سااااااعدوووووني يا بنات الامارات! فستان العرس هم!!

مرحبا بنااااااااات...

أنا عضوة جديدة و أول مرة أشارك.. ملجتي باجر ان شاء الله و العرس شكله آخر يونيو... و صراحة ما أعرف شو لازم أسوي..
قالولي أهم شيء الفستان.. بس ما أعرف اذا أفصل ولا أستأجر أحسن.. شو رايكم؟ و وين بحصل مصممة زينة و سعرها معقول أو مكان راقي أستأجر منه و يكون في دبي أو الشارقة...

و بعد الفستان.. شو لازم أسوي؟ أنا ما عندي وقت ألف في الأسواق لأني أدرس و أشتغل و مووووووووووووووول ما عندي وقت.. خاصة ويا زحمة الشارقة و دبي!!!

8 تعليق 847 مشاهدة

شاركي في النقاش

سجلي الدخول لإضافة تعليق.

التعليقات

7
  1. @nor_alosal

    هلا أختي

    أولا ألف ألف مبروك وعقبال باقي بنات المنتدى

    يعني إنت عندج تقريبا ثلاث أشهر عشان تجهزين؟؟؟!!!

    مب مشكلة، إنت وين ساكنة؟؟؟

    بالنسبة للفستان، التفصيل غالي ويبغيله تفرغ وركيض ودوخة راس، أنا أشوف لو إتسيرين عن الحريم إلي يأجرون فساتين في بيوتهم بيكون أحسلك خاصة إنه إنت تدرسين وتشتغلين...

    ولباقي التفاصيل بنتواصل على الخاص
  2. @am_hryr

    صاحبة الموضوع
    مرحبا نور الوصال.. مشكورة حبيبتي على الرد..
    أنا مشاويري بين الشارقة و دبي و بس.. وين ألاقي الحريم اللي يأجرون فساتين في بيوتهم؟ عندج أسامي و أرقام حد؟

    بنية أعرفها فصلت.. هي دفعت جزء و صاحبة محل تأجير دفعت الباقي و خذت الفستان بعد العرس.. شو رايج؟؟ والا عبالة؟؟
  3. @alfdh

    هلا حبيبتي و مبروك مقدما

    أنا اعرف وحده اتاجر فساتيين وايد حلوه وهيه في الشارجة.. اذا حبيتي بطرشلش رقمها على الخاص...

    ومبروك مره ثانيه
  4. @pinkberry_1

    شو رايج اذا تبين تأجرين

    فستان اختي مع الطرحه والجيبون لبسته يوم عرسها والحين معلق في الكبت

    ماحد لبسه شو رايج لو تبغين ممكن اسألها
  5. @am_hryr

    صاحبة الموضوع
    الفضه
    هلا حبيبتي و مبروك مقدما أنا اعرف وحده اتاجر فساتيين وايد حلوه وهيه في الشارجة.. اذا حبيتي بطرشلش رقمها على الخاص... ومبروك مره ثانيه
    هلا الفضة.. الله يبارك فييييج و عقبال العاوزيييين :)
    يا ريت تطرشين لي رقمها.. مشكوووووووووووووووووورة :)

تابعي تجارب أخرى من هذا القسم.