السلام عليكم
اكتب وانا رااااسي يدور من القهر ... اليوم كالعاده رجع زوجي من العمل على المغرب وانا مجهزه الاكل مسويه ثلاث اطباق عشانه للعلم ان عندي بنتين الصغيره هالايام متعبتني بشقاوتها وانا احاول اعلمها على الحمام فصااايره جددا عصبيه :angry2:متعبتني طووول اليوم وانا اغير لها وانظف المكان من الوسخ الي تسويه :(..المهم فيجي زوجي وانا احاول اكون طبيعيه ولا كأن فيني شي وانا طول الاسبوع مخنووقه في البيت ما اطلع الا نهاية الاسبوع:( المهم رجع زوجي على المغرب والاكل جاهز الا يقولي بروح اتمرن وهو بعد مايرجع يشوف له طلعه ثانيه اما انه يروح التمرين والا الحلاق والا .... اي شي المهم انه يضيع وقت بعدين يقولي تعبان خلاص ابي انام وهكذا يومياتنا تقريبا وانا احس نفسي لحالي مع ضغوط البنات والجلسه في البيت المهم اليوم عااد بعد ماخلص اكل عفس وجهه (مكشر ) بدون اي سبب بس كل شوي وماله خلق يتكلم الا بعدين يقولي هي انتي شيلي اغراضك من هنا باسلوب حااد وجاف .. طبعا الكلام موجه لي ويقصد اغراضي كريماتي وعطوراتي ..حاطتهم في مكان مع اغراضه فووق بحيث بنتي الصغيره الا ماتخلي شي الا تحوس فيه مااتقدر تطاله وهو يعرف ان هذا المكان الوحيد الانسب للاغراض .. عصبت من اسلوبه علي بهالطريقه اولا اسلوبه سيء وكأن قاعد يكلم شغاله مادري احساس بشع:( والشي الثاني ليه منزعج من اغراضي ؟؟ المكان مرتب وبعيد عن بنتي .. ولا اغراض كثيره مجرد الي استخدمهم باستمرار .. ماعندي مكان ثاني وهو يعرف ..ليه اسلوب الاحتقار ؟؟ وليه متضايق من اغراضي ولا اول مره يقولي يشيلي اغراضك عصبت مررره وانا اتحمل واطول بالي ليين ما خلاص ماقدر امسك نفسي انا مو هذا جزاتي جالسه في البيت عشانه وعشان طلباته الاكل والحوسه الي يبيها مايجي الا اكله جاهز وانا مهتمه في نفسي .. ومهتمه فيه .. دايم انا الي احمل همه واداريه واحسسه بخوفي وحبي له .. صبرت كثير على تصرفاته الغلط وتحملته وكأن حياتي بس له هو ..في النهايه يجي ويعاملني بهالطريقه ولا اول مره .. لما عصبت عليه الا طقني على خفيف بقميص ماسكنه في يده عصبت زياده لانه صح الطقه مو مألمه لكن غضبه واسلوبه هو الا اثر فيني وقبل اخر مره تهاوشنا طقاني .. والحين شكله بيرجع مثل اساليبه قبل كان داايم يطقني ... المهم عصببت حدددددي الا قام اتصل على اهلي بس مالقى ابوي ..قلت له طالما اساليبك كذا خلاص بروح بيت اهلي ...وانا ملزمه بكره اروح ...:(والله تعباااااانه ليش كذا يعاملني ؟؟ اذا مضغوط انا بعد تعباانه ومتحمله جلستي والزهق الا انا فيه .......وش رايكم بنات ؟؟؟ للعلم باني احب الاسلبو اللطيييف جددددا وهو غير غالبا اسلوبه جاف والا مثلا لما ابي شي يقولي فاضي لك انتي :30::( يعني مو هذا الي انتظره منه انا اسلوبي معاه في العاده جدددا لطيييف وادلــله .. لما القى اسلوب غير خلااااص اعصب ....
شاركي في النقاش
سجلي الدخول لإضافة تعليق.
التعليقات
35- الله يعينك بس عاد بنياتك مالهم ذنب
روحي لااهلك كتغيير جو مب زعل وخليه يوديك ويخليك كم يوم وتردين بيتك
وانت جربي انك تغيرين اسلوبك يعني اقلبي على الوجه الثاني لاتدللينه ولا تموتين نفسك علشانه اشتري راحتك واهتمي بنفسك والاكل سوي طبق واحد وسلطه
ليش تحملين نفسك فوق طاقتها
دللي نفسك اهم شيء وراح باذن الله يحسن اسلوبه بس لازم تصبرين لازم - طيب روحي لاهلك بس مو على اساس انك زعلانه
لان حتى لو رحتي ماحتسفيدي وبترجعي ثاني عشان بناتك
قولي له بروح اغير جو كم يوم وبرجع
وروحي عند اهلك انبسطي - هذا عيبنا يالحريم دائما احنا نقول اننا شمعه تحترق لاجل الاخرين
طيب وين حقي على نفسي
ادي حقوقه عليك كامله بس لاتنسين ان لنفسك عليك حق
لاتنسين ترفهين عن نفسك تهتمين فيها لاتعتمدين على حنان زوجك خففي ارتباط فيه
بتقولين لي كيف ؟؟؟؟؟
بقولك اهتمي فبيتك باكله وخليك عاديه جدا زي كل يوم
لما يقولك بروح اتمرن جيبي وحده تعملك بدي كير ومني كير تصبغ شعرك تسويلك مسااااااااااااااج المهم انك تكافئين نفسك بعد التعب
بتقولينلي كل يوم بسوي كذا بقولك لالالالالالالالالا
اليوم الي بعده خصصيلك جزء من القران الكريم تحفظينه وكافئي نفسك بحاجه تحبينها بعد ماتكملين جزء اقرائ تفسير الايات الي حفظتيها حتى يثبت حفظك
اعزمي جاراتك الرسول عليه الصلاه والسلام وصى على سابع جار
المهم انك تشغلين نفسك لاتخلين مصدر سعادتك هو زوجك لانك بتتعبين
وللاسف هذا لي فهمته متاخره - الله يعينك ويسخر لك زوجك
مثل ماقالوا البنات روحي لاهلك كتغيير جو وماله داعي تسوين كذا نوع من الاكل سوي نوع واحد وبس لاترهقين نفسك
وبعدين اذا عودتيه ع كذا
بيقولك ليش مانوعتي لي في الاكل حتى لو ماكله
وغيري من اسلوبك شوي يعني لاتدلعين مره خليك عاديه وخليه يحس بالفرق ,, وان شاء الله بيتغير يمكن عنده ضغوط في العمل - نصييييحة هدي نفسك وروقي عشان ماتتحسفين على اي قرار بعدين لان غيرك صبروا على رجاجيل شديدين ووالله العظيم ربي عوظهم في بناتهم ورجاجيل بناتهم لما كبروا
شوفي:
1- لا تضغطين على نفسك مرة في شغل البيت وتصيرين تتدققين على كل شي ترى تتعبين جسديا وخصوصا نفسيا لان زوجك مو من النوع اللي يقدر.
2-حسسيه ان لكي عالم غير عالمه صديقات او ديكور البيت او خياطه او ركزي على بناتك الله يخليهم لكي.
3-مشي حالك وتصبري ولا تشتتين حياة بناتك لانه يقدر ياخذهم عنده ويحرمك منهم.
4-حاولي تشوفين الجوانب الكويسة في حياتك مثل بيت مستقل ,زوجك مكافح وما يرجع الا المغرب ,بنوتات زي العسل,تطلعين في الويكيند.
5- باقي مشكلة مدت اليد لااااااااااااااااازم يوقفهاااااااااااااااااا.
هدي نفسك وابتسميله بكرة اذا صحى من النوم ولا تجيبين طاري روحتك لاهلك وان هو ذكرك فيها وقال يالله روحي قولي لا ياعمري اما اروح عنك اصلا مااقدر اعيش بدونك بس كنت امس(مصدعة ولا قولي هرمونات ونفسيتي امس منقلبة)
مواضيع مشابهة
تابعي تجارب أخرى من هذا القسم.