اللي يكتبون او يتابعون شريط قناة المجد او بدايه تتفضل

السلام عليكم
اخواتي من كثر ما اتابع شريط قناة المجد وبداية لفت نظري بعض الرسائل منها مثلا :

رسالة : ياحريم زوجي بيتزوج علي لاني نحيفه مع اني بيضاء
رسالة : انا مافيني ثقة بنفسي مع اني جميلة وبيضاء ورشيقه وماينقصني شي
رسالة : حريم خلونا نقول كل وحده وش لابسه الحين انا لابسه بجامه ليموني وحاطه مكياج وانتظر زوجي على الغداء
رسالة : بنات ادعوا لي اني اتزوج انا مملوحه وجامعية وعمري 27 سنه ولا مره انخطبت
رسالة : انا ساكنه بالعريجاءعلى شارع كذا ابغى صديقه تزورني وماعندي الابنت وزوجي عسكري

اخواتي هذي نموذج من الرسائل اللي نقرأ منها الآلاف لكن هناك رسائل اكثر منها جرأة وبعظها تخدش الحياء مع انها قنوات تعتبر دينيه وانا موضوعي مو عن نوعية الرسائل لا الا عن شيئ اعظم وهو

اللي ترسل رساله توضح ظروفه او تصف نفسه ....الخ وهي باعتقادها انها رسالة من شخص مجهول لكن الا يوجد شئ في القناة اسمه كنترول خلف الكواليس الا تظهر الارقام لموظفي الكنترولات ولا لا
حتى ان الكنترول يضع لقب لمن يريد التسجيل فياليت يا اخوات ننتبه تصدقون من نبهني لهذه النقطه زوجي يقول ارحم البنات اللي يرسلون وبالذات اللي يطلبون ندعي لهم يتزوجون وبعضهم تشرح ظروفه بالتفصيل وإن قلنا ان العاملين بالكنترول كلهم ثقات الله العالم بالنيات يعني اذا رقمك واضح وظروفك واضحه الشيطان شاطر وعلى فكره انا موضوعي مفتوح واللي عندها اي خلفيه عن طريقة القناة بالرسائل تشارك لاني ما اهاجم احد بس حبيت احذر :44:

116 تعليق 8,764 مشاهدة

شاركي في النقاش

سجلي الدخول لإضافة تعليق.

التعليقات

109
  1. @daaat_ahlamy_1

    صادقه والله حتى انا لمن اتابع الشريط استغرب من اللي تكتب كذا وماتوقع تقدر تحصل مساعده من البنات
  2. @kly_hla_okblh

    صحيح كلامك
    شريط القناه كان مفيد والحين استغفر الله ماصرت اطلع منه بمعلومه مفيده صار اغلبه كلام ماله داعي
  3. ضحكتيني والله على مشاركاتهم
    انا شلت بدايه من بيتي لاني جلست فتره اتابع الشريط
    وصرت موسوسه من الامراض اللي يقولون والخيانه والاشياء العجيبه
  4. @am_tymo_1

    أنا طلعت المجد من غرفة جلوسنا حامت كبدي من رسايلهم والله أستحي عند زوجي من كلامهم
    لا وإذا جلسوا يتكلمون عن عمليات تجميل المنطقة ال.... الله يقرفهم هم والكنترول الي عاجبته ذا الرسايل
    لكن انتقدي القناة لوتموتين ماتطلع الرسالة وأنا مجربتها والله كلامي كان ملاحظة وبأدب وما طلعوها

تابعي تجارب أخرى من هذا القسم.