ابني ولامساك والله كاسر بخاطري

مساءكم ورد يااحلى امهات
بغيت منك تساعدوني بخصوص ولدي مسكين
تقريبا عمره 10 شهور راح يدخل ال11
وكل مابغى يسويها وانتوا بكرامه انواع الصياح ويتعصر ويقلب لون وجهه
احسه يتعذب من جد
والله ابكي معاه اذا شفته بهالحال ومدري وش اسوي
تكفون لاتقولون تحاميل جلسرين ماابيه يتعود عليها
ولا عصير برتقال لأنه بعد مامنه فايده معاه
وهذا حاله تقريبا شهر
حتى انه يتجرح ويطلع دم
اقول بوديه مستشفى
اهله موب راضين
يقولون عدلي اكله ويضبط
وانا من هناك قلبي يتقطع عليه
سألتكم بالله وش الحل

6 تعليق 610 مشاهدة

شاركي في النقاش

سجلي الدخول لإضافة تعليق.

التعليقات

6
  1. @msrkaa_hanm

    لاااااااااااااااااا
    انتبهي
    بنتي مثل بنتك وبدها على الشهر ال6
    وعلى قولتك يطلع معاها دم
    وولما مره تسويها وهي تبكي وانا ابكي معها والله اني تذكرت الولاده :icon33::icon33::icon33: ويصب الدم كثييييييييييييييييييييييييييييييييييير ملا الحفاظ الله يكرمك
    ولما ودينها للطبيبه صار فيها شرخين في الشرج
    ولليوم والله تعبانه
    لازم تحاميل جلسرين تراها اهون من الشرخ اللي ممكن يحتاج لعمليه لو ما راح
    ولازم تروحين للطبيب يشوف الفتحه ويعطيك له كريم داخلي مرتين باليوم
    وممكن بعد يعطونه حقنه شرجيه << كذا سوو لبنتي
    وغيرو لهال الحليب رجعوه لحليب قبل ال6 شهور لانه اقل حديد
    وابعدي عن الاكل اللي يسبب امساك
    بعلمك وش سويت بس على فكره اغلبه ما فااد بنتي للاسف لكن بقولك للفائده وممكن يفيد طفلك
    _ المنقا : اعصريها مع شوي مويه وشربيها اياه << ماناسبت بنتي استفرغتها ثم طلعتها من الحفاظ بنفس الشكل يعني ماانهضمت في المعده ولا الامعاء
    _ الكوسه والقرع : اسلقيها وخليها له وجبه
    _ كاس ماء احطي عليه كم تمره منزوعة النوى والقشر ثم اضيفي عليه دقيق بر وحركيه ثم خليه يغلي على خفيف نص سااعه الى ساعه الا ربع واخلطيه مع ملعقه صغيره زيت زيتون
    _البرتقال لا تعطينه عصير لاا فكي البرتقاله وشيلي القسر الابيض اللي برا واللي داخلي وخذي اللب بس واخلطيه بالخلاط مع اي شي يحبه صغيرك وعطيه منه كم ملعقه
    _ الشوفان : اللي هو الكويكر سويها له
    نظمي وجباته
    يعني لا تحوسين
    مثلا عطيه وجبه الظهر
    والثانيه العصر
    والثالثه العشا وخلاص وقفي
    وخليها يوميا نفس الوقت تقريبا
    وابعدي عن التفاح والموز والرز والجزر والبطاطس
    ودعواتك لبنتي بالشفاء العاجل ياقمرر:27:
  2. @mgmoaa_drr

    حبيبتي معاناتي مع امساك بنتي مانساها للابد تعذبت واكيد الامساك من الحليب والغازات وانصحك تدهنين بطن ولدك بزيت زيتون مقري فيه بيخف كثير وكذلك حطي شوية زيت زيتون مع الرضاعه وادعي الله انه يشفي ولدك ترى دعاء الام مستجاب وحاولي تبتعدين عن النشويات مثل البطاطس المكرونه الارز وكثري من السوائل وتصدقين اني وديت بنتي بعد كل المعاناة الى معالجة شعبيه واعطتني سعوط ونقوعه هم يعرفونها والله الحين ارتحت والله بنتي قبل ينتفخ بطنها ويصير قاسي بس الحمدلله رحت للمعالجة فتشافت بعد الله ثم منها ولاتهملين ولدك والله يشفي الجميع ودعواتك لنا بالشفاء والفرج
  3. @akhr_amaly_1

    شوفي حبيبتي لا تهملي الموضوع أبدا وتطور الحالة ويصير إمساك مزمن وساعتها يطول العلاج
    ماأدري إذا عمر ولدك يسمح له تعطيه عسل محلول في ماء أو لا على الريق
    أو ملوخية كمان الكمثرى مفيدة بقشرهاو كوسا مسلوقة وركزي على الألياف ابتعدي عن التفاح والجزر والرز والبطاطس
  4. مصرقعة هانم
    لاااااااااااااااااا انتبهي بنتي مثل بنتك وبدها على الشهر ال6 وعلى قولتك يطلع معاها دم وولما مره تسويها وهي تبكي وانا ابكي معها والله اني تذكرت الولاده :icon33::icon33::icon33: ويصب الدم كثييييييييييييييييييييييييييييييييييير ملا الحفاظ …
    :2thmup:

    كله كلام عين العقل بس اضيف قبل النوم عطيها منقوع التمر مع الماء وشوي زبده وصفيه بالرضاعه وخليه ترضعه الصبح ينضف بطنه وغيري الحليب فيه شي خاص وماتشوف شر
  5. بنات تكفون انا بعد ولدي عنده نفس المشكله

    عمره 8 شهور بس الي انا مستغربته منه انه يتعب ويتعصر ويصيح
    بس لمى يتبرز يكون برازه طبيعي الله يكرمكم يعني مو امساك وقاسي
    وديته الطبيب قال عادي بس اكليه واكلته ومازالت نفس المشكله
    تكفون يابنات افيدوني جزاكم الله خير
    لانه من جد ياكسر الخاطر وانا عندي عيال غيره بس اول مره اواجه هاالمشكله
    الذا تعرفون علاج او وصفه تكفون لاتبخلون علي

تابعي تجارب أخرى من هذا القسم.