شاركي في النقاش

سجلي الدخول لإضافة تعليق.

التعليقات

1,352
  1. @fairy_tale_1

    ما شاء الله

    مبروووووك أم مريم .. ألف ألف مبروك..

    الله يبارك فيها و يرزقكم برها.. يا رب..
  2. @dloaah_sydha

    السلام عليكم يا اخواتي المغتربات انا اختكم من ادليد احب استفيد من الاخت ضيم الجراح واقولها انه فيه جمعه كل يوم سبت اذا حبت تحضر لها والف شكر على الموضوع
  3. السلام.....
    اش اخباركم وكيف الغربه معاكم...والله انكم شوقتوني اكثر لزيارة استراليا انا هالصيف باروح لاستراليا...في 18-6-2005....اتمنى اعرف بعض المعلومات منكم..

    1-ابغى اعرف اش اللباس الاسلامي اللي تلبسونه في استراليا وهل فيه وحده منكم تغطي وجهها وهل فيه مضايقات للي تغطي وجهها وتلبس اللباس الاسلامي وهل تتقيدون بلون معين او انكم تلبسون العباءه السوداء مثلنا في الخليج..

    2-اذا اخذت معي معمول بخور هل يصادرونه في المطار والا عادي..لانه احنا الخليجيين ما نستغني عن ريح العود والبخور..
    3-احنا بنقعد شهر في استراليا وبنروح قولد كوست وسدني..تنصحوني اروح اماكن ثانيه بحكم معرفتكم اكثر مني بهالبلاد..واذا ما فيها كلافه ولا ازعاج اذا قدرتم توزعون لي هالايام في مدن مختلفه وحلوه في استراليا..لاني باروح انا وزوجي وعيالي السته انا عندي ثلاث بنات وثلاث اولاد..
    والله انكم شوقتوني حتى لشوفتكم ..اتمنى اذا قدرنا نشوفكم في مكان هناك ونتتعرف عليكم اكثر...


    4-اذا تامرون على شي من السعوديه امرو{عود-بخور-اي شي تبغونه مني لا تترددون اعتبروني مثل اختكم...}

    مع تحياتي..moon2006[ام لمى]
  4. @bnt_adm_1

    لهلوبه7
    عزيزتي وردة أمل اذا تبغين طريقة الشطه هذي طريقتي فيها والكل صار يسويها تاخذين 2حبه طماطم و1 بصل و7 فلفل حاراذا وجد أحمر أفضل مع 2 فلفل حار أخضر اولا :نقطع البصل كبار ونكشنها عاى النار مع شوي زيت واذا ذبلت نضع عليها الطماطم مقطعه كبار ونح…
    السلام عليكم

    يا هلا أختي موون 2006 ..

    شهر ستة بيكون بررررد,, في سدني لذلك احسبي حسابك,, أما جولد كوست بيكون معتدل.

    *********************

    1- اللباس اللي نلبسه:

    عني و كثير من الأخوات اللي أعرفهم نلبس عبايات ملونة و لثام و طرحة ملونة.

    أو عباية و خمار و نقاب.

    و أحيانا في حدود الزيارات بين الجيران ممكن ألبس العباية و النقاب و الطرحة السوداء.

    و البعض يلبس عباية و حجاب بدون غطاء..

    و ما فيه أي مضايقات لا في سدني و لا غيرها ان شاء الله.

    سافرت أماكن كثير في أستراليا و منها أماكن نسكن في منتجعات في وسط غابة أو مكان بعيد عن

    المدن ,, و ممكن أكون أول وحدة يشوفونها منقبة لكن كانوا قمة في الأخلاق و الإحترام..

    لذلك ثقي في نفسك و لا تبالين بنظراتهم و الله يحفظك.

    ******************

    2- بالنسبة للبخور : في كرت دخول أستراليا اللي يوزعونه في الطيارة قبل الهبوط أو في المطار بعد ما تنزلون

    فيه خيار عن اذا كان معك اشياء خشبية و لا لا..

    أنا أكتب نعم و اذا جيت للتفتيش يقولون اش الخشب اللي معك أقول لهم انه نوع من

    Sandal Wood

    و انه يستخدم كـ Perfume

    و بس

    دايما أقول كذا و يدخلونه.

    و فيه ناس ما يكتبون و يحطونه وسط الملابس و ما ينتبهون.

    *****************

    3- تقريبا قولد كوست هي الأفضل للسياحة العائلية, و سدني حلوة و تستحق الزيارة

    ممكن تروحون للجنوب في منطقة اسمها سنوي ماونتينز للتزلج.

    و فيه بعض الكنتري سايدز اللي تتميز بها أستراليا.. للي يحبون الأماكن الريفية

    و المساحات الخضراء الكبيرة..

    بعطيك كم موقع ممكن تستفيدون منهم.. في رد لاحق ان شاء الله.

    * و اذا جيتي و انا موجودة لااااازم تزوريني.

    *************

    4- ما يامر عليك عدو.

    **************
  5. لهلوبه7
    عزيزتي وردة أمل اذا تبغين طريقة الشطه هذي طريقتي فيها والكل صار يسويها تاخذين 2حبه طماطم و1 بصل و7 فلفل حاراذا وجد أحمر أفضل مع 2 فلفل حار أخضر اولا :نقطع البصل كبار ونكشنها عاى النار مع شوي زيت واذا ذبلت نضع عليها الطماطم مقطعه كبار ونح…
    السلام.
    تسلمين حياتي والله ما قصرتي..بس اذا ما فيها ازعاج حابه اتعرف عليك اكثر...
    انا ابغى اعرفك على نفسي
    انا عايشه في السعوديه في الظهران واحنا رايحين سياحه لاستراليا
    انا عندي سته اطفال ثلاث بنات وثلاث اولاد..

    انتي كم عندك اطفال..من غير احراج لك ...لاني حبيتك والله لاني قرات ردودك في كثير من المواضيع في المنتدى وانتي اول وحده ترد علي وتستقبلني في المنتدى..تسلمين حياتي على هالاستقبال والرد الحلو..

    اتمنى اذا ما فيا كلفه تقدرين ترتبين لي هالشهر لاني محتاسه وين اروح--كلن يقول لي مكان اروح له..لاسيما ان هذي اول رحله لنا لاستراليا وانتي ادرى مني بالمناطق الحلوه هناك...

    وكم لك يالغاليه سنه وانتي في استراليا وفي اي منطقه عايشه وين عايشه بالضبط لاني ودي اتعرف عليك وازورك انشاء الله اذا وصلت لاستراليا...

    مع تحياتي اختك..ام لمى

تابعي تجارب أخرى من هذا القسم.