بنات برايـــــــــــــــــتــــــــ ون ساعدوووووني!!!!

ياجماعه انا مره حاسه بازمه نفسيه ياريت تساعدوني:44:
الله يفك كربكم
انا اتخرجت السنه اللي فاتت وبدرس حاليا انجلش
وعقدت العزم على السفر لبريطانيا وحيكون معايا بنت خالتي اضطريت استناها سنه تتخرج
والحمد لله خلاص اسبوعين والاختبارات تخلص وتتخرج
ودحين انا في ازمه كبيره مش عارفه اسال فين ولا اروح عند مين:angry:
عملت سيرش الين مادوخت
والحمدلله كل ما اسال احد اذا مايعرفو عن الموضوع مايقولو ما نعرف لا كل واحد يقول راي من عندو
وانا مش عارفه اسمع لمين
عنجد وصلت لمرحلة اني ببكي من الدوخه هادي:icon33:
وانا متابعه القسم هادا من فتره بس متابعه صامته
وارتحتلكم وعنجد حسيتكم اخوات وبتحبو تفيدو الناس:biggthump
المهم من غير ما اطول<<<لا ياشيخه قولي والله بعد كل هادا ماتبغي تطولي :09:
انا عندي عدت اساله الله يفكر كربتها اللي تفيدني
وياريت اجابات اكيده واحد يكون مجرب بلاش اددوخ تاني

اول سؤال انا الحمدلله في برايتون ابن خالتي اللي هو اخو بنت خالتي اللي مسافره معايا من زمان عايش في بريطانيا وعندو بيت تاني ملك غير اللي عايش هو فيه
وحناخدو نعيش فيه انا وبنت خالتي
وبكده اكون خلصت من مصاريف السكن
بس مشكلتي الكبرى هي فلوس الجامعه
نفسي احد يقولي بالظبط انا كم المفروض ادفع رسوم للجامعه كل سنه
كل شخص يقولي رقم الين ما احد قللي 120 الف طبعا قولت لا اهلي حيقولولي انثبري مكانك ومش لازم تدرسي :icon28:
وبليز ماتقولولي حسب التخصص
يعني انا ابغى اعرف متوسط الرسوم يعني تقريبا كم عشان اعرف اذا فوق ميزانيتي او لا؟

السؤال التاني بالنسبه للفيزا هادي ازمه لوحدها
وحده قالتلي لازم يكون في ضمان مالي 50 الف ومش عارفه صح او لا :mad:
واذا لا كم الضمان المالي؟
وكمان مافهمت انا لما اروح اروح بفيزة طالب ولا كيف؟
لاني شوفت فيزة الطالب لازم شهادة انجليزي وانا ناويه اروح اكمل دراسه انجليزي هناك يعني اخد فيزه ايش؟
واهلي لازم يجو معايا يجلسو شهرين تلاته يطمنو عليا يعني يجو بفيزة زياره اكيد صح؟
طيب الفيزه تطلع بسرعه او لا
صعبه ولا سهله؟

واخر سؤال والله عارفه زودتها استحملوني:44:
بالنسبه لاختبار الايلتس انا قرات في موقع الجامعه او مايقوم مقامه
يعني اذا عندي شهادى توفل ينفع بدل الايلتس؟
بس الله يجزاكم خير ردو عليا برد اكيد
الله يوفقكم ويفك كربكم وييسر امركم<<<حشا جالسه تشحت الاخت
اختكم الحايسه
:luvkiss:

:11retcher

4 تعليق 1,216 مشاهدة

شاركي في النقاش

سجلي الدخول لإضافة تعليق.

التعليقات

4
  1. @dowain

    ادري قلتي لا تقولوا حسب التخصص...بس رسوم الجامعه حسب التخصص:35: انتي ادخلي على موقع الجامعة اللي تبين تقدمين عليها و تلقين معلومات عن الرسوم تحت مسمى tuition fees و بما ان ابن خالتك هناك خليه يسال لك

    الفيزه لازم فيزه طالب و لازم يكون عندك قبول في معهد او جامعه علشان يطلعونها لك اما الضمان المالي ما اعرف كم بالظبط يبون بس اكيد كل ما صار مبلغ محترم يكون افضل. و اهلك يطلعوا فيزه سياحه

    و صحيح الجامعات تقبل التوفل في مقام الايلتس..انا كنت مقدمه بالتوفل و قبلت

    اذا بغيتي معلومات اكثر عن الدراسة ببريطانيا استفسري من المكتب الثقافي في مدينتك the british council مفيدين جدا

    الله يسهل امورك
  2. @alhamdh

    يعني انتي عارفه انك حتعيشي ببرايتون و داخله موقع جامعه و عارفه انك حتكملي دراسه انجليزي يعني شو ادب انجليزي او ترجمه ولا قصدك الانجلش حيتحسن مع الدراسه؟ لانو لازم تكون الانجلش قويه او متفدمه نوعا ما حتى تعرفي الكلام و المصطلحات بالكتب و المحاصرات و الامتحانات. مثل ما قالت الاخت دووين لازم اولا قبول بمعهد لغة و بالتالي ماتحتاجي اختبار لغة او رسالة (خطاب) قبول بالجامعة تقدمين على اساسه على فيزة الطالب .. و سواء كانت الفيزا تطلب انجلش او لا اصلا الجامعه نفسها تطلب اختبار انجلش و عشان تعرفي اذا يقبل او لا اتصلي بالجهه التي قدمت لك الاختبار و اتصلي او ارسلي ايميل للجامعه .. مره ثانيه المبلغ للدراسه يعتمد على مكان الجامعه و التخصص.. في تخصصات تتطلب زيارات لاماكن و ادوات غاليه للتدريب .. و اغلب الجامعات ما تشمل رسوم الاختبارات و اسعار الكتب و المعدات .. لكن من تجربتي مع الجامعات اقول 5 الاف باوند بالسنه كلو في كلو يا دوب اكثر او اقل.
    شهر او شهرين للعائله لازم يجون بفيزا سياحيه .. بالنسبه لطلبات الفيزا لازم تتصلي بالسفاره البريطانيه ببلدك و تطلبي يرسلولك استمارة الفيزا .. احيانا يكون للسفاره موقع على الانترنت و فيه استماره الفيزا و طلباتها.
    بعدين فكري بمصاريف الملابس و الاكل و الترفيه .. و برايتون تعتبر مدينه غاليه و سياحيه يعني الاسعار فيها اسعار سواح الا اذا اخذتي الباص و رحتي على المناطق السكنيه المجاوره لشراء الاغراض الاسبوعيه مثل الاكل.
  3. @dfa_albrd

    حياك الله في براينون
    والاخوااات ما قصروا بالاجابات
    لكن اذا معاك التوفل ليش تقدمين على معهد لغه؟ قدمي على الجامعه مبااشرة.
    اذا كان سؤالك عن اسعاار المعاهد فهي حسب المعهد مثلا معهدEF رخيص تقريبا 3 الاف باوند او اقل
    معهد Embassy غالي جدا فوق 5 الاف
    اما اذا كان سؤالك عن اسعار الجامعاات فهذه حسب التخصص وحسب الدراسه مثلا الماستر في تخصص الساينس 12 الف و 500 باوند يعني محد يفيدك بالسعر الا الجامعه نفسهاا
    اخيرا اذا ناويه تجين برايتون انصحك بجامعة سوسكس لانها قويه ومعتمده
    وبالتوفيق ان شاء الله
  4. صاحبة الموضوع
    شكرااااااااااااا اخواتي
    عنجد افدتووووووووني كثيييييير
    وسؤال كمان معلش استحملوني :|

    كنت بكلم وحده بريطانيه وفهمت منها انو في شركه او جهه اسمها saas
    وتعطي منح للطلاب السنه الاولى
    وسالتها للبريطانين بس قالتلي لا لكل الجنسيات
    اللي يعرف ياريت يفيدني
    وهل في طريقه احصل بيها منحه حتى لو جزئيه من بريطانيا؟

تابعي تجارب أخرى من هذا القسم.