ساعدوني الصيف جاء والضيوف حجزوا ومابقى الايقلعون وحمامي خرابه يلهوووووي هلب مي بليززز

متابعة النقاش، صفحة 4

شاركي في النقاش

سجلي الدخول لإضافة تعليق.

التعليقات

54
  1. @rozaaa_1

    مرام الدوسري
    اب اب اب
    السلام عليكم
    اول حاجة لا تصبغي الجدار فوق البوية المتقشرة مايسير راح تتقشر مرا تانيا ويسير شكلها بايخ مااراا
    اول شي جيبي ورق سنفرة وسنفري فوق التشققات وخليها تتساوى مع سطح الجدار
    وازا كان الجدار فيه حفر جيبي معجون حق الجدارن وبعدين عبي الفتحات ولمن تنشف برضو سنفري بالورق الين يسير متساوي مع سطح الجدار
    وبعدين لمن تنضفي كل الجدار من التشققات والفتحات وتسنفريها
    اضربي البويا على الجدار ولا تنسي تغطي السيراميك اللي تحت بالجرايد او أي شي تاني علشان ما ينعدم بالبوية

    والسيراميك لا تصبغيه ترا مرا ما حيسير حلو وكمان لا تحليطو ورق ولا شي خلاص مسحية ونضفيه وخلييه زي ماهوا

    تقدري تغطي على السيراميك بإختيارك للستائر والاكسسوارات
    جيبيها سادا لأن السيراميك مزخرف
    مثلا جيبي ستارة للبانيو والشباك لون بمبي او تفاحي سادا لأنو حيكون ماشي معا نقشة السيراميك زي ماقلتي انها وردة فوشي واوراق خضرا
    وبرضو جيبي مناشف جديدة ولون حلو وهادي ومناسب
    وجيبي اكسسوار مناسب برضو حاولي يكون سادا سطل وكاسات فرش الاسنان وحقت الصابون
    ودعاسات الحمام برضو لا تنسيها جيبيها سادا ولون حلو مناسب
    هادي الاشياء راح تغطي على عيوب السيراميك

    وبس يا حبيبتي طولت عليكي
    يارب يوفقك ويعطيكي العافيا ويكسبك رضا مامتك :26:

تابعي تجارب أخرى من هذا القسم.