ساعتين باليوم .. ويومين بالاسبوع..تعالوا يااأحلى $كسولات$ نغير نظامنا..

عن نفسي يابنات لازم خلاااال الاسبوع الجاي انفض البيت نفض

فببدا كل يوم أمسك شي

السبت : غرفة نومي +وحمامي الخاص+الموزع+الصاله ..

الأحد : المطبخ + غسيل الملابس البيضاء وتطبيقها

الاثنين : غسيل باقي الملابس+ تنظيف المستودع

الثلاثاء: المكااارثه الكبرى ( المجلس ) مهجوووور سار له شهووور

الأربعاء: المدخل + حمام الضيوف + الحوش

.........

وربي يكون بعوني دعوااااتكم

لازورد جدولك رهييييييييييب احس بيتك زي بيتي بس انا ماعندي حوش عندي دور ثاني صغيييييييييير مررررة اللي هو غرفة غسيل وحمام وصاله وسطح وامس منظفته كويس
ان شاء الله راح اطبقة باذن الله :)

السلام عليكم بنات .. وش اخباركم ؟؟

وسن وش اخبارك؟؟ شكلك تعبانه مرة لانك مادخلتي على اخر مرة ؟؟ الله يديك الصحة والعافية ويخفف عنك...


انا من امس شرفت اختتنا الحنون عندي ...ولانه اول يوم ماقدرت اسوي شي كثير .. يادوب اشغال بسيطة

بس اليوم الحمدلله احسن .. مسحت السيراميك والغسالة .. وشوي بأرجع للمواعين الله يخفف عني همها ..

رتبت منشر الملابس .. غسلت الحمام الرئيسي وباقي حق غرفة النوم <<الله يجيب يومه

اللي شايله همه ذحين هو شنطة السفر .. متى بجهزها حت اخلص من همها.. ما احب اجلس الين اخر يوم وانزنق فيها ...


اما متى اعتني بنفسي .. برنامجي بسيط .. وجهي احطله قناع مرة بالاسبوع (شوفان +حليب بودرة+ نشا+ خميرة)
حاطتها في علبة واليوم اللي بسوي القناع اخذ ملعقه منها واحط عليها قليل موية والطها فوجهي الين تنشف واغسلها
اما فالايام العادية اغسل وجهي بصابونة دوف الوردية وارطبه بأي كريم عندي

اما شعري اسويله حمام زيت برضه مرة فلاسبوع ..استعمل زيت النارجيل ..اغسل شعري عشان لازم الفروة تكون نظيفة
واحط الزيت والف على راسي نايلو التغليف حق الاكل والبس طربوش صوف انا مخصصته لهالشي << شكله ارتب من الطرحة
اقعد احوس كم ساعة فشغل البيت وبعدها اروح اتروش واخلص

وجسمي ..فالاسبوع مرة اغسله بالصابون المغربي وادعكه لين يقول يمه ارحميني .. اما الايام العادية اغسله بشامبو ديتول للجسم ..
وادهنه بزيت بيبي جونسون وهو مبلول .. يعطيه ترطيب لمدة يومين
رجولي ان شفتها خشنت سويت لها حمام خاص هي كمان .. ( موية حارة + نقط من غسول الفم بالنعناع ) وانقعها فيه على بال ما
انا جالسة عالنت .. وبعدين ادعكه بالحجر الين يروح الجلد الميت واحطله كريم جلوسيد ..
اخر شي اسناني بعد ما افرشهم احط قليل عسل عالفرشة وافرشهم فيه يعطي لمعان وبياض واااضح << الله يسعد من دلني عهالطريقة

وسلامتكم ... سامحوني عالاطالة ...


كيوت ... الله توصلين لاهلك بالسلامة يارب