اللي دخلت شهرها السابع تدخل تقولي اتحس بنفس الاعراض اللي احسه

خواتي حوامل الشهر السابع انا لسى داخله السابع ومعي الام مثل الام الدوره ومغص شديد على اسفل وكمان ضغط على صدري كان البيبي يبي يطلع مره على فوق ومره على اسفل هاذا غير حركته احسها شديده ماشاء الله واحس بدوخه اغلب الوقت وتسارع نبضات القلب ومغص في جنوبي وعلى فكره انا الدكتوره ماوصفت لي حبوب كالسيوم ابدا متى المفروض توصفلي هالحبوب احد عنده نفس اعراضي لاني احس اني بهالحمل كبرت ثلاثين سنه:(

22 تعليق 2,467 مشاهدة

شاركي في النقاش

سجلي الدخول لإضافة تعليق.

التعليقات

21
  1. ان شا الله البنات يفيدونك لاني بكريه وماعندي خبره

    بس الكالسيوم ان كنتي تراجعين بالحكومي هم مايصرفون الكالسيوم
  2. اهلين اختي,,

    السابع توني طالعه منه,,

    يووووووووووووووووه وش كثر غثني وكل ماسالت احد قالي السابع اصعب شي

    جتني نفس اعراضك على اشد ,,

    جاني هبوط بالضغط طوول الشهر واغماءات

    مررره مرره تعبت وتنفخت وكل عله جتني هالشهر

    اول ماطلعت منه ودخلت الثامن حسيت بخف مو طبيعي وتحسنت حتى نفسيتي

    يعني بالنهايه لاتخافين فتره وتعدي.

    وبالبنسبه للكالسيوم يمكن ماتحتاجينه عشان كذا ماصرفته لك,,
  3. @aaros_alsham

    أنا دخلت بالسابع و نفس الأعراض
    و لا وصفتلي الدكتورة كالسيوم و لا يحزنون
    بس فيتامينات الحمل العادية و حبوب حديد لأني أدوخ و الظاهر عندي بداية فقر دم
    و لما قلت لها عن الحركة القوية للبيبي قالت لي بالعكس هالشي مطمأن إن البيبي نشيط و بخير إن شاء الله و الضغط و التعب لأن البيبي كبر حجمه و حالياً صار يكبر بسرعة, يعني كل اسبوع بتزيد الآلام لأن البيبي يكبر و ضاغط على كل أجهزة الجسم من كبد و كلاوي و معدة و رئتين و قلب و مثانة
    حاولي تنامي قد ما تقدري حتى ما يصير جهد على القلب لأنه يضخ دم كثير حالياً لك و للبيبي.. و كلي خضراوات و اشربي حليب قد ما تقدري.. دكتورتي قالت لازم كاستين حليب باليوم على الأقل غير الأجبان و الألبان

    إن شاء الله بتقومي بالسلامة و بتشوفي الولد معافى

تابعي تجارب أخرى من هذا القسم.