يا أمهات ...تلبسون أطفالكم ملابس داخلية...؟؟

اذا البيبي اكبر من 3 سنوات وفي جو حار ماله داعي تكديس ملابس من فوق ... حرام بهالجو يلبسون فنيلتين فوق بعض حتى لو كانت كم قصير ... وعموما هي على حسب اللبس يعني صح فيه ملابس ماتطلع حلوه الا بداخليه بس بعد فيه ملابس كثيرة ماتنفع معها داخليه من تحت يعني مثلا مااتخيل ولد لابس تي شيرت وتحته تي شيرت ثاني ... ولا بنت لابسه فستان والداخليه مبينه من الأكمام ولا من الرقبه من فوق ... كله يعتمد على اللبس وعلى الجو وماله دخل باهمال ولا عدم اهتمام ...

انا البس ولدي كلوت لازم وفانيله احيانا ماالبسه اذا كان عليه تي شيرت قطني يعني مرات يلبس ومرات لا



(( الحين انتم تقولون لازم شي اساسي يلبس فانيله طيب موب انا يالحريم نلبس تي شيرتات


وقمصان رسميه وماتحتها فانيله بس ستيااان !!)):)



===================================

ما شاء الله عليكم أخواتي ...أشكر تفاعلكم مع الموضوع

الأخوات اللي يقولون الفانيلا بس نلغيها ..أنا أقصد الفانيلا ولا الكلوت ما أظن فيه مجال بحال من الأحوال لإلغائه (مالغيت الفانيلا علشان ألغي الكيلوت) .ههههههه.

وأخواتي اللي يقولون شكل التي شيرت يطلع مو حلو بالفانيلا ..يمكن تكونون تلبسونهم الأطقم اللي تجي بكم أنا ألبسهم الكت (المحفورة) واللي بنص كم مخليتها للثياب والبرد ...والحين قايمين علي يقولون لا عاد تجيبين لنا محفورة جيبيها كلها نص (حشمة ما شاء الله عليهم ) هههههههه .وانا أحس النص هي اللي تربك بعض التي شيرتات مو كلها إذا كانت خامة التي شيرت تلصق أو شي ..ويمكن يكون فيه صعوبة في لبس البنطلون مع الكلوت النص (وجهة نظر فقط)

الأخت اللي دلتنا على نوعية جيدة من ملابس البنات الداخلية ...أنا عتبانة عليك ..والأولاد يعني مالهم نصيب هههههه (وحدة ما عندها إلا أولاد الله يحفظهم )


الأخت اللي قالت ولدها صار يرفض
أنا أتوقع برضه ان رفض الأطفال سبب في عدم الباس الأمهات لهم الملابس الداخلية.


وشاكرة لكم جميعا أخواتي أثريتوا الموضوع الله يجزاكم بالجنة