هل اتوكل على الله واخطبها له؟؟؟

بسم الله الرحمـــن الرحـــيم..
كيفكم ياابنات ..انا عندي سالفه مشربكه شوي لكن ابغى اخذ رايكم فيها ابلخصها بكذا نقطه عشان تكونو بالصوره..

* عندي اخوي عمره 25 سنه موظف خلوق اجتماعي مرح وهادئ نوعا ماء بالمقارنه بااخوي اللي اصغر منه ناوي يتزوج ومتوكل على الله ثم علي ادور له بنت الحلال بالرغم من وجود الوالده الله يحفظها
ولكنه يثق فيني وفي اختي من هالناحيه ماله شروط بالعروس سوى انها تكون صاحبة دين واخلاق
وتكون بنت ناس وان لايقل جمالها عنا في شي ((قال بلسانه ابيها تكون مثلكم ))ومايبغاها لاموظفه ولاتدرس

*انا متزوجه من عائله تقدرون تقولون حالتهم الماديه مرتاحه نوعا ما بالمقارنه بااهلي وعندهم بنات متزوجات وباقي وحده عمرها تقريبا 20 سنه خلوقه مقبولة الشكل راعية بيت ولكنها عصبيه شوي
واقدر اقول انها دلوعه شويه لانها القعده اخر البنات و تدرس بالجامعه

نجي هنا للزبده زوجي يحن علي يقول ليش ماتكلمين اخوك عن اختي وتوفقين راسين بالحلال
وانا اعرفه وشاريه لااختي وصدقيني بنتساهل معه بسالفة المهر والذهب وخلافه
وسبق انه قال لاخوي هالكلام يعني لمح له انك اذا فكرت تتزوج ترى البنت موجوده عندي
المشكله خايفه اسعى بالموضوع ويطيح براسي تدرون هذا زواج مو اي كلام مع ان طبع اهل زوجي
يختلف عن اهلي هم اجتماااعين واهلي شوي منغلقين هم راعين مناسبات وخرجات وسفريات واهلي
السفر للحج ولا للعمره ولللعلاج لاسمح الله مع العلم ان البيت ماباقي فيه الا ولد وامي وابوي الله يحفظهم
وبصراحه انا بخاطري اخطب له بنت ثانيه والمشكله انها تصير بنت اخت زوجي والا الان ماقلت لزوجي عن هالسالفه خايفه يزعل ويقول تبدين بنت اختي على اختي
وانا محتاره خايفه يزعل لانه بجد يحب اخوي هذا من باقي اخواني
والله يابنات شايله هم منه اخاف فرضا لو تزوج اخت زوجي وصارت مشكله بينهم بقارنون بين تعامل زوجي واخوي مع زوجاتهم
بنات شيرو علي والله محتاره واهل زوجي والله ناس مااظلمهم طيبين معي بس زي مايقولو يكفي من العائله واحد

114 تعليق 7,005 مشاهدة

شاركي في النقاش

سجلي الدخول لإضافة تعليق.

التعليقات

101
  1. @ord_mthhb

    شوفي ياأختي ، إذا كنتي خايفه من المشاكل والمقارنات اللي بتصير ، لاتاخذين منهم وارتاحي .
    واستخيري قبل كل شي .
  2. @lbnh_balaasl

    صاحبة الموضوع
    ورد مذهب وعشيقة الليل شاكره لكم تواجدكم
    انا اللي خايفه منه سالفة بنت اخته لو اخطبها مع العلم انه لسى تدرس بالثانوي باقي عليها سنه
    واختي تقول شيلي البنتين من راسك ودوري على غيرهم احسن
  3. تبين راحة راسك ابعدي عن حمولتك ,, ممكن تخطبين له من بنات عم زوجك بنات خاله اي احد الا بيتهم تراه بداية المشاكل ,, لو قدر الله وماتوفقوا مع بعض ظنك كيف بتكون معاملة حمولتك معك ؟وممكن يقلب زوجك نفسه عليك والبنت الله يوفقها مع غير اخوك
    انا حطيت لك اسوأ الاحتمالات من شان ماتنصدمين بعدين ,, والله يعينك وتلاقين له بنت الحلال اللي تسعده

تابعي تجارب أخرى من هذا القسم.