ما يباني في الجيش

لا تتركين شغلك عشان رجال !!!

الشغل ضمان لمستقبلك ومستقبل عيالك ان شالله ... وهو لازم يحترم رغبتك وطموحك!!! ... الحرمة لها طموح مثل الرجال بالضبط وشغلتها مو بس غسيل وتنظيف !!

اذا كان يبغاك بدون شغل ماانصحك في واحد متحكم من اولها ولا يؤمن بحق المرأة في الاستقلال المادي....

اما اذا كان معترض عالجيش فقط ومتمسك فيك ممكن يصبر عليك الى ماتلقين وظيفه ثانية


يعني مو معقولة يخطب وحدة هو عارف ايش وظيفتها ويطلب منها تتركها !! .. ياكثر البنات اللي مو موظفات !


فكري زين
موفقة

الي ياخذك... ياخذك مثل ما انتي...

غريبة رجال هالايام.. شنو يبون اكثر من اخلاق المرأة. وسمعتها.

لا و يتشرطون في شغلها بعد..

من عافنا عفناه.

. ولا تتركين مكان شغل انتي مرتاحة فيه عشان رجال..

اذا بيقبلج يقبلج مثل ما انتي

والا بلاه

موفقه الى ما فيه صلاح

اشوف انك تنقلين من وظيفتك وتشوفين مكان ثاني، استخيري وشوفي وش يريحك

بس لا تتركين الشغل لحد ما تلقين وظيفة ثانية وبعدها توكلي على الله

الله يوفقك

بالضبط لا تغيري في نفسك عشان رجال هو ما يرضى ابدا انك تغيري فيه شي واحد

وشغلك ما هو عيب ومدام انتي مرتاحة فيه لا تتركيه