
المقادير :)
@-حبه دجاجة
@-اربع كاسات رز ابو كاس طويل الحبه
@-بصله مقطعة جوانح
@-نص كوب زيت
@- مكعب ماجي مذوب في نص كوب ماء ساخن
@-(بهارات الرز)
@- ملعقة اكل كمون حب وزيها كزبره + هيل حب + قرنفل + قرفة + ملح + ليمون ناشف + فلفل حار
(بهارات الدجاجه)
ربع كوب زيت + ملعقتين اكل كركم + كمون وملح ملعقة اكل + فلفل اسود وفلفل احمر ملعقة حسب رغبتك
_ عصير ليمون + ملح ليمون
(الطريقه)
نظفو الدجاجه زي الناس واقسموها نصين وبعدين اخلطو بهاراتها المذكوره فوق ونقعو الدجاجه فيها << موشرط وقت
معين بس كل ما طولت كانت اطعم
بعدين ولعو الفرن على اعلى شي
جيبو قدر واطي يعني زي الصينية المرتفعه وحطو فيه الرز بعد ما تكونو غسلتوه ونقعتوه تمام وحطو الزيت والماجي المذوب في المويه والبهارات حقت الرز اللي ذكرناها فوق ولا تنسو الفلفل
وبعدين خذو ورقتين قصدير على قد القدر وغطو القدر فيها زين وجيبو شوكه ولا عود اسنان وخرمو القصدير عاد انا اخذت عود الشوي وخرمت القصدير
وبعدين تاخذون الدجاجة من تتبيلتها وتحطونها فوق القصدير اللي خرمتوه
بعدين جيبو كمان قطعة من القصدير وغطو فيه الدجاجه والقدر سوى ودخلوهم النار>>>اوه اوه قصدي الفرن اجارنا الله من النار اجمعين قولو آآآآميييين
ايوه ايوه على طاري الفرن خلو اللي تحت شغال بس وبعد ساعه ولعو اللي فوق عشان تتحمر الدجاجه لمدة نص ساعه يعني التوتل الكلي ساعه ونص وبعد مايخلص الوقت طلعو القدر من النار << وباااااااالعاااااااااافية :26:
