الكميه ل5 اشخاص
اول شي نطبخ دجاجتين في جدر ماء مع المطيبات (4 حبات هيل وقرفه وورق غار و5 حبات قرنفل ملعقتين ونصف ملح)، لمده 50 دقيقه على حراره عاليه ( ابي الدجاج يكون لين وايد) لا ننسى نشيل الريم\الزفره .
نحمس بصلتين مقطعين سلايس ، 3 حبات ثوم مفروم مع ملعقة زنجبيل مفروم ، ثم نحط 3 حبات فلفل اخضر حار، 4 حبات هيل و7 حبات قرنفل وعودين قرفه، نزيد بهار مخلوط (انا استخدمت بهار برياني هندي) وملح، نقلب لين يذبل البصل شوي ، بعدين نحط ربع فليفله خضرا ، 2 طماطم مقطع مكعبات ، وجزره مبشوره،وشويه كزبره مقطعه،ونغطي الجدر 7 دقايق.
نشيل الدجاج من الماء المغلي ونحطه على الحمسه ، ونقلب شوي ونزيد ملعقتين من مرقة الدجاج على الحمسه ، نغطي الجدر 7 دقايق ، ثم نشيل الغطاء عشان نخلي الدجاج يتحمر وينشف ويتبخر الماء.
نحط كوبين ونصف رز على المرقه ، ونخليه لين يطفح الرز للسطح ، ثم ناخذ شوي بالملعقه ونقيس ليونه الحبه.
نزل الرز فالمشخال ونحط ملعقتين ط دهن عربي او سمنه او زبده. ونخلط ، ثم نرجع ثلث الكميه فالجدر.
وفهالوقت نفصل الدجاج ونشيله في صحن جانبي ونحط الحمسه على الرز، وبعدين نكمل نحط الرز على الحمسه ، (انا نقعت زعفران في ماء ورد ، وفي كوب ثاني حطيت لون اصفر وشوي ماء ، صار عندي لونين). ناخذ الاحمر ونرسم خط وخط اصفر ونغطي الجدر ونخليه على نار هاديه جداً لمده 10 دقايق .
[
ناخذ الدجاج ونقليه شوي او نحطه بالفرن عشان يتحمر .
قبل التقديم شيلي الطبقه الملونه على جنب ، حطي الرز بالحمسه بعدين الزر الملون وفوقه الدجاج.
بالهناء والشفاء
حلوه الطبخه؟
حاااااره بس لذيذه وجنبه قوطي روب وشاني بااااارد ، يا سلام
ادعولي التوفيق:26:
