الكافيهـــــــــــات
دي جافو : المحل موجود في الخالديه بس مره زحمة الافضل لكم تحجزوا قبل ما تروحوا.
ملاحظة: المكان مزود بالوايرلس.
ــــــــــــــــــــــــــــــــــــــــــــــــــــــــــ
جيلاتو : كافيه يقدم لكم اشهى انواع الايس كريم والكابيتشينو له فرعين في التحليه وفي شارع الاندلس فرع الاندلس افضل لانه اكبر .
ملاحظة: المكان مزود بالوايرلس.
ـــــــــــــــــــــــــــــــــــــــــــــــــــــــــــ
جافا لونج : يقدم جميع الاصناف الايطاليه الخفيفه من فوتشيني وباستا وبصراحه افضل ما عندهم العصيرات جدا غريبه
المكان رايق وهادئ نوعا ما وهوا متواجد في مركز فلسطين في شارع الاندلس.
ـــــــــــــــــــــــــــــــــــــــــــــــــــــــــــــــــ
ببايا : كافيه مبتكر وهوا تابع لكافية اروما وهوا لنفس المالك ولكن المطعم يختلف تماما عن كافيه اروما ، اولما تدخل من الباب راح تلاحظ انك كانك داخل مشتل نباتات وللمعلوميه جميع نباتا تكافيه ببايا طبيعيه انصح الجميع بتناول كنافة الشيز كيك وسلطة الببايا الخاصة المكان موجود بجانب الصوارى مول في حي الشاطئ.
ـــــــــــــــــــــــــــــــــــــــــــــــــــــــــــــــــــــــــــ
بيرلزكافيه : المكان حلو والاكل طعم بس عشان اكون صريحه ممل نوعا ما وما فيه اي نوع من التجديد انا دخلته مره واحده من يوم ما فتح . لا حد يا كل الستيك عندهم جدا سيئ .
ـــــــــــــــــــــــــــــــــــــــــــــــــــــــــــــــــــــــــــــ
بلاك روز Black Ros: الديكور عبارة عن العصور الوسطى وهوا مكان جدا رومانسي مناسب للمتزوجين يغصبك المكان انك تكون رومانسي بحكم انه معروف انه العصور الوسطى عصور الحب والرمانسيه الاكل جدا رائع بالكامل من مشروبات وصولا الى الحلى . الموقع شارع الخالديه بجانب بيرلز كافيه .
للاسف لم اجد صوره
ـــــــــــــــــــــــــــــــــــــــــــــــــــــــــــــــــــــــــ
كافيه زودياك zodiac: من افخم الكافيهات الفرنسية الموجوده في جده يفضل القيام بالحجز قبل الذهاب وبصراحه انا ما جربت فيه شي بس روحته وما لقيت مكان كله كان محجوز المكان عباره عن جميع الابراج الغربيه والصينيه ومقسم لقسم مكيف وقسم على الهواء الطلق المكان موجود في شارع الاندلس.
ان شاء الله الموضوع حيكون له بقية
تحياتي