متى يتكلم الطفل بطلاقة

لو سمحتو بنتي عمرها سنتين وشهرين ولكنها ما تتكلم عدل

تقول كلمات ولا تقول جمل ؟؟؟ ان ياعت تقول يوعانه بس ما تعرف تقول شنو تبي تاكل

تسحبني وتروح تاشر مع اني وايد اكرر لها الاكلات

وكلامها خرابيط تجيب كلانم من عندها مو مفهوووم

ساعات تكلمني مادري شتقوووول ادقق ما افهم ؟؟

تقول كلمات مابي روحي قومي تقول حمام تعرف اسماء الاشياء مو كلها ساعات تبط الجبد

اقول لها مثلا صكي المكيف
( ايسي) تروح لكل شي تاشر عليه وماتروح للايسي انقهر منها

ويقولون لي بنتج ماتتكلم ليش؟ ادري شارد عليهم

الي عندها طقل بعمر سنتين تقارنه مع بنتي هل بنتي طبيعيه لو متاخره عن سنها ؟

7 تعليق 21,104 مشاهدة

شاركي في النقاش

سجلي الدخول لإضافة تعليق.

التعليقات

7
  1. @am_syd_hydr_1

    أنا ولدي عمره سنه و10 شهور في عمر بنتش تقريبا الى الحين ما يتكلم يقول بعض الكلمات القليله يعني ينادي علي باسمي وأحيانا يقول كلمة وبعدين أتعب وياه عشان يكررها بس ينساها وبعض الأوقات يضل يقول كلام مو مفهوم بس انا اعرف انو يبي يوصل لي شي معين بس ما أفهم لكلامه وأغلب حركاته اشارات .

    معظم الأهل قالوا لي مادام هو يقول كلمات وينساها راح يتكلم لا تستعجلين عليه واللي يكونون جديه في صغرهم يكونون فصيحين عند الكبر يعني مباشرة بعدين يكونون جمل بدل الكلمات

    والله يخليهم
  2. @am_aaboood_1

    صاحبة الموضوع
    شكرا لج ام سيد عالرد ياربي يصير ولدج فصيح لسااااااااااااان لي يكبر

    وان شاء الله بنتي بعد تتكلم شقد مشتاقه اسولف وياها

    اتملل برووحي بالبيت خاطري اسولف انا وهي هههههههههههه

    لين اجوف الي بعمرها يسولوفون اقول ليش بنتي تاخرت مع اني حدي انطر هاليوم
  3. @onaaaash

    السلام عليكم

    انا بعد ولدي عمره سنتين وثمانية شهور بس انولد في نص الشهر السادس يعني المفروض عمره سنتين وخمسة شهور( خديج)
    ووحيد بعد انتظار طويل لحضرته

    زي بنتك يقول كلمات يعيدها بس ينساها اذا بغى شي ياشر يناديني باسمي يسمع ابوه

    يقررواجد بس ولا شي مفهوم فكرت اوديه لاخصائي تخاطب بس قلت استنى عليه شوي

    احسه متاخر بس عندي امل في الله انه يصير بلبل بعدين ان شاء الله
  4. انا ولدي عمره سنتين ونص
    وبدت تكثر كلماته ماشاءالله ويقول جمل ملخبطه
    وهو مو عالعمر عليك انتي سولفي معه كثييير وكرري الكلام كم مره عشان يستوعب
    اشري عالاشياء وقولي هذي سياره مثلا وعيديها عشان ترسخ
    ولد خالتي ماشاءالله عمره سنتين و٧ شهور فصييييييح عشان فيه ثلاث بنات اكبر منه ويسولف معاهم
    وامه ماشاءالله بالها طويل حفظته اسمه كامل وتخليه يكرر مع خواته وقت المذاكره

    ~> طولتها وهي قصيره هههههه
  5. انا بنتي عمرها سنه و9 شهور
    بسم الله عليها وماشاء الله كلامها كثير وتبربر بس ماافهم وش تقول شي طبيعي؟؟
    تخيلو تناديني ماما ماما واقولها نعم وتجلس تبربر وتسولف بس ولاكلمه مفهومه وياويلي لو ادرت وجهي عنها
    وعمتها اخت زوجي عمرها سنتين بالتمام وكلامها جدا فصيح وربي تحسين انك تهرجي مع وحده كبيره

تابعي تجارب أخرى من هذا القسم.