قهوتك العربيه ...تفضلي لو تكرمتي

السلام عليكم

كيفكم يا أحلى حوائيات,,, أنا عندي مشكله صغيره وأبيكم تساعدوني...

أنا أبي منكم كل وحده تدخل موضوعي لوتكرمتوا تكتبون طريقة قهوتكم ومن وين تجيبون البن والهيل والأشياء الثانيه اللي تحطونها...
أنا بصراحه فاشله بالقهوه:angry: وعندي عزيمه قريب وشايله هم ما أدري وش أسوي:44: ,,,

تكفون ساعدوني شوفوا أنا أجيب البن من المهباج مطحون جاهز وأحط عالقهوه شوي زعفران وأحط نص ملعقه صغيره خلطة القصيم للقهوه لقيتها بالعطار وأحط شوي زنجبيل مطحون مع مسمار مع نخوه وبس.. بس تطلع قهوتي ماهي حلوه كأن فيها سكر تخيلوا...:icon8:
ما أدري كيف حتى أتفشل من الناس أدري أنها ماهي حلوه بس وش أسوي ما أدري وش العيب فيه مع أني أخليها ثلث ساعه عالنار بس أقول يمكن لأننا ما نتقهوى الا بالشهر مره ما أدري:09:
تكفون تكفون ساعدوني الله يرفع درجتها في الجنه اللي تساعدني ويوفقها بالدنيا والأخره...

15 تعليق 4,851 مشاهدة

شاركي في النقاش

سجلي الدخول لإضافة تعليق.

التعليقات

15
  1. @am_olody_oaanodh

    هلا حبيبتي ولا يهمك انا راح اقولك طريقتي فالقهوه اولا حطي فنجال حق القهوه قهوه طيب وبعدين صبي عليها المويه المغليه وخليها تتطبخ على النار وبعدين جيبي ترمس القهوه وحطي فيه ملعقه هيل مطحون وربع الملعقه قرنفل وحطي ملعقه صغيره من خلطة القهوه تلقينها بالسوبر ماركت وصبي القهوه بالترمس وبس
    اتمنى افدتك ياعسسل :27:
  2. @ahlamy_kthyrh_1

    صاحبة الموضوع
    المشكله إني قد سويت كذا بس فيه طعم مو حلو يطلع بالقهوه...وما قلتيلي من وين تجيبي البن وأي نوع تستخدمي
  3. @roh_alghla_4

    والله ياقلبي مو من زين قهوتي عاد خخخخخخخخخ
    بس انا الحين قاعدة اطورها يعني قاعده اتعلم واتعلم وان شاء الله تطلع حلوة
    انا اشتري القهوة نية تماما وهرري بعد والهيل نفس الشي وانا الي احمسها واطحنها والهيل بعد واحط كمان نوع زعفران ممتاز
    واحيانا احط عليها محسنات زي الشمر والنونخه والزنجبيل بس احيان من غير محسنات وتصير زي ماهي ماتغير بطعمها شي
    تي تي تي تي مثل مارحتي مثل ماجيتي هههههههه

    ومن جد تعبت فيها لدرجة اني قعدت اطالع مرة اخوي وهي فناااااااااااااانة جدا بالقهوة وقهوتها حكاااااااااااااية
    وسويت زي ماسوت مع انها ماجابت شي جديد بالعكس احيان ينقص غرض من اغراض القهوة ولا تحطه

    وحاولت اقلدها بكل شي ولاطلعت زيها علمتها وقعدت تضحك علي ههههههههههه
    وانا قبل لاتزوج كانت قهوتي عادية اذا مو حليوة وكان ابوي يمدحها بس الله وكيلك تزوجت من هنا وصارت قهوتي
    الله يديم النعمة ماتنذاااااااااااااااااااق خخخخخخخخخخخخ حتى الموية تبع الشرب صحية

    جربت اكر من نوع بن واكثر من طريقة وحتى خلطات القهوة قصيم وغيره ماجاب نتيجه مع انو الكل قال طريقك صح
    بس ليش قهوتي كذااااااا؟؟؟؟؟؟؟؟ >>>> طعم قهوتي تحسين فيه بالهيل والزعفران وكل شي بس عيبها شي غريب !!!!

    طعم البن نفسه فيه بلاء ؟؟؟؟ من جد عارفة لما تكوني مكثرة القهوة مرة كيف يصير طعمها خخخخخ كذا طعمها
    البن مررررررررررررة يبين
    ولا احد يقول قللي قللت وبدل المرة مليون ومافيها فايدة ولاول مرة بحياتي اياس واقطع الامل من شي اسمه قهوة
    وللحين ماعرفت السر الي خلي قهوتي كذا ؟؟؟
    كانو احد داعي علي خخخخخخخخخخخ او انو الله حرمني من بركة القهوة الحلوة

    سوري قلبي طولت بس حبيت اقولك انك مو لحالك بالعالم
  4. اهلين اختي ----- انا بقولك كيف اسوي قهوتي اجيب براد القهوه واحط فيه ماء يكفي لترمس القهوه ويزيد شوي واحط مقدار فنجان قهوه بن واغطيها واخليها تقريبا ثلث ساعه تطبخ بعدين اجيب ترمس القهوه واحط زعفران وهيل حسب الرغبه واصب القهوه عليها وتطلع زينه -- اتمنى اني افدتك
    تقبلي مروري
  5. @lokh_aldloaah

    هلا يا قمر انا بقولك طريقتي للقهوه عجيبه تحطين مويه مغليه بالبكرج وتحطين فنجال قهوه وتخلينها تغلي لمدة اربع دقائق بعدين تحطين ملعقه هيل وشوي زعفران وشوي مسمار وبس وتخلينها لين تفور وبعدين تحطين ملعقه هيل بالترمز وتزلينها واتمنى اني افدتك وان شاء الله تسوين طريقتي وتعجبك

تابعي تجارب أخرى من هذا القسم.