أخاف تكبر و تتعب نفسيتها ....

أنا كتبت هالموضوع من قبل سنه و فيه اللي قالي راح يطلع و اللي قال استخدمي زيت لكن الى الآن ماطلع طبعا المشكله هي شعر بنتي:( لما ولدت جرحوها أثناء الولاده بالراس جرحين كبار شوي و بعد ماراح الجرح ماطلع مكانه شعر و شوه شعر راسها وقبل ماتكمل سنه طلع مثل الوبر خفيف جدددددددا مثل شعر الوجه .... المشكله ان الفراغين بالذات واحد منها مرررره واضح و الدكتور يقول إذا صار عمرها 4 سنوات يسوي لها زرع أو حقن....
اللي أتمناه منكم إنكم تطمنوني هل مرت هذه الحاله بأحد تعرفونه و هل نبت لان فيه عضوتين بس ماأذكر أسمائهم قالوا لي عالخاص ردا على موضوعي القديم إنه ينبت بعد فتره ....
ياليت تدلوني على شي طبيعي لان نفسيتي مرررررره تعبانه :44: تعبت كل اللي يشوفه يستغرب من شكله حتى الأطفال يلمسوا المكان اللي مافيه شعر مستغربين و أنا أخاف تكبر و تصير تفهم و نفسيتها تتعب خاصة إنها بنت ... اللي مو حاسه بمعاناتي لاترد رد جارح و اللي ماعندها رد تدعي لبنتي .......أتمنى ألاقي عندكم الحل ....

19 تعليق 1,840 مشاهدة

شاركي في النقاش

سجلي الدخول لإضافة تعليق.

التعليقات

18
  1. @aathaaayb

    والله ما اعرف شي في ها الخصوص
    الله يطلع شعرها بالعافيه ويطمن قلبك عليها
    ولا تخفين الحين العلم تطور واكيد فيه اعلج باذن واحد احد
  2. @smaord

    شوفي حبيبتي انا يوم كنت طفله عمري 5 سنوات او 4 طالعه من بيت جدي وكانوا عندهم عمال بالسطح وكانوا يرمون الطابوق والخشب المربع الكبير واجي انا اتنطط اطلع من الباب وتطيح خشبه على راسي طبعا جرح بحجم ابتسامة عريضه طبعا ابوي ركض المستشفى وعملو خياط بس ظليت فتره العلامة مبينه في راسي حتى يوم دخلت المدرس ماتقدر امي تعمل لي ظفيرتين وتعرفون اول كان لازم نعمل ثنتين حتى راحت المدرسه وشرحت لهم الموضوع كانت امي تلم شعري بجديله وحده بس وترفعها فوق عشان الجرح كان في قمة راسي
    بس يوم وصلت سنة ثالثه او رابعه ابتدائيه طلع لي شعر والحمدلله بس في جرح ثاني صادني بعد الجرح هذا بس الى الان وعمري 27 ماطلع لي صحيح يزهقني لانها قريبه من قذلتي بس دائما شعري من قدام على جنب عشان لا تبان النتفه الا مافيها شعر ( طبعا حجمها ما يتعدى 1 سم بس تعرفين بين الشعر تبان

    وان شالله يارب يطلع لبنتك شعر
  3. @lk83

    قولي الحمدلله ان شاء الله بيطلع شعرها وانتي لاتحاتين كثير اكيد الطب تتطور وراح يكون في حل بإذن الله
    وبعدين الدكتور قالك عل 4سنوات بزرعوون لها
    انت هونيها وتهون
    حاولي تخلين تسريحتها تغطي الفراغ
    و حطيلها بندانات او قبعات حلوة وابدا لا تحسسينها بهاالشي

تابعي تجارب أخرى من هذا القسم.