شاركي في النقاش

سجلي الدخول لإضافة تعليق.

التعليقات

53
  1. @um_norah

    يا ناس كبروا عقولكم وصفو نوايكم لو ما يبونكم ويحبونكم كان ما لاحقكم وقابلوكم وجابوا اهلهم معاهم ويمكن كل تصرافاتهم من باب الميانه والمزح..
    سؤال وجيه لو وحده من اخياتك علقت علي الاكل بنفس تعليق احدي حريم اخوانك كان زعلتي؟؟؟؟؟؟؟ وذا علي سالفه الاكل اشترطوا عليهم كل وحده تجيب شغله وهي جايه ...وبكل بساطه اذا فزعتوا للعشا نادوهم يساعدونكم ترا اسهل الطرق اقصرها..
    بس هذا ما يمنع شوي خصوصيه وجمعات خاصه بكم ..والكلمه اللي تزعل منها بدها بدل ما تنزلين موضوع وتشركين الاخرين في تفاصيل شخصيه دقيقه قولو لاخوانكم نبي جمعه اخويه نرجع ايام زمان قبل العرس قبل لا نتفرق وتاخذنا الدنيا ...
  2. @alhmd_allh

    صاحبة الموضوع
    ** um norah**
    يا ناس كبروا عقولكم وصفو نوايكم لو ما يبونكم ويحبونكم كان ما لاحقكم وقابلوكم وجابوا اهلهم معاهم ويمكن كل تصرافاتهم من باب الميانه والمزح.. سؤال وجيه لو وحده من اخياتك علقت علي الاكل بنفس تعليق احدي حريم اخوانك كان زعلتي؟؟؟؟؟؟؟ وذا علي سال…
    تسلمين ياعسل والله كلامك صحيح من ناحية امي عجزت افهمها ياميمتي مانبي مشاكل شفتي وش صار وش ماصار تعبت وهي مصممه على رايها كاني اكلم نفسي يبلي ماعاد اشرح شي لها على طول انفذ


    يسعدك ياشيخه الا فيه ماشاءالله الخيرمانبيكي تكرفين بشاشتك تكفي الله لايضرك
    واللهم امين ربي يهديهم ويبطلو حركات العناد والله انهم ينكدون على انفسهم قبل ماينكدون علينا بس وش نقول


    هههههههههههههههههههههههههه وربي انك خطيره انت وزوجة خالك ههههههههههههههههه عاد اتخيل نفسي اسوي كذا شكل مايمدي اسوي حركتين الا وراميني مع الدرج عندنا الادوار معكوسه هم مستقويات مره بس مانخاف منهم لكن مانقدر نفتك من مشاكلهم الله يصلحهم


    اشك انك امي ههههههههههههههههههه كلامك مثلها بس والله الوضع صار مرهق وله سنين وصار من النادر مانتقابل فتخيلي تصير مكايد ومشاكل واية ميانه الا تتكلمين عنها والله لو احكي وش صار كان مالومتيني لكن اختصرت بكلمه وحده انهم يسون مشاكل كبيره بيننا حنا وخواننا بالله هذا مزح ومن ناحية تقولين اكل ومااكل السالفه مو سالفة اكل الخير الحمدلله كثير هي سالفة ذوق وروح مشاركه و الناس ماتذكر الا الطيب
    واذا تقولين تفاصيل شخصيه ودقيقه وش الشخصي انا كاتبه عن تجمعنا وحريم خواني نبيي نبعد عن مشاكلهم بشكل عام وماطرقت لاي قصه او موقف محدد الا يشوف يقول الحين كاتبه عني وعن زوجي الله يهديك مافيها شي اذا نزلت موضوع هو اخذ راي لشي عادي بمجتمعنا وابي حل من البنات حلو ولبق ياعسل وشكرا على المرور
  3. @tmymy2006

    هلا أختي حالتكم مستعصيه جدا جدا

    وياشين الزقات الي ماعندهم دم ولا احساس

    انا فهمت منك انكم تاخذون استراحه وتجتمعون فيها انتي وخواتك وتنامون بعد

    طيب ياقلبي عندي لك اقتراح

    مثلا انتم جيتوا يوم السبت لايدرون اخوانك انكم اجتمعتوا الا يوم الثلاثاء

    او لو بغوا يجون خلوا عيالكم يقولون لأخوانك ان مافيه احد بالاستراحه اليوم رايحين للملاهي او السوق وان مافيه الا البنات الصغار علشان لو سمعوا اصوات مايشرهون

  4. @bsbosh_hanm

    انا رايي الكلمة اللي تستحي منها بدها شوفي صح محرج بس وش تسوين لازم حل انا اشوف لو تكلمين اقرب اخوانك لك واللي تحسبن انه متفهم واشرحي له الوضع لاتقولين شي عن حريم العيال لاتجي بخاطرهم بس قولي انك تجلسون فترة ماتشوفون بعض واذا اجتمعتوا ودكم تجلسون مع بعض وعيالكم اللي كبار بيجلسون مع خالاتهم ويستحون من حريم العيال يعني دبري الوضع بالمناسب لكم
  5. بسبوسه هانم
    انا رايي الكلمة اللي تستحي منها بدها شوفي صح محرج بس وش تسوين لازم حل انا اشوف لو تكلمين اقرب اخوانك لك واللي تحسبن انه متفهم واشرحي له الوضع لاتقولين شي عن حريم العيال لاتجي بخاطرهم بس قولي انك تجلسون فترة ماتشوفون بعض واذا اجتمعتوا ودكم …

    طيب اذا هن واهلهن تطنزوا عليكم
    وش تسوون؟
    هل تضحكون معهم
    او تبينون لهم انكم متضايقين؟
    واعتقد انكم تضحكون معهن
    وتمشونها
    ولو انكم تبينون انكم ماترضون ان احد يتطنز عليكم
    كان احترموا انفسهم وماقالوا شي
    الثاني
    ليه ماتبينون لهم ان الاجتماع يخصكم
    بدون مايجيبون اهلهم
    مهما كان كل اسرة ولها خصوصياتها
    اذا تحبون يجيبون اهلهم حياهم الله
    تحبون يكون لكم وحدكم خلاص بينوا لهم
    ,,

تابعي تجارب أخرى من هذا القسم.