بنات رجيتكم ادعو لزوجي بالشفاء قلبي يتقطع
السلام عليكم ورحمة الله وبركاته
بنات رجيتكم ادعو لزوجي بالشفاء اول امس رحنا المستشفى ولدي ووحيدي كان يشكي من سنونه وزوجي قال دام جينا وجينا بروح افتح ملف ودخل عند دكتور الباطنه شيّك على ضغطه قاله ماشاء الله طبيعي وطلب منه عينه دم لفحص السكر لكن زوجي قاله ان السكر عنده تمام لكن الطبيب اصّر لان هذي اول مره ولازم يسجل اول فحص للضغط والسكر بيرسلونها لشركة التأمين
المهم سوولوا فحص وطلع النتيجه 400 ايه 400 يا بنات انا بصراحه انصدمت لكن ما بينت لزوجي وطلب منه الطبيب يرجع ثاني يوم صايم بيسوون له فحص شامل للهرمونات والنتيجه شحوم ثلاثيه وسكر وكوليسترول وصل 600
رجيتكم بنات ادعو لزوجي بالشفا انا ادري ان الله سبحانه وتعالى ان احب عبدا ابتلاه وزوجي ربي يحفظه ويخليه انسان بسيط ما شفت انسان يرضي امه وابوه مثله ويوصل رحمه ماشاء الله تبارك الرحمن مو كبير عمره 39 سنه يعني ما ادري اللي صابه ذا فجأه 000 آآآآآآآآآآآآآآآآآه:06: يا بنات ذا حين نسيت الحمل والخلفه:04: والاولاد وهمي الكبير هو ان الله يشفي زوجي ويرجع مثل الاول وزود مسكين يا قلبي الله يشفيه ويعافيه
ادري طولت عليكم لكن وش اسوي هو ابوي واخوي وحبيبي وزوجي
الله لا يمتحنكم بغالي تدعون له عند الاقامه وصلاة الفجر وقيام الليل
اختكم في الله