الأطفال الرضع يشوفون كوابيس ؟؟

السلام عليكم

بنتي كملت سنه من اسبوع الله يطول لي بعمرها..
شي موضوع يخوفني ويقلقني وايد من أيام كان عمر بنتي شهر ..
تقوم من النوم مفزوعه وتصرخ وتصيح بطريقه ترعبني وتجمدني في مكاني لدرجة اني أخاف أقرب منها وأشيلها واشوفها تبكي دموع وهي في عز نومها ومغمضه عيونها .. صياحها مثل صياح الطفل لما ياخذ التطعيم أو لما يكون حد يضربه أو يخوفه

وحتى لما أهديها وأشيلها في صدري وأقرا عليها تاخذ وقت عشان ترجع تهدى
وتنهي صياحها وبكاها بتنهيد ونفس متقطع .. مازالت على هذي الحال حتى الليله .. وايدين نصحوني أقرا عليها أدعيه ورقيه قبل النوم وحزة المغرب وانا مواضبه عليهم لكنها مازالت تعاني من هالشي..
كان تفسيري الوحيد انها تشوف كوابيس .. بس شو من الكوابيس الرضع ممكن تتراوالهم وهم ما يفهمون بعد شي من هالدنيا ؟؟

في حد منكم يصيرله شي شبيه مع طفله الرضيع وبشو تنصحوني ..أخاف هالشي راح يستمر معاها؟؟

جزاكم الله خير

أختكم أم شمسه

9 تعليق 17,622 مشاهدة

شاركي في النقاش

سجلي الدخول لإضافة تعليق.

التعليقات

9
  1. @mama_albnat

    والله يا اختي ام شمسة ما تقولينه ما شفته لا مع بنتي الاولى ولا الثانية
    يقول المختصون ان الطفل لاي رى كوابيس قبل الثانية او الثالة لكن هذا ليس اكيدا
    بالنسبة لابنتك في رايي لا باس من مراجعة طبيب
    بعض الاطفال الذين لديهم مشكل ارتجاع يبكون لكن في حالة ابنتك لست ادري
    ان شاء الله تجدين الحل قريبا
  2. @am_shmsh

    صاحبة الموضوع
    شكرا أختي ماما البنات على الرد .. أنا بعد سألت وايدين وما صادفوا ان عيالهم في هالسن يصيرلهم شي شبيه..

    ما أدري اذا اي وحده تعرف أو سمعت عن أطفال بهذي الطريقه وتساعدني ألاقي تفسير أو حل..
    جزاكم الله خير
  3. @ykyn_alroh

    آنا أشوف أحياناَ ولدي جدي يعني مثل ما اتقولين يبرطم ويتنهد مرة وحدة بصوت واحيانا يطلع صوت اصياح بس وايد خفيف ويرد سكت واحيانا مرة وحدة يصرخ لي من دون اي سبب في عز نومته وصار لي مرة يومين ورا بعض وبنفس الوقت بالدقيقة يعني المرة الأولى كان 1.30 بنص الليل واليوم الثاني نفس الوقت وكان ما يسكت حتى اني اقرا عليه ايات ونفس الشي قلت يمكن شاف حلم والله شي .. ما ادري ياريت احد يقدر يفيدنا اهني .
  4. سؤال يتحدد بعدها الاجابة ... هل تأكلينها اجبان بالليل ... اذا نعم فابتعدي ... وشربيها حليب بس ( لأأني مرة صارت مع بنتي أكلتها جب الساعة 7 وطول الليل ما نامت )
  5. @zogy_alghaly

    حتى بنتي الله يحفظها...
    بس ما ادري.. عمتي ام زوجي تقول عادي الرضيع يحلم..عشان جيه مرات تشوفينها تبوز مرات تبتسم ,,ومرات تصرخ صرخه تفزع منها حتى انا اخاف..بس بنتي بعدها ما كملت الاربعين..واايد اقرا عليها...الله يحفظها
    ربي يحفظ بنتج من كل شر.....

تابعي تجارب أخرى من هذا القسم.