شاركي في النقاش

سجلي الدخول لإضافة تعليق.

التعليقات

1,754
  1. البنات كلكم كيدايرين واش لاباس ؟ الحمد لله لرجعتو انا قلت راه واقيلا رحلتو.

    ام هبة الحمد لله لي وليتي بخير ان شاء الله الدورة الجاية متشوفيها غير من بعد 9 الشهور يارب.

    لطيفة الله يعاونك على الوحم وكلشي يهون اختي في سبيل الخلف والشعر ماشي موشكيل استغلي

    الفرصة وديري كاع التقطيعات لي فايت شايفاهم منها تبدلي الشكل ويجيك ساهل في المشيط

    حتى تولدي بالسلامة وطوليه وتهلاي ديك الساعة فيه.وتفس الكلام لرجاء.ربي يقومكم بالسلامة

    انتم وجميع الحوامل يارب.

    هدى الف الف مبروك وياربي ماتطل علينا حتى تجي بكريشتها من دبا هي الاولى هادشي راه ولى كيخلع.

    جروح غير ستري مااستر الله كتقولي العنصرية ماشفتي كاع كون فهمو كلامنا وتشوفي لمايسدوه ويجرو علينا من هنا

    احنا قالبينها قصاير وجمايع جاب الله هوما مافهمين والو.

    جوهرة كازا على سلامتك ملي ساليتي التخمال والله يلا انا كل نهار كنقول نبدا ولكن شادني شي عكز مع هاذ الصهد

    الله ينجيك.انا ملي كيسخن الحال كنولي بحال الدجاج الرومي كنوض من هنا ونجلس هنا.

    راكيل كيدايرة أختي خديتي القسط لهندي ولا باقي؟

    مرين 79 اش خبارك اختي لباس؟

    ياك منسيت شي حد يلا نسيت شي حد يسمحلي راه مكنبغي حد يتقلق علي.
  2. @rakeel

    RAKEEL
    بارك الله فيك اختي جوهرة كازا ان شاء الله يرزقنا بالذرية الصالحة كاملين
    الاخوات بغيت نسولكم الى شي وحدة فيكم كتعرف شي طبيب مزيان هنا في كازا ديال الدكورة

    بغيتو لراجلي يتبع معاه


    لي عندها شي معلومة في هاد المجال تجاوبني الله يجزيها بخير و الله يحقق ليها كل ما كتمنى




    ربي لا تزرني فردا وانت خير الوارثين
  3. @rakeel

    RAKEEL
    الاخوات بغيت نسولكم الى شي وحدة فيكم كتعرف شي طبيب مزيان هنا في كازا ديال الدكورة بغيتو لراجلي يتبع معاه لي عندها شي معلومة في هاد المجال تجاوبني الله يجزيها بخير و الله يحقق ليها كل ما كتمنى …
    بارك الله فيك اختي المتفائلة

    كنتمنى تكوني حتى انت بخير وجميع لبنات

    باقي هاد الساعة ما خديت القسط
  4. راكيل راه البنات في الصفحات الاولى ذكروا أسماء شي ثلاثة ولا اربعة اطباء في كازا

    الدكتور الصفريوي والمصباحي واقيلا وعرفت لاخر اسميتو رجعي للصفحات الاولين وغادي تلقايهم

    من الصفحة واحد حتى لستة واقيلا.
  5. لبنات بغيت غير نسولكم اش كديرو في الكراء؟ لمن كتخلصوه؟

    ام نجمة غبرات وسمحات فيه.انا بعدا كنحطو ليها في البوسطة حتى تجي بالسلامة.

    بصح نيت مسكينة معرفت مالها غبرات ياربي تكون حاملة وهادشي لي مغبرها.

تابعي تجارب أخرى من هذا القسم.