وين راعيات الفزعه جعلي ماعدمهن

شوفي اختي هذه سلطه رووووووووعه قطعي خس وبصل اخضر وبطاطس صغار مقلي وباذنجان صغار مقلي واخلطيهم مع بعض

وحطي الصوص عباره عن زبادي ومايونيز وفلفل اسودوملح وعصير ليمون واذا عندك اضافه حطي عليه والصوص تحطينه عند التقديم

وسوي صينيه مكرونه باشمل وصينيه مسقعه وصينيه بطاطس بالدجاج وجلي نوعين وتبوله

وابدي بالسلطات من اللحين علشان يمديك

الله يعينك

سوي ايدام قرع او باميه وسلطه عاديه
وسوي كفته الدجاج والبطاطس سهله بس سويها قبل بيوم وقبل التقديم تقلينها
وطريقتها اسلقي صحن صدور دجاج واسلقي 2بطاطس متوسطهثم افرمي الدجاج والبطاطس في الفرامه مع الملح والبهارواضيفي بقدونس شوي علشان تعطي نكهه وبعد الفرم تكون متماسكه كوريها وحطيها في بيض ثم بقسماطوبعدين اقليهاوزيني الصحن بالبطاطس المقلي
سوي كريمه صفراء الطريقه العاديه وحطيها في اكواب بتطلع روعه
والله يكون في عونك ويسهل عليك

الله يسهل لك يارب ويعينك ويجعل العزيمة إللي عندك سهله ومباركة ويهدي لك بنتك علشان تعرفين تشتغلين :)

شوفي أختي أكتبي كل إللي راح تقدمينه في ورقة وثبتيها على الثلاجة علشان لو صاحت بنتك ما تتشتتين وتختبصين
وتنسين شيء ..
قسمي المنيو
1/ لتقديم الضيافة إللي هو الشاي القهوة الحلى .....إلخ
2/ الطبق الرئيسى أنصحك برز أبيض عليه كشنه سنعه مع دجاج أو لحم محمر في الفرن أو برياني تقدرين تعملين مرقة البرياني بدري وبعدين تحطين الرز عليه علشان ما تنضغطين .
3/إدام أو شوربة مثل شوربة الحريرة أو شوربة الدجاج بالكريما < سهله والكل يحبها
4/ طبق جانبي يفضل يكون فيه خضار مثلاً صينية الخضار بالفرن أو فتة الباذنجان سهلة جداً وما تأخذ وقت
5/ سلطة
6/ حلى < أعمليه قبلها بيوم
وبكذا راح يكون الشغل سهل ويجمّل والله يعينك ويسهل عليك

السلام عليكم شوفي حبيبتي الحال من بعضها انا مثلك احب الطبخات السهله راح اقولك لى عندي واتمنى انه يعجبك سوي ارز ابيض ودجاج او لحم الي يرغب زوجك وكريمه القشطه مع البسكويت راح تلقينها في مشاركاتي سهله مره وشكلها حلو وسلطه الجبن عباره عن تقطعين جزر وخيار وطماطم وفلفل بارد بقدونس خس ملفوف يعني الي عندك متوفر ليس شرط كلهم وعند التقديم تضعين ملح فلفل اسود وزيت زيتون وخل و زيتون اسود شرائح ثم اسكبيها في صحون وكل صحن ضعي عليه قطع صغيره جبن ابيض فيتا اواي نوع
جيبي ورق عنب من برا وملوخيه او مرقه باميا مع البطاطس سوي قرصان اسهل واسرع من الجريش مع الفاكهه المنوعه والبارد
وعندي صينيه خضار سهله بدون دجاج ولذيذ اذا تبينها قوليلي واي استفسار انا حاضره والله يكون بعونك