السلام عليكم بنات
ويكند سعيد للجميع ,,
IN HOME ALONE انا بخير الحمد لله ياقلبي انتي كيفك؟ ,,وعلى فكره ليش نشاطك قليل هالايام ولاعاد تشاركين معنا مثل اول ..طلتك و وجودك غييييير ياحبيلك :27:
بنت مزون هلا بك ياعسل..الحمد لله بخير عساك دوم بخير انتي كيفك جهزتي اغراض السفر ولا لسى ..الله يسهل عليك ان شاء الله
زهرة جبل العفو ياقلبي ماسويت الا الواجب..شوفي يالغلا بالنسبه للمطاعم العربيه تراها موجوده بالاحياء الخارجيه مو بالسيتي بس بيني وبينك تستاهل الزياره ..وباذكر لك افضل مطاعم( لبنانيه وتركيه) وعن تجربه واسعارها معقوله:
مطعم الاصيل وهذا عنوانهم
173 Waterloo Rd
Greenacre, NSW 2190, Australia
+61 2 9758 6744
مطعم الضيافه العراقي.. عنوانه: 13The Crescent Fairfield . NSW(02)97550870
مطعم الصفاء.. عنوانه: Haldon Street 135 . Lakemba (02)97505405
مطعم الارزه .. عنوانه: Merrylands RD_Merrylands (0296376677
واكثر شي عجبني من اللي ذكرت الاصيل والارزه اذا حصلكم تروحون له لاتفوتونه:)
اما السكن بحثت لك عن شقق واسعارها معقوله وترا كل ماحجزتوا بدري كل ماكان ارخص
Mantra on Kent Street (Formally Pacific International Suites Sydney)
موقعه على Druitt أمتداد الشارع يطلعك على سوق فيكتوريا وغاليري فيكتوريا
السيتي سنتر والسوقين آخر شيء على شارع pitt وهذا عليه أسواق..والأمتداد الأخر على طول الدارلنج هاربر .
Harbour City Premier Apartments
يقع مابين شارع جورج وشارع بيت وقريب منه أحد محطات المونوريل القطار.
Meriton Pitt Street يقع على شارع بيت تقاطع bathurst قريب منه الهايد بارك.
Somerset Darling Harbour يقع على شارع sussex تقاطع شارع ماركيت وهذا
أمتداده يطلعك على الشوارع الرئيسيه لتسوق سبق كتبته,وقريب مره لدارلنج هاربر.
وطبعاً الشقق المعروفه لجميع الخليجيين ستار سيتي بعيده عن السوق بس تحتها
محطة قطار يسهل عليك الوصول لأماكن كثيره.
*****
وبرضوا فيه شقق فندقيه يمدحووونها بالنت اسعارها معقوله وموقعها حلو وهذا موقعهم
http://www.southerncrosssuites.com.au/index.html
وهذا الرد عنها
,كنا ساكنين في شقق فندقيه
سعره مره حلو مقارنه بغيره وموقعها 10 -15 دقيقه عن الأماكن السياحيه أسمها
Clarion Suites Southern Cross Towers مميزاته تحت العماره فيه بقاله
تلقى فيها أغلب الإحتياجات اليوميه ,فيها مطعم تابع له ومقهى وعلى نفس الشارع
فيه سوبرماركت(كولس) قريب على بعد شارعين ,خدمتهم ممتازه وشققهم نظيفه
وأيضاً واسعه مره,,
*****
وبرضوا هاذا ويب سايت عن الفنادق في سدني كل اللي عليك تحددين اللي تبين ويطلع لك كل شي راح يفيدك كثييييييير
http://www.asiarooms.com/australia/sydney.html
وبس ياقلبي هذا اللي حصلت وللامانه ماجربت ولا واحد فيهم بس بحثت لك بالنت وطلعت لي الفنادق اللي ذكرت ادخلوا على مواقعهم وشوفي الافضل واللي يناسبكم ,,
ورحله سعيده ,,اتمنى اكون افدتك واي سؤال انا حاضره وبالخدمه ,,
اذا افدتك لاتنسيني بدعوه في ظهر الغيب ان ربي يحقق اللي في بالي :)
---(تجمع ملتقي مغتربات استراليا الحادي عشر) --حياكم الله بينا
متابعة النقاش، صفحة 105