.. رحلت يابوي قبل اتضمك يديني .. بناااااااات محتاجتكم ...

@ngd_16

اعذروني يابنات اقول اللي بخاطري ولو طال الكلام خلوني انثر همومي


ف البدايه الحمد لله الذي لايحمد على مكروه سواه
ااااه يابنات والله ان عيوني غرقانه بالدموع وانا اكتب الموضوع أبوي مات الاسبوع اللي راح
مااااااااات رحل عن الدنيا وتركنا مالنا غير الله .. والحمد لله ..
رحل عن الدنيا بعد غيبوبة دامت لمدة 6 أشهـر والسبب غير معلوووم ..؟!
والله يابنات ف اليوم اللي طاح فيه كان يسولف ويضحك معي الا انه كنت لما التفت واحط عيوني بعيونه اشوفه يطول النظر فيني كانه
في خاطره كلام بس ماقال شي وانا اضحك ومستغربه وفي نفسي اقول ابوي شفيه يطالع فيني كذا كل شوي ..!!
مر الوقت وبالليل جلسوا امي وابوي واخواني يتقهون وانا جلست معهم بس كل شوي طالعه داخله قال ابوي تعالى تقهوي معنا ..!! قلت لا هين مابي شي اللحين
وجلست شوي وطلعت للمجلس وحطيت راسي ونمت ماصحيت الا اختي تالي الليل تصرخ نجد قوووومي قووومي ابوي مادري شفيه مادري شفيه
انا وربي مادري شلون قمت من مكاني واركض لغرفة ابوي واحس اني مو بوعيي ويوم شفت منظر ابوي اخترعت قلبي طاح ولا عاد شالتني رجولي
امي حاطه راس ابوي على رجولها وتردد لا اله الا الله وتنادي ابوي باسمه وعيونها غرقانه دموع وصوتها كانه خانقته العبره ..!!
أبوي كان فاتح عيونه يطالع للسماء بس ماااااايرمش كانه واحد مسلم روحه
وياخذ نفس ولا يرده ياخذ النفس بس وبصوت قوووي
شديت ابوي ونفضته بكل مافيني ابوووووووي قوووووووم شفيييييييك
ابوووووووووي الله يخليك قووووووووم ولا حرااااااااااااك

صحوا اخواني كلهم وماكان عندنا اخوان كبار بالبيت
ندق على اعمااااامي وخواااااالي ولا حد يرد ضيعنا رقم الاسعاف من الروعه
قسم بالله كنت بطلع الشارع اوقف اي كائن كااااااان يلحقنا
واخيرا واحد من اعمامي يرد وقلنا له يطلب الاسعاف وطلب الاسعاف وجا من بيته
ويوم شاف ابوي انصدم وجهه انقلب حاول يصحيه ولا في امل راح يركض للشارع على جيت الاسعاف وشالوا ابووي قدام عيوني وهو بلا حرااااااااااااك وعيونه شاخصه للسماء
شالووووووووه مييت لان القلب توقف عنده وانعشوه بالاسعاف
جدي صحا يوم مروا بالنقاله من جنب غرفته والله اني اشوفه يرتعش يوم
شاف ابوي وعمي مسكه وهداه وجلسه بالمجلس وراح مع ابوي
وجدتي طلعت ويوم درت بالعلم جلست تبكي بكا يقطع القلب صارت
ترتجف خفنا تطيح علينا
وبعد ساعه وحنا كل شوي على اتصال مع اخوي وعمي طمنونا عن ابوي انه رد له النفس وانعشوا له القلب ...
ااااااه يابنات ماقدر اوصف لكم حالي هذاك اليوووم قسم بالله اني اكتب ودموعي على خدي ...منظر ابوي كان يرووع

ومرت الايام والشهور وابوي بالعناية بحالة غيبوبة تااااامه ونقلناه من
مستشفى لمستشفى وسبب الغيبوبة غير معلومه ..!!
كل ماشفته وصوت نبضات قلبه يرن في اذني والاجهزه بكل مكان احس قلبي ينزف قرينا عليه ومسحناه بقرايه وجبنا شيخ يقرا عليه ولكن الحمد لله
على كل حال
بنات اعذروني ماني عارفه ارتب كلامي

يتبع

209 تعليق 12,805 مشاهدة

0 0

شاركي في النقاش

سجلي الدخول لإضافة تعليق.

التعليقات

203

  1. @jameela_q8

    ان لله و انا اليه راجعون
    الله يرحمه و يصبركم
    و ****الله اجر صبركم في مرضه مايضيع

  2. @ngd_16

    صاحبة الموضوع
    حلمت قبل اسبوعين بأن ابوي جاني بالمنام وانا فرحت بشوفته وكنت ابي احب راسه بس انه خذاني لحظنه وضمني لحظنه بكل قوته وجلست
    ابكي بكا كاني طفله احس ان قلبي بيتقطع من البكا ..

    انا صحيت من الحلم ونا مرتااااااحه ومستانسه قلت ان شاء الله خير ان شاء الله ابوي راح يقوم بالسلامه ..

    بعدها بكم يوم رحت اخذ نتيجتي يوم السبت الموافق 26/6
    والحمد لله نجحت وقلت بكره راح ازور ابوي بالمستشفى واخبره اني نجحت اكيد رااااااااح يفرح وبقوله تراك بتنجحني لمن تقوم بالسلامه يعني لاتتهرب لان ابوي متعود على اسلوبي المرح شوي .. والدكتور يقول تراه يسمعكم لمن تتكلمون ..
    ونمت صحيت الصبح وشوف اختي قدام المرايه عيونها مورمه وحمرا قلت لها شفيييييييك قالت مافيني شي ماهتميت كثير دخلت امي الغرفه
    شايله اخوي بحضنها وعيونها حمر ووجها متغير قلت يممه شفييييييييكم عورني قلبي وقتها خفت قالت مافينا شي خالتك برا تبيك وسكرت الباب والتفت على اختي شفييييييييك ماتقولين لي ابووووووووي فيه شي امانه قولي نزلت عيونها وقالت مافي شي

    طلعت من الغرفه ولمحت الصاله فيها حريم سارعت خطواتي للمغاسل وانا ارتجف وغسلت وجهي ونا افكر واقول لا ابوي ماراح لا لا وتسندت على الجدار الا اشوف
    بنت عمي ووجهها متغير هنا تيقنت ان ابوي فيه شي لان بنات عمي بمنطقه ثانيه قلت فيييييييييييييكم شي قوووووولو لي ونا ارتجف صرت اتمسك بالجدار قالت لا مافي شي
    شوي الا خالتي جايتني ومعها حريم خوالي صرخت قلت شفييييييييييييييييييييييييييييكم خذتني خالتي لحظنها وقالت ابووووك يطلبك الحل ..!!
    أبوي حبيبي يطلبني الحل ..؟
    ودفيتها وصرخت من غير وعيي قلت ابوي لاااااااااااا وخروا عني ويمسكوني ويذكروني بالله الا انا طايحه مغمى علي ماصحيت الا اللي يمسح وجهي واللي يبكي ويقرا علي
    هنا سلمت للامر الواقع وبعد ماهديت صليت
    لي ركعتين ونا على سجادتي ابكي جاتني امي
    وجلست قبالي وضمتني لحضنها وبكيت وبكت
    بكا اول مره بحياتي اشوف امي تبكيه اااه ..
    الله يرحمك يااااااااابوي
    والله يابنات في عزا ابوي جو عاااااااااالم ناس نعرفهم وناس مانعرفهم .. خالي واخوي يقولون
    ان المسجد كان مزدحم بالمصلين سكروا الطريق
    بالسيارات صاروا يوقفون بنص الشارع والمقبره
    كانت زحمه وكل من عزا اخوي قال ياحظ ابوك
    ان شاء الله انها من بشائر الخير ..
    والله اني شفت رجال تبكيه عليه رحمة الله
    ابوي كان متواضع وقلبه كبير ومايستحقر اي
    كائن كان ومحبوووب عند النااااس ..
    جدتي يوم شافتني ابكي قالت يابنيتي ابوتس
    ان شاء الله مابه خوف عليه هو عند ربه بخير
    ان شاء الله بار(ن) فيني وبوبيه ..

    لك الحمد ياربي على كل حال
    انا لله وانا اليه راجعوون
    اللهم اغفر لوالدي وارحمه واجعل قبره روضة من
    رياض الجنة ..
    اللهم بدل سيئاته حسنات .. اللهم اغسله
    بالماء والثلج والبرد اللهم اجعل ما اصابه تكفيرا
    لذنوبه ..
    اللهم اجعل سكناه الفردوس الاعلى مع النبيين
    والصديقين والشهداء ..
    اللهم اجعلهم ممن ينادى عليهم ادخلوها بسلام
    آمنين ..



    يا بوي.. ارجعلـي ولا تـغـيـب عنـي
    لا تغيب عن بـنـتـك تـراها يـتيـمـه
    يا بوي.. عبـراتي ودمـعـي وقـلبـي
    عـلـيـك تبـكي واللـيالـي طـويـلـه


    دعواتكم يابنات

تابعي تجارب أخرى من هذا القسم.