلكم غالين وممكن تكون وحده من العينين فيها نقص لكن تبقى عينه الغالية وراح يلبس نظاره علشان تتساوى الثنتين ويرتاح فيا أختي أنتِ فقط أهتمي بزوجك إنه يعدل ولأنه هو الضرّة الحقيقية وابتعدي إبتعاد كامل عن ضرتك إذا كانت أو كنتِ أو كنتم كلكم مسببين لأنفسكم حالة من القلق وعدم الإستقرار لأني مستحيل أتخيل حياة سعيدة ومستقرة ونار الغيرة تشتعل ..